صحفي بالأهرام: من الآخر وبدون لف ودوران.. ٢ ثانوي هتبقى تجريبية ولن تكون ضمن الثانوية التراكمية

استعرض الموضوع السابق استعرض الموضوع التالي اذهب الى الأسفل

18082019

مُساهمة 

. صحفي بالأهرام: من الآخر وبدون لف ودوران.. ٢ ثانوي هتبقى تجريبية ولن تكون ضمن الثانوية التراكمية




صحفي بالأهرام: من الآخر وبدون لف ودوران.. ٢ ثانوي هتبقى تجريبية ولن تكون ضمن الثانوية التراكمية 0111110

كلمتين من الآخر عن مصير الثانوية التراكمية وبدون لف ودوران:
سنة ٢ ثانوي عام هتبقى تجريبية العام الدراسي الجديد ٢٠١٩- ٢٠٢٠، وَلَن تكون ضمن الثانوية التراكمية، مع احترامي لأي مسئول في وزارة التعليم بينفي أو بيقول عكس الكلام ده.

ليه هتبقى ٢ ثانوي تجريبية؟:

١- لأن أكتر من مسئول في الوزارة أكد لي المعلومة.

٢- لأن قانون الثانوية العامة اللي بيقول إن شهادة الثانوية سنة واحدة فقط لم يتغير، ولن يتغير قبل شهر ١٠ بعد انتهاء الأجازة البرلمانية في حين إن المدارس هتبدأ في شهر ٩، ومفيش قانون بيطبق بأثر رجعي.

إيه الحل الوحيد قدام الوزارة لو عايزة تخلي ٢ ثانوي شهادة؟.

- إن وزير التعليم يطلب من رئيس الجمهورية يصدر قرار جمهوري بتعديل قانون الثانوية العامة، علشان البرلمان في أجازة.

طب ده ممكن يحصل؟

- ده شيء مستبعد تماما.. لأن الرئيس معملهاش ولا مرة تقريبا من ساعة انتخاب مجلس النواب، والأهم من كده: إن وزارة التعليم لو كانت عايزة تعدل القانون وتخللي ٢ ثانوي شهادة، كانت قدمت القانون للبرلمان الفترة اللي فاتت، لأنها كانت عارفة ومتأكدة إن النواب هيرجعوا من الأجازة بعد بدء الدراسة وساعتها مش هينفع القانون يتعدل، يعني الوزارة والحكومة استقروا على إن ٢ تجريبية.

أنا بشرح كده للناس اللي عايزة تفهم ليه ٢ ثانوي مش هتكون شهادة ولا هتكون ضمن الثانوية التراكمية.

- أنا عارف إن فيه قضية بينظرها القضاء ضد الثانوية التراكمية وإن الوزارة مش عايزة تتكلم قبل صدور الحكم في ٤ سبتمبر، بس من حق الناس تفهم وتعرف مصير ولادهم إيه، خاصة الدراسة باقي عليها شهر واحد.

- بالنسبة بقى للقضية المرفوعة ضد الثانوية التراكمية لإلغائها أو الحكم برفض تطبيقها.. طبعا الناس منتظرة القضاء يحكم ببطلان الثانوية التراكمية، بس أنا عايز أقول صعب جدا المحكمة تحكم بكده، لسببين: الأول إن مفيش حاجة بتقول إن فيه ثانوية تراكمية أصلا، يعني مفيش قانون ولا قرار بيقول إن فيه ثانوية تراكمية، والقضاء بيحكم بالورق اللي قدّامه، ثانيا الوزارة قدمت للمحكمة إن قانون الثانوية لم يتغير، يعني مفيش حاجة تثبت إن فيه ثانوية تراكمية أصلا علشان المحكمة تحكم ضد الوزارة، علشان بس الناس اللي منتظرة الحكم بفارغ الصبر.

- بكرر كلامي: مع احترامي لأي مسئول في وزارة التعليم وبدون اتهامات بإثارة البلبلة وإن ده كلام فاضي ملوش أساس من الصحة.. ٢ ثانوي مش هتبقى تراكمية ٢ ثانوي تجريبية، إلا إذا قام الرئيس بدور مجلس النواب، وهذا لم يحدث من قبل، وربما لن يحدث.

منقول
احمد حافظ
صحفي لدي الاهرام

الرجوع الى أعلى الصفحة اذهب الى الأسفل

مُشاطرة هذه المقالة على: diggdeliciousredditstumbleuponslashdotyahoogooglelive

لا يوجد حالياً أي تعليق

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى