مدرس اون لايندخول

تنسيق الجامعات.. لطلاب علمى علوم قسم بيوانفورماتيكس bioinformatics كلية الحاسبات والمعلومات

تنسيق الجامعات.. لطلاب علمى علوم قسم بيوانفورماتيكس bioinformatics كلية الحاسبات والمعلومات 53311
الناس اللى مجموعها اقل من ٩٥ % كلية الحاسبات والمعلومات كلنا عارفين انها من علمى رياضه فقط السنه دى جامعه عين شمس والمنصورة فتحو قسم فيها لعلمى علوم اسمه بيوانفورماتيكس bioinfornatics الطالب بيدرس فيه مواد الحاسبات العاديه عدا مواد التخصص بالاضافه لماده البيولوجي والقسم ده فى الجامعتين بنظام الساعات المعتمدة القسم ده حاجه ممتازة لانه داخل فى شغل كتير جدا منها العلاج الشخصى والوقائى وتطوير الجينات وداخل كمان فى الطب الشرعى داخل كمان فى دراسته فى مواضيع الحرب البيولوجيه والهندسه الوراثيه يعنى كل الاقسام اللى بتتكلم فيها هيا الحاضر والمستقبل .


الكليات مزوده بمعامل عمليه على احدث تقنيه لتدريب الطلاب على احدث التقنيات وتدريب الطلاب خارج الكلية بيكون فى معامل مختبرات وابحاث وكليات العلوم والطب وفى شركات برمجه زى Microsoft وشركه IBM وشركه orecal فيه تطبيقات فعلا اشتغلو عليها فى المعامل تبع الكليه يخص اكتشاف الجينات المسؤوله عن مرض سرطان القولون وطبقوا فعلا النتائج على مجموعه مصابين عملو برده فى معامل الكليه ذراع صناعى لشخص عنده اعاقه فى الذراع وتم برمجه الذراع انه يستقبل اشارات من المخ وترجمتها وارسالها للذراع
مجالات عمله كتير وجوه وبره مصر ليه شغل فى معامل البحث العملى وشركات الادويه ومعامل الطب الشرعى وادارات وزراة الداخليه ووزراه الصحه والمستشفيات وايضا ليه شغل فى شركات برمجه.. القسم بمصاريف عشان تاخد الشهاده فيه تعدى حاولى ١٧٥ ساعه الساعه بحوالى ٤٠٠ جنيه فى الرنج ده
مجال محترم حاولو تطلعو بره الصندوق وبره مرض كليات القمه هيا طب واسنان وصيدله ادخل مجال تحبه وخليك قمه فيه
remove_circleمواضيع مماثلة
Mr.Riad
Bioinformatics؟

تعني الكلمة باللغة العربية المعلوماتية الحيوية، ووهو مجال يدمج بين تخصصي علوم الكومبيوتر والأحياء، ويدرس فيه الطالب علم الوراثة والكيمياء العضوية والحيوية والإحصاء والفيزياء والرياضيات بجانب علوم الحاسب.

 تقنية المعلوماتية الحيوية  تعريف Bioinformatics
: هو استخدام احدث تقنيات الرياضيات التطبيقيه و المعلوماتية و الاحصاء و علوم الحاسب لحل المشكلات    البيولوجية
تطبيقات : العلاج الشخصى . العلاج الوقائى و العلاج الجينى و تطوير الادوية و الطب الشرعى  و الحرب البيولوجية و الهندسة الوراثية
التدريب العملى :
بالتدريب العملى للطلاب سواء بالتدريب فى المعامل والمختبرات بالكلية على  احدث لغات البرمجة المتخصصة فى تقنية المعلومات الحيوية بصفة خاصة وفى مجالات نظم المعلومات وعلوم الحاسب بصفة عام
و التدريب خارج الكلية فى معامل الابحاث و كليات العلوم و الطب و شركات البرمجه زى مايكروسوفت و اى بى ام و اوريكال  او مركز البحوث الزراعى
امثلة لبعض التطبيقات التى قام بها خرجى البرناج
Microarray and biomarker prediction
الهدف منه اكتشاف الجينات المسئولة عن مرض سرطان القولون عن طريق تحليل المعلومات الجينيه و تطبيق  الخوارزميات الخاصه بالبايونفورماتيكس على مجموعه مصابين و مجموعه اخرى سلية و تحديد الجينات المسئولة عن الاصابة
Protein structure prediction
قام فيه الطلبة باظهار التركيبات الخاصه بالبروتينات على شكل ثلاثى الابعاد مما يتيح للباحثين او الاطباء برؤية و تحليل و تركيب البروتين بصورة واضحه
Brain control robotics arm
عمل ذراع صناعية لاشخاص الذين لديهم اعاقه فى الذراع حيث يتم استقبال الاشارات من المخ و ترجمتها  و ارسالها للذرع

مجالات العمل
القسم مطلوب جدا و شغله كتير جدا برا مصر  بس فى مصر قليل جدا  الصراحه و من امثلة مجالات العمل
العمل فى وحدات تكنولوجيا المعلومات ووحدات الأبحاث فى الهيئات والشركات العامة والخاصة وشركات  الأدوية ومعامل الطب الشرعى وادارات وزارة الداخلية ووزارة الصحة ومعاهد البحوث والمستشفيات. وذلك لأن الخريج تتوافرلدية المعرفة العلمية والعملية فى البرمجيات وأيضا تكنولوجيا المعلومات الحيوية.    . العمل فى شركات البرمجيات التى تخدم المجالات والتخصصات المختلفة التى يحتاجها سوق العمل  تقديم  الإستشارات للهيئات والشركات ومراكز الابحاث ومجموعات العمل فى مجالات التقنية الحيوية و  نظم المعلومات الطبية و البيئية بصفة خاصة و جميع مشكلات نظم و تكنولوجيا المعلومات بصفة عامة.  . إتمام البحوث المختلفة المرتبطة بمجالات المعلوماتية الحيوية وعلوم الحاسب   القدرة على تأسيس شركات لانتاج برمجيات تخصصية فى مجال تقنية المعلومات الحيوية ووضع حلول • لميكنة المؤسسات المختلفة الحيوية لغيرالمتخصصين بصفة خاصة وفى مجالات نظم وتكنولوجيا المعلومات بصفة عامة.
محمد الجمل
الأوراق المطلوبة للتقديم للكليات :-
بعد اعلان نتيجة المرحلة الاولي للتنسيق هتحتاج الحاجات دي فجهزها من الآن ...
  1. ‌ صورة بطاقة الترشيح .
  2. ‌اصل شهادة الثانوية العامة + صورة منها .
  3. ‌اصل شهادة الميلاد + صورة منها .
  4. ‌ صورة البطاقة الشخصية
  5. ‌عدد ٦ صور حديثة مقاس ٤ في ٦ .
  6. ‌استمارة ٢ جند [ للذكور فقط ] .
  7. ‌المصاريف [ تختلف من كلية للتانية ] .

‌⁩نصائح هامة أثناء التقديم للجامعة 2023
  • ‌صور بطاقة الترشيح بعد ما تطبعها حوالي ٥ صور ، لانك هتدخل بيها من بوابة الجامعة وهتبقي ضمن ورق التقديم وهتحتاجها .
  • ‌الصور مينفعش تبقي غير مقاس ٤ في ٦ لو روحت بصور صغيرة هترجع بيها ومش هياخدوا ورقك .
  • ‌استمارة ٢ جند و ٦ جند بتيجي من منطقة التجنيد اللي انت تابع ليها ، وبعض المدن والمراكز بتجيبها من مديرية الامن ، افضل حاجة تسأل واحد من بلدك اكبر منك وكان في ثانوية وقوله كنت جايبها منين .
  • ‌بعض الكليات بتطلب دوسيه بلاستيك مع ورق التقديم ، عشان تحط في ورقك
  • ‌شهادة الميلاد لو عندك واحدة
  • قديمة ،‌⁩ اتأكد ان فيها رقم ثلاثي تحت كده ، لو مش فيها ، استخرج واحدة تانية غيرها جديدة وهيكون فيها الرقم الثلاثي ده .
  • ‌لما تروح تجيب استمارة ٢ جند واستمارة ٦ جند ، هتجيبها بالبطاقة فقط ، وممكن حد يجبهالك عادي .
  • ‌صورة البطاقة الشخصية مهمة في بعض الكليات فالكل يعملها احتياطي .
  • بطاقه الترشيح
  • بعد التقديم بتظهر النتيجه وبتعرف اتقبلت في كليه ايه وتظهرلك بطاقه الترشيح باسمك واسم الكليه بتطبعها من علي النت

بالتوفيق ان شاء الله
privacy_tip صلاحيات هذا المنتدى:
لاتستطيع الرد على المواضيع في هذا المنتدى