رسالة لمسئولى الوزارة.
لما مدرس يتدخل لوقف خناقة بين طلبة فى ثانوى حتى لو استخدم العنف المفروض نقوله شكرا ونشجعه لانه ممكن ينقذ حياة طالب ولانه فى موقف زى ده بيغامر بنفسه وقد يؤذى.
من كام يوم عرضو فيديو لمدرس فى الاربعينات من العمر يضرب ولدين فى الصنايع. بيضربهم بايده بطريقة محترفة ماتؤذيش. المهم المذيعة بتتصل بمسئول الوزارة.
المذيعة:عملتو ايه مع المدرس العنيف ده.
مسئول الوزارة : حولنا المدرس والمدير والمشرفين للتحقيق وتم عقابهم بمنتهى الحزم.
المذيعة: هو كان بيضربهم ليه؟
المسئول: كانو بيتخانقو وضاربين بعض جامد.
يعنى المسئول المفروض لو عنده قليل من العقل والخبرة عن ما يحدث بين الطلبة فى الخناقات، المفروض انه يفهم ان المدرس المحترم ده ممكن يكون انقذ طالبين من الموت او على اقل تقدير من اصابات مؤلمة. فشكرا للمدرس الشهم. وبقول لوزيرنا المحترم رجالتك من الآخر حاجة تقرف. شكرا.