مدرس اون لايندخول

للامتحانات الألكترونية... التعليم توجه تنبيه هام لطلاب الصف الثانى الثانوى

للامتحانات الألكترونية... التعليم توجه تنبيه هام لطلاب الصف الثانى الثانوى 41611
أكد مصدر مسئول بوزارة التربية والتعليم أن جميع المدارس الثانوية بدأت استعداداها  للامتحانات الالكترونية التي ستجري لطلاب الصف الثاني الثانوي  بواسطة أجهزة " التابلت ".

وأشار إلي أن  أخصائي التطوير التكنولوجي في المدارس ،  بدأوا في اختبار أجهزة السيرفر الداخلية وشبكات الإنترنت لتأكد من صلاحيتها لإجراء الاختبارات الالكترونية .

وأضاف المصدر أنه تم توجيه تعليمات للطلاب  بضرورة إزالة  آى كلمة سر مكتوبة أو منقوشة علي أجهزة التابلت  ، مع التأكد من  شبكة "الواي فاي" سواء من المدرسة أو المنزل   لتشغيل البرامج اللازمة لتحميل الامتحانات .

أكد أيضا  علي ضرورة  إزالة آى ألعاب من جهاز التابلت  أو مجلدات " ‪security folder   " التي من شأنها منع الاجهزة من الدخول علي سيستم الامتحانات ، محذرة أنه سيتم عمل محضر للطالب المخالف وسيتم تحويله للدور الثاني موضحة أنه لن يكون ورقيا.

موضوع شامل لكل حلول مشاكل التابلت:

١- مشكلة برنامج knox manager مش كاتب اسم المحافظة الي انت فيها وطالب الايميل والباسورد
طب هندي مثال علي محافظة القاهرة
الايميل بتاعها cairo2018@cario.moe.gov.eg
طب الاسكندريه
الايميل بتاعها alexandria2018@alexandria.moe.gov.eg
طب الشرقية
Sharkia2018@sharkia.moe.gov.eg
وكذلك باقي المحافظات علي نفس النمط هتكتب في جوجل محافظة مثلا قنا باللغة الإنجليزية هيطلعلك اسمها تاخدها كوبي
وتكتبها في خانة الايميل :
المحافظة ٢٠١٨@المحافظة .moe.gov.eg
وبكده اكون قولت كل ايميل كل المحافظات بنفس النمط

الباسورد بقي هتلاقيه
Admin123!
بشرط ان حرف الAيبقي كابيتال وبعد رقم ٣ علامة تعجب .

طب في ناس بعد ما عملت كده كتب ايرور الموضوع بسيط جدا
ده لينك الدعم الفني بتاع شركة سامسونج عبر الانترنت هتكتب اسمك واي ايميل مش شرط ايميلك وتسيب خانه الرقم المسلسل فاضية وتختار الفئة جهاز محمول وتوافق علي الشروط والخصوصية وتكلمهم تقولهم عندي مشكلة ان البي دي اف مبيرضاش ينزل هيطلبوا منك رقم ال imei
والمحافظة الي انت فيها وتربط التابلت بالانترنت طبعا سهلة

طب انا ياعم ادهم مش عارف رقم الimei
هتلاقيه علي علبة التابلت بيبدا ب35 وياسيدي لو مش عايز تكلمهم عبر الانترنت هتكلمهم عبر الارضي
16580 وتختار اللغه العربيه وبعدها اختار 9
معندكش ارضي وعايز تكلمهم عبر خدمة اللايف شات
اللينك اهو
https://livechat.support.samsung.com/Customer_new/EG

خلاص انا كده خلصت مشاكل نوكس لو دخلت علي نوكس ودخلت علي ال3شرط الي تحت بعض
ودخلت علي application store
وحملت وبعد ما يحمل يقولك installing وميحملش في الحاله دي هتعمل زي ما قولتلك وتكلم الشركة واهم حاجة التاب يكون مربوط بالواي فاي

2- مشكلة بنك المعرفة باجي افتحه بيطلب مني الايميل والباسورد وبكتبه بيقولي غلط؟! ايه الحل يا ادهم؟!
الحل بإختصار. عشان نتأكد ان المدرسة عملتك الايميل صح من غير مشاكل خش جربه من الكمبيوتر لو قالك غلط هتعمل انت ايميل جديد برقمك القومي علي بنك المعرفة ودي طريقة الشرح

https://youtu.be/htdi4mK1PNs
طب عندي مشكلة تانيه لما بدخل علي بنك المعرفة بيطلعلي كاسبر سكي ومبيرضاش يفتح
ده بإختصار ان البرنامج ده بيحظر بعض مصادر بنك المعرفة المصري زي يورك بريس والحل انك تدخل علي الاعدادات بتاعت التابلت ثم إمكانية الوصول ثم الغاء تفعيل برنامج الendingpoint security

