ازاي تقسم اليوم في رمضان عشان الامتحانات وتستمتع بيه

استعرض الموضوع السابق استعرض الموضوع التالي اذهب الى الأسفل

06052019

مُساهمة 

. ازاي تقسم اليوم في رمضان عشان الامتحانات وتستمتع بيه




ازاي تقسم اليوم في رمضان عشان الامتحانات وتستمتع بيه  47911510
ازاي تقسم اليوم ف رمضان عشان الامتحانات وتستمتع بيه 

هنبدا من مساء يوم ٥/٤ اللي هو وقفة رمضان يلا بينا ع التقسيم

١/الساعه ٩:٣٠ هتبدا بعادات النوم بتاعتك اللي هي (تغسل سنانك/وشك بدوف/وتقرا كتابك لمدة ١٥ د كده)

٢/هتنام الساعه ١٠ بليل وتظبط المنبه ع ٢:٣٠ للسحور وبكده هتكون نمت ٤:٣٠ ساعة وده علميا كويس لانه بيقبل القسمه ع ٩٠ د

٣/هتسحر ف نص ساعة برحتك وتروح الجامع بعد نية الصيام بدري ٥ د ليها طعم تاني 

٤/تقرا قران ف ٢٠ د اللي انت منتظرهم للاقامة هنصلي الفجر وتسمع الدرس ونرجع البيت ع ٤:٣٠

٥/الساعه خمسة الصبح مفيش احسن منها للبدا ف المزكره وخصوصا بعد الشحن الروحاني ولسه واكل وصاحي من النوم وكله هيكون نايم وانت صايم يعني مش كل شويه هتروح للتلاجة اظن مفيش احسن من كده هتفضل تزاكر بطريقة ساعه الا خمسه وخمس دقايق بريك وكل ساعتين ٣٠د بريك هنفضل كده لحد متسمع الظهر يابيه

٦/هننزل نصل ف المسجد ونطلع نريح بقي بعد المزكره الحلوة دي من ١٢ ونص بعد الظهر لحد ٣:٣٠ العصر وبكده هتكون نمت ٣ ساعات وبليل ٤ونص يبقي خت حقك من النوم اللي هو سبعة ساعات ونص ياصديقي 

٧/هننزل نصلي العصر طبعا ونطلع ع ٤ الساعتين دول بقي الفري بتوع اليوم من ٤ لحد المغرب قسمهم برحتك انا شخصيا هشوف برنامج هادف مثلا و هطمن ع الاكل وقرا قران حوالي ساعة وهلعب شوية فتنس طبعا ده قبل المغرب بنص ساعه مباشرا لو انت رياضي بعد الشر وكده تلحق وده علميا صح متخفش مدام هتلحق نفسك بالعصير والاكل مش هتكون جعان لانك لسه صاحي ع العموم قسم الساعتين دول بدماغك دي مجرد اقتراحات 

٨/هتروح المسجد قبل المغرب مع صحابك واخواتك ب ١٠ د ليها طعم تاني والله برده  و هتفطر بلح وتمر وتصلي ده صحي جدا بلاش تفطر ع طول كده المعده هتتهيا للاكل هتصلي المغرب ف ١٠ د وتروح تفطر وتتفرج ع رامز بقي

٩/ويلا بينا ع الترويح ياكبير هنروح ع ٨ للعشاء هنرجع ع ٩ ونص انا عن نفسي هصلي نص التراويح واسمع الدرس واروح لحد منخلص الامتحانات وبعد كده هتصلي لحد الشفع والوتر يابيه 

١٠/ تروح ع ٩ ونص تعمل عادات النوم لليوم التاني ونفس الشغل ياكبير

كده
١/ انت صليت كل حاجة ف وقتها جماعه ف المسجد
٢/هتختم القران
٣/هتصلي ترويح
٤/هتسمع الدروس
٥/هتنام ٧ ساعات ونص
٦/هتحافظ ع ليقتك
٧/مش هتتعب ف رمضان
٨/هتزاكر ٧ساعان ونص يوميا بدون مشتتات
٩/هتروح الامتحان الصبح صاحي من النوم مش مطبق متعود لانه نفس الوقت اللي كنت متعود تعد تزاكر فيه
منقول
#فاعل_خير
#البشمهندز

الرجوع الى أعلى الصفحة اذهب الى الأسفل

مُشاطرة هذه المقالة على: diggdeliciousredditstumbleuponslashdotyahoogooglelive

لا يوجد حالياً أي تعليق

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى