علاج للرشح والزكام والكحة والأسنان وقرح الفم والزور ، وغسول نسائي .. معرفش ازاي

معانا اليوم سر من الاسرار الصيدلانية اللي لازم الكل يعرفها 

علبة اكياس بودر ب ١٠ ج بس فيها ١٠ اكياس اسمها ألكامصر

تركيبة طبيعية قلوية من بيكربونات الصوديوم والبوراكس وكلوريد الصوديوم جعلت منه مسحوق قلوي راىع متعدد الاستخدام .

فاكرين موضوع الكحة لما قلنا الغرغرة بمئة دافية وملح بتقلل الكحة .. احنا هنا نستخدم البودرة كي بدل الملح .

هتقلل من مثيرات النهايات العصبية في الزور وهتنضفه وهتقلل الكحة . كمان ليها دور في تقليل البكتريا .

مش بس كدة دا ينفع كمان كغسول للفم هينضفه ويطهره ويقلل كمان القرح والتهابات اللثة .

ينفع كمان ننضف بيه الأنف لاطفال والكبار ، هيرطب الأنف وهيقلل لزوجة المخاط فبيسهل تنظيفه .
وبالتالي حلو جدا الزكام والرشح واحتقان الأنف والمرضعات .

⁩في الحالات السابقة هندوب الكيس في نص كوب ماء دافئ ونستخدمه في الفم أو الأنف حسب الحالة ٣ مرات يوميا .

ينفع كمان يستخدم كدش مهبلي لما يكون الافرازات حامضية ولها راىحة كريهة أو في حكة حول فتحة المهبل بس هنا هندوب كيس علي لتر مية دافئة ويستخدم من مرة الي مرتين .

يبقي باختصار دا لازم يكون في كل بيت ، لأنه علاج سريع لاكتر من حاجة وسعره رخيص جدا .