مدرس اون لايندخول

مهم جدا لمرضي الجيوب الأنفية..

مرضي الجيوب الأنفية اليومين دول حرفيا في #عذاب ؛
مهم جدا لمرضي الجيوب الأنفية..  15095510
⁦⁩مريض الجيوب الأنفية

⁦بيبلع #ريقه باستمرار ؛ #ريحة نفسه ممكن تتغير .
⁦حاسة #الشم بتروح أو بتقل ؛ #صداع وأحيانا #سخنية.
⁦⁩بيحس أن #مناخيره إما مقفولة أو بتسرب زي الحنفية ،
⁦⁩ و #رأسه بيحسها متعلقة في السقف او هتقع منه لما بيوطي.
⁦⁩ و #عنينه بيحس انه عايز يغمضها علي طول لأنها منتفخة وبتوجعه.
⁦⁩و #زوره حاسس ان فيه مسامير . #وعوا_الناس

وحضرتك اكتبلنا شعورك وانت بتعاني لما الجيوب تلتهب

ايه #أسباب الجيوب الأنفية ؛

قلنا قبل كدة إن الجيوب الأنفية بتحصل نتيجة إلتهاب في بطانة الجيوب وبطانة الأنف ويحصل انسداد وتراكم سوائل داخلها ويبدأ يحصل مشاكل .

طيب دا بيحصل ازاي :

⁦⁩بيحصل علي الأرجح نتيجة #فيروس صغير بعد البرد أو الانفلونزا ؛ أو #بكتريا كبيرة .

الاصابة بالفيروس بتكون أكثر شيوعا ؛ تقريبا بيصيب ٨ من كل ١٠ حالات من البالغين و ٧ من ١٠ من الأطفال ..

وبيخف من نفسه خلال ١٠ ايام بالكتير ..

عشان كدة ممنوع ندي مضاد حيوي للجيوب الأنفية خلال أول ١٠ ايام لأن الإصابة أغلب الظن بتكون فيروسية .

أما البكتريا : فيتكون أقل حدوثها .وعلي اي حال المراجع القوية مثل موقع up-to-date ذكر أنه حتي لو بكتريا أصابت الجيوب الأنفية اول ١٠ ايام الجسم بيتغلب عليها ولا يحتاج مضاد لها إلا بعد ١٠ ايام علي أي حال من الأحوال .

ممكن كمان تحصل نتيجة #مسببات_حساسية ملوثات في الجو زي التراب ؛ حبوب اللقاح ؛ قش القمح ؛ العطور ؛ الكيماويات زي بيروسول وراجون وغيره .

نمو زوائد داخل الأنف أو داخل الجيوب اسمها #polyb

انحراف #الحاجز الانفي : الفاصل ما بين فتحتي الانف غير متساوي

⁦⁩ عدوي #فطرية تسبب تصلب وتكلس داخل الجيوب مما يؤثر علي حركة العين والرؤية .

مين منكم بيشتكي من الجيوب ؟!

علاج الجيوب الأنفية الحاد بأقل من ٤٠ ج قبل ما تقرا اعمل #شير و #وعوا_الناس عشان الجو الصعب ده اللي بيسبب تهيج في الجيوب الأنفية .

#العلاج اولا في البيت :

⁦فوطة رطبة دافئة. ضعها على الجيوب الأنفية وشوف النتيجة الفورية السريعة .

⁦جهاز الترطيب أو humidifier : بيرطب الهواء ويسلك الانف والجيوب . ممكن نستبدله بالبخار اللي بيطلع اثناء دش دافئ ب البانيو .

⁦⁩شوربة الفراخ اه والله عليها ابحاث وننزل ليها بوست مخصوص عشان انا بحبها. اشربها ودلع انفك .

⁦⁩نام وانت رأسك مرفوعة : دا بيشجع الجيوب الأنفية انها تصرف المخاط .

⁦⁩تجنب مسببات الحساسية زي التراب ؛ تنفيض البيت ؛ حبوب اللقاح ؛ تاخد شاور وتطلع برة ع طول ؛ تقعد في وش التكييف ..

⁦⁩استخدم بخاخات الأنف المالحة : استخدامها عدة مرات لتنظيف الممرات الأنفية. او محلول ملحي بسرنجة ١٠ سم بدون سن طبعا . او الأرخص علي الاطلاق اكياس الكامصر من الصيدلية تدوبها في مية دافئة وتنظف بيها بس اهم حاجة تستنشقها كويس وشوف الراحة بعدها وادعيلي .

⁦⁩ خليك رطب وفرش : اشرب سوائل كتير عشان ترطب المخاط ويقدر ينزل .

⁦مصل الانفلونزا مفيد جدا للوقاية .

في الصيدليه :

⁦⁩بخاخ الكورتيكوستيرويد ( دي بدون وصفة طبية في بلاد كتير زي أمريكا مثلا وآمنة وتأثيرها السلبي علي الجسم مندعم ) لكن لها أثر السحر علي إزالة التهابات الجيوب .

دائما بخاخاتك في جيبك ( ارخص البخاخات وافضلهم بخاخ #فليكس ) بدونها انا بتحول شخص تاني . عليكم بالفليكس.

في بخاخات تانية مشهوره افاميس ونازوكورت بس غاليين الفليكس رخيصة وبالمناسبة البخاخات دي بردة بتقلل حجم زوائد الانف لو موجودة . واستخدم مرتين يوميا وكمان عند توقع حدوث التهابات في الجيوب نستخدمها مسبقا كوقاية .

⁦مذيبات البلغم ؛ تساعد علي إذابة المخاط المحبوس في الجيوب الأنفية أو جف في الأنف . زي ميكوسول أو ميكو نستخدمه مرتين .

⁦⁩العلاج بمضادات الاحتقان عن طريق الفم ( لا انصح بها لأنها تجفف الأنف ) كذلك مضادات الحساسية .

⁦⁩وللصداع اللي حواللين العين أو خلف الرأس أو في الوجه استخدام مسكن بدون وصفة مثل البروفين أو الباراسيتامول أو النابروكسين عند اللزوم .

ملحوظة :

١- لو الحالة لم تتحسن قبل ١٠ ايام راجع الطبيب هيوصفلك مع السابق مضاد حيوي .

٢- بخاخات المضادة الاحتقان زي اوتريفين لا تستخدم اكثر من ٣ ايام لانها تعطي نتيجة عكسية . ما ذكرته هو بخاخات الكورتيكوسترويد .

٣ - حالات اعوجاج الحاجز الانفي أو زوائد داخل بطانة الأنف أو بطانة الجيوب أو تكلسات نتيجة للفطريات قد تحتاج تدخل جراحي لإزالة أو إصلاح السبب .

لكن ما نذكره هو في الحالات الغير معقدة وقصيرة المدة .
يبقي كدة نقول الوصفة بأختصار مع اختيار ارخص الأدوية :

في #البيت : ( شوربة فراخ ؛ شاور في البانيو ؛ تسليك الانف بمحلول الكامسر ؛ اشرب سوائل ؛ فوطة دافئة علي مكان الالم ؛ نام وراسك مرفوعة ) .

في #الصيدلية : بخاخة #فليكس مرتين يوميا ؛ ميكوسول مرتين يوميا ؛ مسكن نابروكسبن ) تقريبا مش هتكمل ٤٠ جنية .

 وربنا يخفف عنا جميعا . #الشير و #الدعاء
remove_circleمواضيع مماثلة
لا يوجد حالياً أي تعليق
privacy_tip صلاحيات هذا المنتدى:
لاتستطيع الرد على المواضيع في هذا المنتدى