الناس اللي بتسأل علي منح الجامعات الخاصة ..
قبل ماتفكر تقدم في منحة جامعة خاصة لازم تعرف الآتي:-
1-في نوعين للمنح الخاصة 
النوع الاول 

منحة مصر الخير ودي كان آخرها 25/7 وهياخدوا فيها السنة دي70 طالب
النوع التاني. 

منح الجامعات الخاصة كل علي حدة ودي لسة بتنزل اخر اغسطس بعد ماينتهي التقديم في الجامعات الخاصة..
2-دي جامعات خاصة يعني مشاريع استثمارية مش جمعيات خيرية المنح دي بيجبرهم عليها المجلس الاعلي للجامعات
3-المنح دي عددها محدووووود جداً يعني كل جامعة مش هتكمل 10 افراد للمنحة...
4-قبولك ف المنحة يعتمد بدرجة 90%علي الحظ
5-كمان مرة دي جامعات خاصة
طالب المنحة بيدفع حوالي 12الي15الف في السنة قابلة للزيادة
6-لو في بالك تقدم في المنحة لازم يكون ف بالك جنبها خطة بديلة ماتحطش كل املك فى المنحة عشان ماتتصدمش انت واهلك
7-لو عند اهلك اي ممتلكات اراضي او بيت او..... الخ انسي المنحة لان هيطلبوا من ولي الامر حيازة زراعية.. ومحدش يسالني يعني اية حيازة
8-لو لك اخوات في جامعة خاصة انسي المنحة... هيعرفوا منين ؟؟..لما يدخل اسمك علي قاعدة البيانات هيعرفوا
9-كمان مرة دي جامعات خاصة مش سبيل لله
اسفة لو كلامي غلس... بس مش حابة حد يتصدم او يتعشم ع الفاضي... اه نحسن الظن بالله ونرضي بكل قضاه بس كمان خلينا ع ارض الواقع
10-لو هتقدم ف جامعة خاصة دلوقت انسي المنحة.... او ماتقدمش وجازف بانتظار المنحة
11-كل جامعة خاصة مميزة بكلية يعني مثلا افضل طب اسنان جامعة النهضة.. افضل صيدلة جامعة دراية.. افضل هندسة جامعة 6اكتوبر...
12-قبل ماتقدم في منحة جامعة خاصة اسال كويس واتاكد انها تناسبك وتناسب ظروفك ومحافظتك واهلك
13-هتقدم في منحة جامعة خاصة واحدة فقط... اكتر من واحدة هيتلغي الطلب
14-كلامنا النهاردة هيكون اخر كلام في منح الجامعات الخاصة ماعنديش كلام اكتر من اللي قولتة 

إيماني بالله