لطلاب ثانوية عامة.. ازاي تذاكر الإنجلش وتقفل درجاتة

استعرض الموضوع السابق استعرض الموضوع التالي اذهب الى الأسفل

08112018

مُساهمة 

. لطلاب ثانوية عامة.. ازاي تذاكر الإنجلش وتقفل درجاتة




لطلاب ثانوية عامة.. ازاي تذاكر الإنجلش وتقفل درجاتة 1339
ازاي تذاكر الإنجلش 

من ألذ وأمتع المواد فِ ثانوية عامة واللي هتفيدنا فِ حياتنا على المدى البعيد  وممكن نقفله بسهولة لو ذاكرناه بذكاء 
هتقولى أقفله إزاى، درجاته مش مضمونة ومش عارف هيجبلى إيه  !
هقولك 
الإنجلش عندنا بينقسم لجزئين، الجزء الأول بيعتمد على المنهج، والجزء الثانى بيعتمد على مهاراتك فِ اللغة 
1. الجزء الأول بيضم الكلمات والجرامر والقصة .
طب نذاكرهم إزاى ؟ :
- الكلمات هتحفظها من كتاب خارجى أو المصدر اللي بتذاكر منه وتسمعها فِ ورقة خارجية، هتلاقي كلمات إنت ناسيها، ارجعلها ثانى واحفظها وعلّم عليها عشان لما تراجع ثانى تثبتها أكثر 
بعد كده هتقرأ ال reading بتاع اليونت وهتشوف استخدم الكلمات اللي حفظتها إزاى، بعد كده هتحل، طبيعى جدًا إنك تحل حاجات غلط متقلقش  صححها مع المستر بتاعك وعلّم على غلطاتك وراجعها وكده مش هتغلط فيها تانى 
- الجرامر هتركز مع المستر جدًا وهو بيشرحها واسأله عن أى حاجة متفهمهاش، ولمّا تروح اقرأها بتركيز وافهمها كويس وشوف أمثلة محلولة وابدأ حل 
واعمل نفس اللي عملناه فِ الكلمات هتعلّم على غلطاتك وتراجعها عشان متغلطش فيها ثانى 
- القصة اسمعها بتركيز فِ الدرس واقرأ الشابتر بالعربي قبل م تذاكره، إنت كده بتثبّت الأحداث وبترتبها فِ دماغك  بعد كده احفظ كلمات الشابتر واقرؤه بالإنجلش، وشوف الأسئلة المحلولة بس متبصش ع الاجابة 
جاوب من اللي فهمته، هتلاقى إسئلة إجابتها طويلة ومش عارفها دى احفظها 
علّم على الشخصيات اللي فِ كل شابتر، اعمل لكل شخصية لون عشان تعرف تفرقهم 

نييجى بقا للجزء الثانى واللي بيضم الترجمة والمواقف والبراجراف وقطعتين الفهم  :
- المواقف أمرها بسيط، بتكون سهلة وواضحة ومن اللي أخدناه فِ السنين اللي عدت 
- الترجمة لازملها حفظ كلمات بس مش هنحفظ كلمات مفردة من أى مصدر.
اُمال هحفظ منين  ؟
هقولك  :
أنت هتحل ترجمة وهتكتب الكلمات الجديدة أو اللي متعرفهاش فِ note وتحفظها، إنت كده بتحفظ الكلمات وبتعرف هتستخدمها فِ جملة إزاى على عكس لو حفظت كلمات مفردة مش هتعرف تستخدمها 

- بالنسبة للـ comprehension :
حاول إنك من دلوقتى تعود نفسك عليه وتحل قطع كتيرة وخلّى دايمًا إجابتك على كل سؤال متزدش عن سطرين  .. يعنى تجبله المختصر المفيد من القطعة مش تاخد 5 سطور من القطعة وتقول للمصحح الإجابة هنا دوّر عليها بقا 

- البراجراف :
ناس كثير مننا مش بتعرف تكتب، والمشكلة مش فِ اللغة، المشكلة بتتمثل فِ إننا معندناش معلومات نكتبها 
طب والحل ؟
هتشوف الموضوع اللي إنت عايز تكتب عنه، وهتقرأ عنه بالإنجلش وهتكوّن عنه صورة فِ دماغك وبعد كده ابدأ كتابة 
طبيعى هتغلط، بس مع كل مرة غلطاتك هتقل وهتتعلم تكتب أحسن
اكتب براجراف كل أسبوع أو كل أسبوعين وخلّى المستر يصححهولك، وبكده لما توصل لآخر السنة هتكون بيرفكت 

-الخلاصة  :
كل ما تحل وتتدرب أكتر وتكتب وتغلط وتتعلم من غلطك كل م مستواك هيتحسن وهتقدر تقفله 


الرجوع الى أعلى الصفحة اذهب الى الأسفل

مُشاطرة هذه المقالة على: redditgoogle

لا يوجد حالياً أي تعليق

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى