لطلاب ثانويه عامه.. ازاي تنظم وقتك !

استعرض الموضوع السابق استعرض الموضوع التالي اذهب الى الأسفل

16032019

مُساهمة 

. لطلاب ثانويه عامه.. ازاي تنظم وقتك !




لطلاب ثانويه عامه.. ازاي تنظم وقتك ! 9954414
ازاي انظم يومي ؟؟! 
مش معني انك طالب ثانويه عامه واننا في شهر ٣ انك تفضل صاحي ٢٤ ساعه وتطبق وكل ده عشان تذاكر 
لو قعدت يومين مثلا مطبق بقي ومش هنام ولازم اذاكر وكده هتيجي تنام ٣ ايام بعدهم لأن طاقتك هتكون صفر بمعني الكلمه 
طب والحل ؟! 
تنام عادي ٨ ساعات بليل وبأكد علي كلمه بليل مش تفضل صاحي طول الليل وتنام الصبح لأنك لو نمت بالنهار ١٠ ساعات هتحس ولا كأنك نمت 
يبقي تنام بدري وتبدا يومك من بدري تصلي الفجر وتستعين بربنا وتبدأ لو عندك درس تروحه وترجع تذاكر 
اهم حاجه تحاول ان وقتك ميروحش علي الفاضي
بلاحظ بعض الناس يلاقي صحابه رايحين الدرس مثلا عشان المدرس هيراجع الباب رقم كذا يقوم يروح معاهم وخلاص حتي لو مش محتاج مراجعته وشرحه
لا غلط 
لو محتاج الشرح تروح مش محتاجه اقعد في بيتك علي مكتبك ورتب اولوياتك يعني تشوف ايه الماده اللي محتاجه مذاكره أو مراجعه وتراجعها لكن مش يبقي الغرض من مرواح الدرس ان صحابي رايحين وخلاص 
الشهرين ونص اللي فاضلين هم اهم فتره في الثانويه العامه
هي اللي هتحدد انت مكانك هيكون فين بعد كده
وخلي بالك نص الطلبه بيفضل يهظر طول السنه ويضيع وقت وييجي دلوقتي يقفل ع نفسه ويجيب مجموع هو صحيح بيكون مزنوق شويه لكن بيقفل علي نفسه الفتره اللي فاضله وتلاقيه جاب مجموع عالي انت بقي متضيعش كل تعب السنه عشان تعب كام يوم ممكن تعدهم ع ايدك 
اللي جاي ميساويش نص الوقت اللي عدي لكن اللي جاي هو اللي هيحدد انت مين بعد كده 
الكلام ده عن تجربه شخصيه ونصيحه من اخ لاخواته 
اصحي لنفسك 
نظم وقتك 
عافر 
لسه حلمك موجود 
ربنا يحقق احلامكم كلكم واحلام اهاليكم 
Dr_Mahmoud_Ayman

الرجوع الى أعلى الصفحة اذهب الى الأسفل

مُشاطرة هذه المقالة على: diggdeliciousredditstumbleuponslashdotyahoogooglelive

لا يوجد حالياً أي تعليق

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى