حصول ادارى درجة رابعة على مرتب شهر ديسمبر 1900 جنيه، بينما يحل معلم درجة ثالثة معين فى 2014 على مرتب 1750 جنيها..

نقلا عن أحد الزملاء المعلمين /
يشرح فيه حصول ادارى درجة رابعة على مرتب شهر ديسمبر 1900 جنيه، بينما يحل معلم درجة ثالثة معين فى 2014 على مرتب 1750 جنيها، وجاء البوست كالتالى:
من المفارقات الغريبه العجيبه فى الحد الأدنى أن درجه الرابعه إدارى تقريبا يساويك أو يفوقك دا حتى العقود المؤقته (صندوق المحافظ ) بعد تطبيق الحد عليهم(الأدنى قصدى) تقريبا هيفوقونا أو يساونا (طبعا دى مش غيرة ولاحقد ربنا يباركلهم اللى فى جيبهم احسن من اللى عند الحكومه ) بس اللى يزعل فين تقديرى أو تميزى كمعلم مؤهل عالى ودراسات عليا وواخد تدريبات لو خدها المنتخب كان خد كأس المجرات والكواكب انا كمعلم عنصر أساسى ..

معرض لضغوط (لجنه من الإدارة ..من المديريه ..من الوزارة ..من الأمم المتحدة ..) دا غير التلاميذ اللى هى مسؤوليه كبيييييره ...

دا طبعا غير الانتدابات والمرمطه ..الخ وطبعا غير أقدمية العمل المجموعة دى من المعلمين أقل حد فيها اديله ١٠ سنين ..وطبعا كل اللى الامور دى الزملاء الاداريين أو العقود مش معرضين ليها خاااااالص (يامؤمن دول كاتبين اسمائهم ع الكراسى ورابطينها بحبال عشان محدش ياخدها )

السؤال بقى هل ما أقر من الحد الأدنى قران ام قضى الأمر الذي فيه تستفتيان ..

ام هناك خطأ غير مقصود أو مقصود ..

ازاى درجه أقل منى تاخد أعلى منى أو تساوينى وانا اللى معايا الكاااااااااااادر.