والأسئلة الشائعة دلوقتي علي الكلام ده مش انا كده هخرج من النظام؟!
طب خليني افهمك آليه عمل المنظومة عشان مش كل شوية تقولي اخرج من النظام
مبدائيا النظام ده قائم علي التعليم الالكتروني
مفيش طريقة واحده ممكن تذاكر منها طول م انت علي الانترنت تقدر
تعمل بحث تقدر تعمل موضوع تعبير تقتدر تحمل كتب وقصص وروايات وتثقف نفسك كل ده علي جوجل والوزارة سمحالك انك تستخدم جوجل كروم
والوزارة بتتحكم في التاب عن طريق برنامج knox manager
نسيت باسورد التاب
في برامج منزلتش عندك اهي بقي الوزارة بتتحكم فيك بالبرنامج ده وطول. ما هو كاتبلك دفعة كذه
يبقي انت علي النظام ومفيش اي مشاكل

٣- ازاي اذاكر علي بنك المعرفة المصري

هتفتح بنك المعرفة المصري تختار مصادرنا ثم مصادرنا العربية وهتلاقي بقي وزارة التربية والتعليم الي هي lms
هتلاقي نهضة مصر كل دول هتلاقي عليهم مواد ادبي
وعلمي علي discovey education
Yorkpress
Designmate
طب انا بفتح بنك المعرفة المصري
وبلاقي الكتب pdf ومش لاقي الفيديوهات
الحل بإختصار انك متعبتش نفسك ودورت اكتر
هتلاقي في كلمة اسمها محتوي اضافي هي دي بقي الي فيها الاسئلة وفيها الفيديوهات وفيها كل حاجة.

اخيرا اذاكر بقي ازاي بطريقة صح مادام انت قاعد علي الفيسبوك وشايف البوست ده دلوقتي
يبقي اكيد انت معاك موبايل بيخش علي الانترنت انا بنصحك تتابع شروحات علي اليوتيوب في مدرسين متطوعين لشرح المواد بالنظام الجديد ايوا انا بقولك ذاكر علي اليوتيوب لحين ما الوزارة تضيفه علي التابلت بشكل رسمي وده مش عيب ولا حرام

عندك في الفيزياء قناه العبقري
عندك في العربي قناه بسطتهالك
والخطة التعليمي

عندك في كل المواد علي قناه مصر التعليمية وقناه
Elostaz educational channel
طب انا يا أدهم بلاقي فيديوهات قديمه علي اليوتيوب لاء الموضوع ببساطة ان سياسات اليوتيوب بيجب فيديوهات الحاصله علي اعلي مشاهده حتي لو كانت قديمة فعلاً
وعشان توصل لمحتوي حديث في حاجة اسمها فلاتر البحث في اليوتيوب تقتدر من خلالها تختار فيديو لدرس نازل من شهر او اسبوع وتقدر تختار بدل المدرس ١٠٠
لو مفهمتش من واحد هتفهم من التاني

أخيرا انا بروح سناتر عشان لما في اسئلة بتقف معايا مبعرفش احلها لاء يا حبيبي
في برامج تقدر من خلالها تسمع حصة مباشره وتسئل المستر اونلاين
زي برنامج نون اكاديمي
زي جروبات اولي ثانوي علي الفيسبوك
الموضوع كله انك هتعمل سرعة انترنت حلوة
وتوفر فلوس السناتر الي بتترمي علي الارض وترحم اهلك من المصاريف وتحس بالمسؤولية

معلش الموضوع طول شوية

٤- التابلت جايب شاشة سوده ومبيديش حاجة
هتضغط علي زرار الباور مع الهوم مع زرار تعليه الصوت لمده ٧ ثواني هيرستر ويشتغل بشكل طبيعي

٥- في برنامج اسمهknox manage remote support
ده ملكش دعوه بيه ملوش علاقة اصلا بالمنظومة التعليمية
٦- منصة الامتحانات مكنتش شغاله؟
ايوا فعلا مكنتش شغاله بس الضغط الي كان علي السيرفر وبعد امتحان اللغه الثانية بدا يشتغل عند و البعض لاء

طب هيجي سؤال يقولي انا اعمل ايه معرفتش اشوف الامتحانات الي مكنتش شغاله
خش من موبايلك علي موقع وزارة التربية والتعليم وتحملها بي دي إف

٧- انا حدثت التاب للأندرويد ٨ كده في مشكلة؟!
لا خالص مفيش مشكلة انا عملت كل ده برضه
٨- افتح يوتيوب علي التاب إزاي اعتقد انهي خطواتها كبيرة شوية ومعتقدش ان هي هتهم ناس كتير بس علي العموم اختصارا للبوست هحطلك طريقة بس مش شرط تنفع لان الوزارة حذفت المجلد الأمن
https://youtu.be/-aePQGPc4A8
ودي للناس الي اختفي من عندها المجلد الامن
بشرط انه يكون حمل تطبيقات علي المجلد الأمن قبل ما يختفي
https://youtu.be/sGQ4TA95RG8

٩- تاني بنبه برنامج الending point security ملوش اي ستين لازمة وبيحظر مواقع تعليميه فمش مهم تفعيله والي فعله يلغي تفعيله

١٠ اختبار تحطيم التابلت وتكسيره

https://youtu.be/OkvgkRoFF2g
١١- فيديو لشرح ازاي تبدا تفهم المنظومة وتذاكر
علي التابلت علي فكره ده اهم حاجة والله في الموضوع كله
https://www.youtube.com/watch?v=GwmNqzRJxUU&t=9s

١٢& مشاكل الشريحة كلها حلها اهي

طريقة شحن الشريحة بإختصار الشريحة عليها باقة نت حجمها ١ جيجا
بخمسه جنيه بس حضرتك عشان تشحنها هتشحن ب١٠ جنيه عادي جدا عشان يوصل ٧.٥ جنيه للشريحة ويتخصم منهم ٥ جنيه علشان الباقة تشتغل والباقة حجمها ١ جيجا لو خلصتها قبل ميعاد تجديدها مش هينفع تشحنها الا لما يجي ميعاد تجديد الباقة.
طب اشحنها ازاي
هتروح لاي كشك او اي فرع we وتقوله عايز اشحن شحن علي الهوا وتديله الرقم الي مكتوب علي علبة الشريحة
رقم بيبدا ب0155
بس وكده تكون شحنت الشريحة.

بعض الأقوال الخاطئة عن الشريحة ان هي لازم تتشحن ب25جنيه الكلام ده غلط لان خطك علي نظام اسمه
School students line
لو شحنته ب25 برضوا هيخصم 5 جنيه بس

طب استخدم الشريحة امتي؟
تستخدم الشريحة في حاله عدم وجود انترنت في المنزل
وفي حالة توفر انترنت في المنزل برجاء تنزيل شريط الأشعارات واقفال اتصال البيانات عشان ميسحبش من الشريحة وتخلص
طب انا ركبت الشريحة في التاب وبعد ٤٨ ساعة برضوا مفيش إنترنت

اليك هذه الخطوات
١- فتح الضبط
٢-الاتصالات
٣-شبكاات الهواتف المحمولة
٤-اسماء نقاط الوصول
ثم انقر علي اضافة
وتكتب في الخانه بتاعت الاسم
te internet
والخانه بتاعب ال APN
Internet.te.eg
ثم موافق ثم الرجوع خطوة للخلف
واضغط علي كلمة te internet هيتحول لونها للون الازرق
نزل شريط الاشعارات
وشغل اتصال البيانات وبكده هيشتغل معاك الانترنت وهتظهر كلمة 4G

طريقة معرفة ميعاد تجديد الباقة
هتتصل بشركةwe
رقمهم 111 وتمليهم رقم الشريحة
هيقولولك ميعاد تجديد الباقة تحفظ ميعاد التجديد ده في ورقة عشان تروح تشحنها قبل ميعاد التجديد
مع العلم مش كل مره هتتصل بيهم هي اول مره عشان تعرف ميعاد التجديد وبعد كده كل ٣٠ يوم هتروح تشحن عادي جداً وبكده اكون لميت كل مشاكل الشريحة الخاصة بالتابلت.

وأخيراً متنساش تعمل شير للبوست ده عشان الكل يستفيد اي جروب علي الفيسبوك حتي صفحتك انت كمان شير فيها للبوست ظه عشان الكل يستفيد

ويبقي بكده انا حليت ٩٥ في المئة من مشاكل النظام الجديد

أدهم محمد
remove_circleمواضيع مماثلة
لا يوجد حالياً أي تعليق
privacy_tip صلاحيات هذا المنتدى:
لاتستطيع الرد على المواضيع في هذا المنتدى