تدريب طلاب كلية خدمة اجتماعية

استعرض الموضوع السابق استعرض الموضوع التالي اذهب الى الأسفل

. تدريب طلاب كلية خدمة اجتماعية

مُساهمة  Professor في 06/09/18, 10:34 am

لو سمحت عايزاه اسال سؤال
اولا:- انا طالبه ف كلية خدمة اجتماعية جامعة حلوان الفرقة الرابعة
ثانيا:- انا السنه دي هنزل تدريب ف معهد ازهري
السؤال بقي انا هيبقي فعلا نظام التدريب اني هنزل حصص احتياطي، ولا هتعامل مع حالات كأخصائية اجتماعية،؟؟!
والتدريب بيكون ازاي وفعلا صعب التعامل مع الاخصائيين والمدرسين ؟؟
انا زمايلي نزلوا ف مدارس السنه اللي فاتت وكان ده كلامهم

الاجابة
الخدمه الاجتماعيه مقسومه قسمين تربيه اجتماعيه واتحادات طلابيه
بيكون المكتب غالبا مقسوم حد ماسك تربيه وحد ماسك اتحادات وده ع حسب عدد الاخصائين لكن لو فى عجز هو بيشيل الاتنين
التربيه فيها سجل جماعة الخدمه العامه والرحلات والهلال الاحمر والجمعيه التعاونيه اللى هى المقصف او الكانتين وجماعه مكافحة التدخين والمخدرات والمشاركه المجتمعيه ومجلس الامناء والانضباط المدرسى والحالات الفرديه اما الاتحادات بتكون مسئوله عن عمل انتخابات اتحاد الطلبه الفصول والانشطه وسجل الرائد المثالى والطالب المثالى وغيرهم هما كتير بس بالممارسه هتتعلمى
سواء ازهر او عام هتكونى مع الاخصائى بتتعلمى كل شغله وسجلاته وبتقابلى حالات وبتحلى مشكلات عادى خالص وشخصيتك وشغلك بيفرضوا عليكى انتى عايزه تعرفى وتتعلمى ولا لا ونصيحه حاولى تستفيدى اوى وتتعرفى ع السجلات كلها
لكن مفيش احتياطى ولا الكلام ده ولو حد طلب منك كده ع الفور ارفضى وكلمى الدكتور المسئول عن تدريبك وهو يتعامل

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى