تعرف على.. كلية تكنولوجيا صناعة السكر الصناعات التكاملية

استعرض الموضوع السابق استعرض الموضوع التالي اذهب الى الأسفل

04082019

مُساهمة 

. تعرف على.. كلية تكنولوجيا صناعة السكر الصناعات التكاملية




تعرف على.. كلية تكنولوجيا صناعة السكر الصناعات التكاملية 21416
*أيه كلية تكنولوجيا صناعة السكر دي!؟
بأختصار هي الكلية الوحيدة علي مستوي الجمهوريه...و الوحيدة علي مستوی الشرق الأوسط...و واحدة من 4 بس علي مستوی العالم
أنشأت عام 1994
مقسومة لجزئين الجز الأول
-هو لخريجي كلية"علوم وهندسه وزراعة وصيدلة"
و الكلية بتمنح ليهم دبلومة سنتين في مجال تكنولوجيا صناعة السكر والصناعات التكاملية.
و ده مش موضوعنا
الجزء التاني
لخريجي الثانوية العامة
الكلية بالرغم انها أنشأت 1994 إلا أن الكلية
بدأت أستقبال دفعات من الثانوية العامة عام 2016
يعني السنه الجاية هتبدأ تخريج أول دفعة ليها

*و دي شروط دخولها ايه؟
-بص يا سيدي 1) انك تكون علمي علوم او علمي رياضة
الشرط التاني 2) المجموع....السنه اللي فاتت كانت في حدود 84 %
الشرط التالت ده تبع اللائحة مش تبعك بس هيفيدك جدا في الدراسة 3)عدد الطلبة في كل فرقة لا يتجاوز 40 طالب وطالبة ..ايووووة بالظبط كده ....كأنك في جامعة أمريكية بالظبط
*طيب أصلا ليه الكلية بدأت تقبل من الثانويه العامة ليه ماكملتش للدبلومات بس؟؟؟
-لأن مديري الشركات أو المصانع كانوا بيبعتوا المهندسين اللي شغالين في الشركة أو المصنع ويسفروهم بره مصر أو يدفعولهم مبلغ عشان ياخدوا الدبلومة عندنا في الكلية...فكان ليه نعمل كده لما ممكن نخرج طلبة متخصصه في هذا المجال ونوفر فلوس وشغل الناس ونقلل البطالة ونعلي الجودة والأقتصاد

*طاب ايه نظام الكلية؟
-بص يا سيدي الكلية شغالة بنظام الساعات المعتمدة
"Credit Hours System" وده نظام أمريكي مستحدث بمصر....يعني ايه برضو؟؟
-يعني أنت ممكن تسأل أي حد في أي كلية أنت سنة كام هيقولك سنة تانية أو تالتة أو رابعة
بس عندنا ممكن تسمع إجابات غريبة زي سنة تانية ونص
رابعة وفاضلي ساعتين و أتخرج
وده لأن النظام عندنا بيعتمد علي عدد الساعات اللي الطالب بياخدها ف الترم ...ليك عدد ساعات محدد أنت تختار فيهم المواد اللي تحبها في الترم ...يعني ممكن تقضي الكلية في 4 سنين "وده عددها الأساسي"أو 3سنين ونص أو 5 أنت وشطارتك
*مده الدراسة ؟
-بص يا سيدي مده الدراسة 4 سنوات
والدراسه بالغة الإنجليزيه
وكمان زي ما قولتلك بنظام الساعات المعتمدة
يعني 7 مواد مختلفه كل ترم
يعني في الأربع سنين هتدرس 56 مادة مختلفة عن التانية وده بيمنحك خبره أكبر في سوق العمل وده لأننا بندرس مواد من كلية "علوم وهندسة وزراعة وبعض من تجارة كمان"
الكلية بتمنح بكالوريوس علوم وتكنولوجيا صناعة السكر والصناعات التكاملية ...يعني كأنك متخرج من 3 أقسام مختلفة ف 3 كليات مختلفه
*مجالات العمل؟
-في البداية انت بتتخرج ك Chemist...وتابع لنقابة العلميين
أنت ممكن تشتغل في مصانع وشركات السكر في جميع محافظات الجمهورية أو خارج الجمهوريه وكمان بره مصر وانك بتدرس بنظام الساعات المعتمده ده بيسهلك انك تسافر بره مصر سواء للدراسة أول للعمل بعد التخرج
وكمان مجالات الصناعات التكاملية زي "الخشب ..الورق..العطور..الكيماويات...البلاستك..او الصناعات الغذائية ....وهكذا
*الكلية ليها تكليف؟
-ليها تكليف الأوائل فقط كما يقال من الإدارة و خاصة أنها لسه فاتحة جديد من 3 سنين و محتاجة معيدين ...ولكن مش محتاجيين التكليف لأن عدد الطلبة في كل دفعه لا يتعدي ال 40 طالب وطالبة وده عدد صغير جداً وخصوصاً ان الكلية فريده في مجالها يعني أنت وحدك في الساحة بدون منافس
في النهاية
غرض الكلية من الأساس ربط التعليم او العلم عامة بالصناعة والبحث العلمي...الكلية علمية عملية بحثية
فاللي حابب المجال ده أنصحة جدا بالكلية وبالنسبه للدكاتره ...او اعضاء هئية التدريس عموماً كلهم منتدبين من كلية علوم وهندسة...وحاجه تشرف والله وعلي مستوی عالي جدا من العلم
ملحوظه
الكلية
كانت مشهورة بمعهد السكر وده كان اسمها فعلاً من 3 سنين بس من 13 يوليو 2019 ...رسمياً و بقرار وزای أصبح أسمها كلية تكنولوجيا صناعة السكر والصناعات التكاملية
د.محمد عامر كامل

الرجوع الى أعلى الصفحة اذهب الى الأسفل

مُشاطرة هذه المقالة على: diggdeliciousredditstumbleuponslashdotyahoogooglelive

لا يوجد حالياً أي تعليق

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى