أماني الشريف: رد فعل معلم الإسكندرية على الكلمة القبيحة التى قالها الطالب "طبيعي"

استعرض الموضوع السابق استعرض الموضوع التالي اذهب الى الأسفل

01032019

مُساهمة 

. أماني الشريف: رد فعل معلم الإسكندرية على الكلمة القبيحة التى قالها الطالب "طبيعي"




أماني الشريف: رد فعل معلم الإسكندرية على الكلمة القبيحة التى قالها الطالب "طبيعي" 11184
قالت أماني الشريف، مؤسس اتحاد المدارس التجريبية، إن رد فعل مٌعلم أحد المدارس بالإسكندرية من ضرب أحد الطلاب بعدما تلفظ بلفظ مسيء، طبيعي، إلا أنه يتعين علي المٌعلم أن يكون أكثر تمالكاً للأعصاب، وأن يلجأ إلي الإجراءات القانونية، تجنباً إلي ما قد ينتج عن ذلك الرد الانفعالي من إصابات أو عاهات وخلافه.

وأضافت الشريف، خلال تعليقها على الفيديو المتداول بخصوص المعلم الذي تم استبعاده عن العمل باسكندرية بسبب ضربه للطالب: "لو ركزنا شويه هنتلاقي الولد بدأ بالتطاول على المعلم: شهادة حق كل ما يتداول بأن الولد سب المعلم بالأم أو بصق على وجه غير صحيح، وماهي إلا أقاويل ليس لها أساس، ولا يوجد ما يثبت صحتها، ولكن مجرد الكلمة نفسها فعلاً مستفزة أوي، وبالتالي رد فعل طبيعي من المعلم أنه يضربه .

وتابعت: "نقطة هنا أحب أوضحها يا سيادة المعلم حضرتك بتقابل نوعيات كتير من الطلبة من بيئات مختلفة في الكويس وفي السئ، لو مع كل طالب هتعمل كده وتضربه بالشكل ده وربنا بيسترها معاك، أكيد في مره من المرات عيل منهم هتزقه دماغه هتتفتح أو يموت أو ذراعه هيتكسر أو يحصل له عاهه ايًا كانت نوعها، وفي النهايه هتتحبس وهتتوقف عن العمل، لأن طبيعي العيال دي لهم أهل مش هيشوفوا أن ابنهم أخطأ، لكن هيشوفوا أن ابنهم اتعرض للضرب والعاهات أو الموت ووقتها يبقى انت الخسران .

وأوضحت :" يا فندم تمالك أعصابك كلهم أطفال أو شباب في سن مراهقه وحواليهم مؤثرات مختلفه من إعلام وافلام وأغاني تضيع اللي مش بيضيع لإما تحتويه وتوجهه أو تتخذ إجراءاتك القانونية والرسمية في إيدك حاجات كتير تقدر ساعدتك تاخده من ايده وتتوجه للمديرة والاخصائية وتبلغ لجنه الحمايه في المدرسة وبيتم عقاب الولد واستدعاء ولي أمره وبيكتب إقرار بالالتزام وعدم التعرض لحد وبيتم فصله فصل مؤقت وتقدر ترفده كمان، وتصعد الموضوع كل ده وانت هادي ومتمالك لأعصابك أو ياسيدي تحرمه من درجات السلوك وأعمال السنة، بدل ما كل يوم نتفرج على معلم بيتفصل ويستبعد عن العمل حضرتك بتعمل في نفسك كده ليه، مش المطلوب انك تعامل ملائكة انت تربوي وبتتعامل مع ناس كتير مش قادر تتعامل معاهم بكرامتك قدم على اجازه وروح اشتغل في مدرسة خاصه أو اقعد في بيتكم مكرم معزز بعيد عن العيال النوتي طالما انت مش مسيطر بدون ضرب".

واختتمت: "دي رسالة بوجهها لكل معلم وخايفه عليهم بجد وصعبان عليا اللي وصل له حال المعلم مع الطالب والطالب مع المعلم، ده احنا زمان بنظرة واحدة من المدرس، كنا نتكتم ده في عيال لو شافوا المعلم جاي من بعيد كانوا بيعملوا حمام على نفسهم من الرعب لمجرد نظرته لهم لكن دلوقتي المعلم ضيع هيبته وكرامته بالضرب والشخط عمال على بطال للأسف ومن جداله مع بعض أولياء الأمور اللي دايما شايفين أن عيالهم صح مهما أخطأوا".

الرجوع الى أعلى الصفحة اذهب الى الأسفل

مُشاطرة هذه المقالة على: diggdeliciousredditstumbleuponslashdotyahoogooglelive

لا يوجد حالياً أي تعليق

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى