مدرس اون لايندخول

عزيزي ولي الأمر.. بمناسبة بدء موسم الدروس لو سمحت خلي بالك من الحاجات دي !

عزيزي ولي الأمر.. بمناسبة بدء موسم الدروس لو سمحت خلي بالك من الحاجات دي ! 4188
عزيزي ولي الأمر :

بمناسبة بدء موسم الدروس لو سمحت خلي بالك من الحاجات دي وخصوصاً لو كان ابنك أو بنتك في إعدادي أو ثانوي:
1- لازم تبقى عارف شكل المدرس إللي ولادك بياخدوا عنده درس يعني روح قابله كدة أول شهرين واتعرف عليه واعرف مكانه فين علشان تقدر المدة الزمنية اللازمة للمرواح والمجي من عنده علشان ابنك لما ينصب عليك تبقى صاحي.
2- طبيعي إن تليفون المدرس يكون معاك وكل شهر تتصل تتابع ابنك وتسأل عن مستواه العلمي والأهم سلوكه.
3- حتماً ولا بد تبقى عارف المدرس درسه بكام وده تاخده منه شخصياً علشان الله يكرمك فيه طالب ربنا يصلح حاله بيزود 20 جنيه على كل درس ويطلع له في الميت ب 100 جنيه في الشهر والله أعلم بيصرفوها في إيه.
4- تربيتك على عيننا وعلى راسنا بس لا تثق ثقة عمياء في ابنك وتقول أنا مربيه كويس. اعمل حساب الشيطان ورفقة السوء وسن المراهقة.
5- دايماً تابع كراسة الدرس بتاعة ابنك من حين لآخر ربما يكون المدرس كاتب لك نصيحة أو تعليمات معينة في صالح ابنك أو مشكلة بتواجهه في التعامل معاه.بالتوفيق للجميع

مسيو / سعيد يوسف
remove_circleمواضيع مماثلة
لا يوجد حالياً أي تعليق
privacy_tip صلاحيات هذا المنتدى:
لاتستطيع الرد على المواضيع في هذا المنتدى