إنت بتذاكر ليه ؟

استعرض الموضوع السابق استعرض الموضوع التالي اذهب الى الأسفل

08032019

مُساهمة 

. إنت بتذاكر ليه ؟




إنت بتذاكر ليه ؟ Aoa_oa10
كتب: أحمد فؤاد

إنت بتذاكر ليه ؟؟؟
هل بتذاكر عشان تتفوق ؟
هل بتذاكر عشان تطلع الأول ؟
هل بتذاكر عشان تعدي وخلاص ؟
لو كنت بتذاكر عشان تعدي وخلاص إعرف إن ده عبارة عن أمر #للعقل_اللاواعي إن مجهودك الذهني مايزيدش عن مرحلة (#أعدي_وخلاص) ، مجرد توقعك إنك #مش_شاطر_أوووووي هيخليك تبذل لا إراديا مجهود أقل في المذاكرة / طيب #نعمل_إيه؟ ... هقولك تعمل إيه :
وإنت بتذاكر حط في دماغك #الأفكار دي :
أنا بذاكرعشان #أتفوق وماحدش أحسن مني في أي حاجة ، أنا بذاكر عشان #أطلع_الأول على كل اللي أعرفهم // لو ذاكرت بالحالة الذهنية دي هتحقق نتائج أكتر بكتير من اللي كنت هتحققها لو كنت بتذاكر عشان (تعدي وخلاص) ، #وخلي_بالك : اللي بيذاكر عشان يطلع التاني.. عمره ما هيطلع الأول ، والفكرة دي مش هتكلفك أي حاجة.. وإنت قاعد قدام الكتاب أو المذكرات اللي بتذاكر منها حط في دماغك الفكرة دي.. إن إنت بتذاكر ده عشان تتفوق بيه وتطلع الأول ، وأي حاجة بنعملها بيبقى ليها دافع معين .. إيه هو #الدافع اللي بيخليك تذاكر؟ .. يعني هل بتذاكر عشان ترضي والديك؟ ، هل بتذاكر وخلاص؟ ، هل بتذاكر عشان لازم تذاكر؟ // فيه #نوعين من الدوافع .. #خارجية_وداخلية
#الدوافع_الخارجية :هي الدوافع إللي خارجنا ومالناش سيطرة عليها.. يعني مثلا: "لو ذاكرت هاجيب لك كورة" ، الولد ده الدافع بتاعه اللي بيخليه يذاكر هو الكورة .. النوع دع من الدوافع قوي جدا وبيدي نتائج ، لكن #عيبه إنه #غير_مستمر في الزمن وبينتهي الإنجاز بانتهاء الدافع الخارجي ، يعني اللي بيذاكر عشان الكورة مش هيذاكر بعد ماتجيله الكورة ، ومش هيذاكر لو ماكانش فيه هدية للمذاكرة .. يبقى النوع ده من الدوافع مش مضمون ومش لازم نخليه دافع رئيسي لينا
#الدوافع_الداخلية : هي الدوافع الموجودة جوانا إحنا.. إنت بتذاكر ليه ؟ ، إيه الهدف الموجود جواك وعايز تحققه بالمذاكرة ؟ .. النوع ده من الدوافع #مستمر في الزمن ومش بيتأثر بالظروف اللي حوالينا لأنه جوانا إحنا .. يعني الولد بيكون بيذاكر مش عشان الكورة تجيله ، لكن بيذاكر عشان #الإحساس_بالإنجاز_يصنع_مستقبله ، يحس إنه عمل اللي عليه .. لو هي دي الدوافع بتاعته يبقى هيتفوق بجدارة // حط لنفسك #دافع_داخلي وخليه هو إللي يحركك .. إنت عايز تتفوق لأن إنت عايز تتفوق .. مش عشان أي حاجة تانية

الرجوع الى أعلى الصفحة اذهب الى الأسفل

مُشاطرة هذه المقالة على: diggdeliciousredditstumbleuponslashdotyahoogooglelive

لا يوجد حالياً أي تعليق

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى