كيفية التحضير وعمل الخطة الاسبوعية على تطبيق وزارة التربية والتعليم plj

استعرض الموضوع السابق استعرض الموضوع التالي اذهب الى الأسفل

22092019

مُساهمة 

. كيفية التحضير وعمل الخطة الاسبوعية على تطبيق وزارة التربية والتعليم plj




PLJ  او برنامج التنميه المهنيه للمعلمين

س1 . اطبق من المنهج ازاي وارفعه ازاي؟.
ج. الممارسات والاهداف موجوده من واقع منهتنا كمعلمين كلها مثال التخطيط والاعداد واستخدام دليل المعلم للانشطه التعليميه التي تتفق مع المهارات الحياتيه والقيم ونواتج التعلم فمن واقع دليل المعلمه نجد ان الهدف متوفر بس محتاجين الدليل على ان انا بالفعل نستخدم دليل المعلم في التدريس الخاص بي.

س2. ازاى اقدر استخدم تطبيق رحله التعلم المهنيه كموجه او كمدرب؟
ج .كموجه هادخل عادي جدا من الموبايل او من الويب بالكود والباسورد وادخل من خلال الحساب الخاص بي اما كمدرب في انا برجع للاصل الخاص بي في ان كنت موجه مدرب في انا بقى ادخل من طريق الموجه اما لو كنت مدرب معلم ان ادخل كمعلم
.
س3.من الاشخاص المنوط بهم او الخاص بهم البرنامج رحله التعلم المهنيه plj ؟
ج. رحله التعلم المهنيه او PLJ خاص بكل الساده المعلمين والموجهين المختصين بالمنظومه الجديده2.0 في اي معلم ومعلمه او موجه وموجة لمرحلة جي 1 وكي جي 2 والصف الاول الابتدائي والصف الثاني الابتدائي هم دول المنوط بهم او الخاص بهم البرنامج PLJ

س4.لو ظهرت اى مشاكل اثناء التسجيل ما افعل؟
ج. مرجعيه التسجيل في قاعده البيانات اللي بتوفرها الوزاره والتى توفرها الوزاره من خلال مكتب الاحصاء الموجود بالاداره التعليميه يبقى لما اواجه مشكله في التسجيل لازم اتاكد من مكتب الاحصاء والمعلومات الخاصه بي التي به صحيحه بعدها اكلم الدعم الفني واقول المشكله

س5. هل نقوم في العمل من الان ام انتظر دخول المدارس؟
ج. في حاجات نقدر نشتغل عليها من دلوقت وحاجات لابد من انتظار وجود المدارس مثل المعلم المتواصل وايضا التخطيط والاعداد دول نقدر نشتغل عليهم من دلوقت لكن اي هدف مربوط بالتدريس لابد من انتظار وقت المدرسه

س6. هل من الممكن تغيير المسار بعد التسجيل مع الاحتفتظ بالنقاط؟
ج . بعد بدء العمل بالمسار فالوحده اللي بنتحاسب بها هي مجموعه الاهداف مع بعضها فنجد مجموعه مربعات لما بفتح المربع نجد انه يحتوي على هدفين او اكثر من هدف او هدفين او ثلاث اهداف او اكثر الوحده اللي هنتحاسب عليها هي المربع ده بسجل نقاطي واخلص المربع ده وكل النقاط يتم استيفائها ذاتيه او مع زميل او مع موجه في مجموع النقاط ينتقل للملف الشخصي بتاعي او لو المجموعات دي مش خلصت فلن تنتقل للملف الشخصي الخاص بي ويكون الاختيار بين اعاده المسار وايقاف المسار لو وقفت المسار اي مجموعه غير محققه حتى النهايه بفقد نقاطي الخاصه بها والمجموعات التي حققتها كلها تحتفظ بنقاطي في الملف الخاص بي

س7. ما وجه الاستفاده الكليه من التطبيق وازاي ان هو ملزم على كل معلم؟
ج. PLJ هو اداه تم اختيارها للتحقق من التقدم او التاكد من الممارسات المهنيه الفعليه للمعلم ويرصد التقدم المهني في مجتمع الممارسه ونكون عناصر داعمة لبعض وبالتالي تكوين قاعده او منصة قويه من المعلمين
.
س8. هل كل عام له النقاط الخاصة بيه او تتضاف نقاط العام الماضي للعام الجديد؟
ج. في ملف الانجاز فية طرفين على اليمين يسجل النقاط اللى جمعتها فلو الخطة اسبوعية تكون نقاطى اسبوعية
الجانب الاخر الايسير نجد النقاط الاجمالية وهى لا تتوقف على سنة لا النقاط موجودة وتتراكم مع المعلمة سنة بعد اخرى
.
س9. المدراس التى لا تحتوى على انترنت ازى تدخل على البرنامج ؟
ج. الدخول على البرنامج لا يتربط بوجود المعلمة داخل المدرسة نهائيا وبالتالى انا كمعمة اقدر ادخل سواء من الداتا الخاصة بالموبيل او الخاصة بي او اى واى فاى لو عايزه اسجل الدلائل من خلال التليفون او الصور المختلفه او اعمال التلاميذ اقدر اني اسجله داخل المدرسه ولما اتصل على الانترنت في اي وقت واي مكان حتى في المنزل اقدر انى ارفعه سواء من خلال التليفون او من خلال الويب او اللابتوب
.
س10. ازاي اضيف الاهداف الخطه؟
ج. لما بيدخل على الاكونت بتاعي بلاقي الاهداف كلها موجوده على شكل مربعات لو فتحت مربع منه نجد على الشمال اضافه الخطه الاسبوعيه مجرد الضغط عليه بيضيف مجموعه الاهداف الموجوده داخل المربع للخطه مره واحده لو عايزه اضيف هدف واحد بس منهم سنجد في الجنب اضافه الهدف فقط الى الخطه الاسبوعيه
.
س11. ازاى اقدر اضيف نقطه لزميل هل صوره ياخدها منى وينزلها ولا صوره عنده هو و بينزلها؟
ج. طالما انا اللى باحط النقطة سواء شخصية او لزميل فلابد من توفير الدليل على شغلى ودى النقطة الشخصية
امالو نقطة لحد من زميلى لازم اكون بالفعل رصدت تحقق هذا الهدف عند زميلى فلابد من تسجيلي للزميل بصورة او فيديو او PDF فانا اللى اوفرها واحط الدليل اللى يثبت حضورى عن الزميل ونفس الفعل مع الموجة فالموجة ي صد بنفسة تحقق الهدف داخل الفصل او القاعة سواء صورة او فيديو اوPDF وكذلك حوار تعزيز التقدم مع الموجه يقدر انه يقدم كدليل

.
س12. هل النقاط التي تمنح لكل مستوى تتساوى سواء كانت النقاط الذاتيه بنقاط الزميل ونقاط الموجة؟
ج. التدرج الموجود في البرنامج للاهداف يفرق في حساب النقاط فنجد
اربع نقاط ذاتيه لونهم ازرق
وثلاثه نقاط زملائي لونهم اخضر
و نقطه واحده من الموجه لونها اصفر
وذلك لكل واحد من الاهداف ولكن تحصل الاختلافات عندما نصل مستويات اخرى اعلى في الاطار
والنقاط هنا مش انتى ال بتديها هى ليها معايير كل هدف تحققيه هتاخدى عليه نقطه وكل دليل تحطيه وشاهد هتاخدى نقطه لحد ما تخلصى هيكون اتجمع ال 4 نقاط
.
س13. بالنسبه للمعلمين المسجلين مدرب وتم التسجيل وفتح كل مدارس الاداره والمعلمين بها
ج . التسجيل حاجه من اثنان يا معلم ياموجه وهذا المرجعيه قسم الاحصاء في الاداره التعليميه والنافذتين شكلهم مختلفه عن بعض بسبب اختلاف الاهداف والممارسات لكل منهم فالمدرب دور زياده على دور الاساسي في اما انا معلم او موجة
.
س.14 هل التطبيق هنا خاص بالمعلمين الحكومه فقط
ج. التطبيق ده بيكون مرتبط بكود المعلم والمعلم اللي لية كود في وزاره التربيه والتعليم هو بس اللى له القدره على الوصول للبرنامج او التطبيق
.
س15. ازاى اقدر احضر على البرنامج ومكان الخطه الاسبوعيه
ج. على اليمين متاح مجموعه من الايقونات واحده من الايقونات دي اسمها الادوات لو تضغط عليها بيظهر ثلاث ادوات
اولا الخطه الاسبوعيه ولو ضغط عليها فتظهر الاهداف لخطتي الاسبوعيه وهل تم تحقيق النقاط في الاهداف دي ولا لا
ثانيا اداه تحضير الدروس و بضغط عليها ينقلني الى صفحه تحضير الدروس وفيها اكثر من يوم طبعا باشوف الدروس السابقه التي تمت بالفعل والدروس الاتيه لو عايزه درس جديد هنلاقي ايقونه على الشمال فوق اسمها تحضير درس جديد
.
س16. كانت معلمه رياض اطفال المستوى الثاني ولم تسجل تدريسها للمستوى الاول ازاي تقدر تضيف اللي حققته في البرنامج العام الماضي
ج. لو عملت الممارسات وتم تحقيق اهداف العام الماضي وسجلتها على التطبيق ده من العام الماضي فهي تنتقل معي مباشره واى نقاك سجلت بالفعل على التطبيق هي موجوده معي ام لو مش مسجل على التطبيق من اول وجديد لا لسه عامل الحساب الخاص بي
.
س 17.ما هي النقاط اهميتها فائدتها ومدي الاستفاده منها
ج. النقاط بتعبر عن التفاعل الخاص بها كمعلمه على المنصه نفسها في كل ما كان عدد النقاط الخاص بي اكثر ده معناه انى اتحرك بين الاهداف اكثر
يعنى النقاط بترصد الاداء الخاص بي مع الوقت وبكون عندي القدره على اعاده الاطار مره اخرى و تزويد النقاط اكثر
كمان النقاط تعبر عن تفاعل المعلم داخل المنظومه الجديدةPLJ
.
س18. ازاى يقدر الموجه اعطائي نقطه اضافيه
ج. الموجه متاح له في الاطار الخاص به انه يشوف كل المعلمين في الاداره بتاعته فلو دخل على صفحه معلم معين سيجد لاقي حاجه اسمها نقطه التعزيز او الدعم تظهر له بشكل اوتوماتيك وتظهر له الاهداف اللي شغال عليها المعلم الان فانا كمعلم لازم اكون ما حدد الاهداف و الخطه الاسبوعيه مسبقا فلو الموجه حب يعطيني نقطه الابلكيشن لن يسمح له باعطاء هذه النقطه بدون ما تكون محدد هذه الاهداف والخطط الاسبوعيه
لو الموجة مش شايف التقدم الخاص به نقطه معينه ولم يرصده لاي سبب من الاسباب حلاقى داخل الاهداف في المربعات اللي في المسارات بجوار كل هدف نجد زر اسمه طلب نقطه بمجرد الضغط عليه بتفتح الموجهين الموجودين عندي واختار المواجهه كان يبقى باشير له باقول له اعطنى نقطة في الهدف ده
.
س 19. هي الصور اللي بارفعها لزميلي لازم تكون مختلفه عن الصوره اللي برفعها لنفسي
ج. لو رفعت دليل او صور على ان زميلي حقق هدف بحاول اجيب دليل من ان زميلي ده سواء كان في صوره او فيديو او تحضير فاكيد مرتبط بممارسه الزميل غير اللي انا برفعها لنفسي اصلا
.
20.هي الخطه الاسبوعيه هل هي خطه المنهج عن خطه توزيع المنهج
ج. الخطه الاسبوعيه يحطها على المعلم وهي عن الدروس التي سوف تنتهي خلال الاسبوع ده بالاضافه الى في حاجه اسمها خطه من الاهداف ف خلال الاسبوع ده حنركز على هدف او اثنين او ثلاثه اي كان العدد سوف اختار من الاهداف الموجوده في الاطار بتاعى
فالخطه الاسبوعيه مرتبطه اهداف التنميه الخاصه بالمعلم

س21. هل موجه المدرسه هو من يتابع المعلم ام اي موجه اخر يمكنه من النقاط
ج. موجه المدرسه هي هو اكثر واحد منطقي يشوف يتابع تحقيق الاهداف داخل الخطه الخاصه بالمعلم بالدلائل على التقدم المهني الخاص به ولكن تسهيلا فانه يمكن لكل الموجهين الموجودين بالاداره موجودين داخل الاطار المجتمع الخاص بالمعلم ممكن اضافتهم كاصدقاء يكون للمعلم القدره على طلب نقطه من الموجه وتحسب للمعلم نقطه من الموجه ولكن لابد وان تكون مدعمه بالدليل على تحقيقه لهذا الهدف وده ممكن يتم من خلال حوار تعزيز التقدم
س 22. لو كنت مسجله على الاطار القديم او البرنامج القديم لازم اسجل ثاني على الاطار الجديد
ج. لو تم التسجيل بالفعل فكود المعلم سجل وادخل العادي بالحساب بتاعي و لو نسيت كلمه السر سنجد في مجموعه من الاجراءات اللي لما اتبعها يبعث لي كلمه سر جديده على نفس الحساب بتاعي
.
س23 بالنسبه للناس اللي مش متاحه عندهم نت ايه وضعهم ج. البرنامج مش مرتبط بالنت في مكان واحد في اي مكان فيه نت اقدر اجمع جميع الدلائل على الموبايل او فلاشه وارفعها على النت في اي مكان واي وقت
.
س24. هل في عدد محدد الاهداف التي يجب عملها خلال الاسبوع الواحد
ج. لا ما فيش عدد محدد انا اقدر اسجل اي عدد من الاهداف انا عايزه بس لازم يكون موضعين
.
س25. هل لو ارسل رساله للمعلم مجموعه من الصور لعمله داخل الفصل هل تنفع هذه الصور كدليل للنقاط
لازم لما ارفع الدليل لابد من وجود وصف كافي لما يحدث في الصوره او الفيديو او الهدف وذلك لربط الهدف المراد لتكون النقطه بالفعل فعاله

طريقة التحضير على برنامج PLj :

كيفية التحضير وعمل الخطة الاسبوعية على تطبيق وزارة التربية والتعليم plj 1
 
كيفية التحضير وعمل الخطة الاسبوعية على تطبيق وزارة التربية والتعليم plj 2
 
كيفية التحضير وعمل الخطة الاسبوعية على تطبيق وزارة التربية والتعليم plj 3
 
كيفية التحضير وعمل الخطة الاسبوعية على تطبيق وزارة التربية والتعليم plj 4
 
كيفية التحضير وعمل الخطة الاسبوعية على تطبيق وزارة التربية والتعليم plj 5
 
كيفية التحضير وعمل الخطة الاسبوعية على تطبيق وزارة التربية والتعليم plj 6
 
كيفية التحضير وعمل الخطة الاسبوعية على تطبيق وزارة التربية والتعليم plj 7


تحميل برنامج Edu2.0-PLJ
يشتمل البرنامج على استمارة تقييم ذاتي مسبق، يكشف نقاط القوة لدى المعلمين، ويحثهم على العمل بمقتضاها، مما يضعهم على طريق التنمية المهنية الذاتية لمهاراتهم ومعارفهم ويمكن للمعلمين تحميل التطبيق من خلال الرابط التالي https://goo.gl/NWp2Qs

الرجوع الى أعلى الصفحة اذهب الى الأسفل

مُشاطرة هذه المقالة على: diggdeliciousredditstumbleuponslashdotyahoogooglelive

لا يوجد حالياً أي تعليق

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى