مدرس اون لايندخول

معهد فني صناعي الطريق الثاني لكلية هندسة... لو عندك إصرار انك عايز هندسة

معهد فني صناعي الطريق الثاني لكلية هندسة... لو عندك إصرار انك عايز هندسة 2137
#معهد_فني_صناعي

الطريق التاني لكلية هندسة
لو انت عندك إصرار انك عايز هندسة
لو انت شايف ان ده مجالك ومينفعش تدخل حاجه تانية
لو انت بتحلم ب هندسة وشايف انها الطريق المناسب ليك
لو انت شايف انك تقدر تستحمل اي عوائق عشان تحقق حلمك
أكيد الكلام ده ليك

معهد فني صناعي ل علمي علوم او علمي رياضة بياخد من حوالي ٦٠% او ٦٥% فأعلي، سنتين دراسة بتتخصص في قسم من عدة اقسام زي ( حاسبات، تبريد، سيارات، كيميا...الخ) وكل قسم ليه مواد مختلفة غن الباقي وبردو فيه مواد مشابهه
طلاب الثانوية العامة بيدخلو علي قسم حاسبات مباشرة -الا لو حد عايز يحول بيكون متاح ليه التحويل عادي- بس غالبا محدش بيحول لانه افضل قسم حاسبات وباقي الاقسام مخصصة ل طلبة الثانوية الصناعية او الفنية واللي هم معاك في المعهد بردو

بتدرس مواد زي ثانوي بس جزء بسيط جدا وسهل جدا واخدتوه في ثانوي مع زيادات بسيطة سواء رياضة او فيزيا او انجليزي وكمان بتاخد رسم هندسي وبرمجه وبتدرس مواد فيها وورد واكسل وباور بوينت يعني ممكن نعتبره كورس icdl كامل وهتمتحن فيه
كمان البرمجه اللي بتاخدها مش عشوائية دي عبارة عن كورس اسمه CCNA مشهور جدا ومهم جدا لاي حد في مجال البرمجه
يعني الدراسة في المعهد معظمها كورسات الناس بتاخدها من بره بفلوس
لو انت بتحب الكمبيوتر ف الموضوع بالنسبة لك هيكون لعبة وهتستمتع جدا وهتحس ان دول اول سنتين تعليم ليك في حياتك وهتحس بمعني انك تدرس الحاجه اللي بتحبها فعلا
ولو انت مش بتحب الكمبيوتر هتكون فرصة ليك تتعلم اساسيات الكمبيوتر وزيادات كتيرة كمان وفي كلا الحالتين الموضوع مش هيكون صعب اطلاقا بل سهل وممتع

المذاكرة مش كتير قد تكون ٤٠% من مذاكرتك في الثانوية العامة، دخولك ل هندسة بيعتمد علي مجموعك في سنة ٢ يعني ١ ما هي إلا سنة نقل فقط
نظام الدرجات عبارة عن ٦٠% اعمال سنة و٤٠% فاينال يعني لو ضمنت اعمال السنة فانت بشكل كبير بتضمن هندسة
اعمال السنة بتضمنها عن طريق انك بتاخد كورسات وتسلم شيات وتعمل زي ما المهندسين يقلولك

في النهاية بيكون فيه تنسيق ل كلية هندسة ومش بيزيد عن ٩٢.٥% مع العلم ان ١% = ١٦ درجة وده رقم سهل جدا تجيبه لو عملت اللي قلت عليه فوق وبيكون قدامك جميع اقسام هندسة زي اي طالب ثانوية عامة.

المعهد موجود في اماكن كتير علي مستوي الجمهورية زي اسكندرية والقاهرة في اكتر من مكان زي جمال عبد الناصر والمطرية وشبرا
مصاريف المعهد قليلة علي سنتي كانت ١٥٠ تقريبا وفلوس الكتب كذلك مش كتير وحتي مصاريف الكورسات بالنسبة للكليات مش كتير خالص.

مش معني كده ان الدنيا هتكون لذيذة وماشية زي العسل كده  اكيد فيه تحديات كتير وعوائق هتقابلكم وهتختلف من شخص لاخر خصوصا الضغوطات اللي بتتمثل ف انك مينفعش تضحي بسنتين علي الفاضي ومقدمكش غير انك تدخل هندسة
اللي مش ببوفق ويجيب تقدير هندسة بيكون قدامه فرصه انه يعمل معادلة ويدخل هندسة من تاني بس ده وضعها بيكون صعب شوية ونسبة نجاحها اقل بكتير من المعهد نفسه
كمان بيكون فيه كليات تاني في التنسيق زي كلية تعليم صناعي وكلية تربية وحاجات تانيه بس مظنش ان حد داخل يضحي بسنتين عشان يفكر في كلية من دول يعني

السؤال الشائع بقي هل ده يستحق اني اضيع سنتين؟
لو انت قريت المقدمة هتكون مقتنع تماما ان ده يستحق انك تضحي بسنتين وصدقني مش هيضيعو
انا كواحد خلصت المعهد وف هندسة حاليا بعتبر السنتين دول افضل سنتين في حياتي من جميع الاتجاهات سواء دراسيا اني اتعلمت حاجات بحبها جدا او من ناحية الاصدقاء اتعرفت علي افضل اصدقاء ليا او من الناحية الشخصية وتحمل المسؤولية وان دي بتكون اول خطوة ليك بتاخد فيها قراراتك وتتحمل فيها نتيجة افعالك وكل حاجه يعني
تجربة تستحق ومغامرة ممتعة جدا والأهم من ده كله هتوصلك لحلمك ومن بعدها أثق ان مفيش حاجه هتقف قدامك لان اللي يضحي بسنتين عشان يوصل لحلمه ويكون عنده اصرار عمر ما فيه حاجه هتقدر تقف قدامه تاني
remove_circleمواضيع مماثلة
Professor
* ايه هو المعهد الفني الصناعي ده و ايه لازمته ؟
* ‏- المعهد ده فرصة عظيمة جداً للطالب اللي عاوز هندسة حكومي . او هدفه يكمل كليه حكومي
* ‏* مدة الدراسة فيه كام سنة ؟
* ‏- سنتين .
* ‏* هل بحتاج اجيب مجموع معين في السنتين عشان ادخل منه هندسة ؟
* ‏- في سنة اولى مش بتحتاج تجيب مجموع، مجرد نجاح فقط. انما سنة تانية لازم تجيب 96.5% فيما فوق .
* ‏* بدخل منه على تانية هندسة ؟
* ‏- لا بتدخل على اعدادي هندسة ( اول سنة ) عشان حوار انك تدخل منه على تانية ده اتلغى من 2013.
* ‏* المعهد يقبل انه طلبة ؟
* ‏- يقبل طلبة الصنايع و الثانوية العامة علمي علوم و رياضة ولا يقبل الادبي و يقبل طلبة الثانوية الازهرية بشرط قضاء سنة في اي كلية ومن ثم يتم التحويل للمعهد بعدها .
* ‏* الدراسة في المعهد ايه نظامها ؟
* ‏- لو انت ذاكرت فيه هتجيب ال١٠٠% بكل سهولة و من غير كلام كتير ..
* ‏* المعهد فيه اعمال سنة ؟
* ‏- ايوة فيه 40% اعمال سنة .
* ‏اين يوجد المعهد الفني الصناعي بالجمهورية؟
* ‏المطرية
* ‏الصحافة ( رمسيس )
*شبرا
* ‏قويسنا
* ‏المحلة
* ‏إسكندرية
*بنها
* ‏سوهاج
* ‏قنا
* ‏اسوان
* ‏الزقازيق
* ‏بورسعيد
* ‏* بيقبل من كام ؟
* ‏يقبل طلبة الثانوية العامة من ٦٠% تقريباً ويقبل الصنايع من حاجة وسبعين بالمائة .
* ‏* بعد ما بخلص دراسة في المعهد بعمل معادلة ولا ادخل هندسة علطول؟
* ‏- بتدخل علطول من غير معادلة في حالة انك جايب مجموعها . لكن لو مش جايب مجموعها ممكن تعمل معادلة وتدخلها بس منصحكش بالمعادلة.
* ‏* المعهد خاص ولا حكومي و مصاريفه كام ؟
* ‏- المعهد حكومي و مصاريفه حوالي 200 او 300 جنية في السنة.
بعض الأقسام غير موجودة بالمعاهد زي زخرفة وملابس بتختار شعبه تانيه تحول ليها
والي جاب من 75 وهو احد طلاب القسم المعماري ليك كليات
فنون جميله.فنون تطبيقه اما من فوق90.تعليم صناعي.تربيه نوعيه.كليه تكنولوجيا وتربيه
العلم والايمان
معهد فني صناعي الطريق الثاني لكلية هندسة... لو عندك إصرار انك عايز هندسة 158

ازاي ادخل كلية هندسة من معهد فني صناعي ..؟ مدرس اون لاين ينشر التفاصيل
المعهد الفني الصناعي

يعد "المعهد الفني الصناعي" من المعاهد الحكومية التابعة للمجلس الأعلى للجامعات ويقبل طلاب الدبلومات الفنية الصناعية نظام الثلاث سنوات والخمس سنوات، وأيضا يقبل طلاب الثانوية العامة شعبة (علمي رياضة ).

مدة الدراسة بالمعهد

مدة الدراسة بالمعهد سنتان ويعطي دبلوما فوق المتوسط بعد انتهاء السنتين. ويسمح التحويل من المعهد لاحدي الكليات سواء الهندسة، الفنون الجميلة، التربية والتربية النوعية، الزراعة، أو معاهد الهندسة العليا لكن وفقا لشروط معينة كالمجموع بالنسبة للهندسة والتربية والتربية النوعية ومعاهد الهندسة العليا والتعليم الصناعي أما بالنسبة للفنون الجميلة والزراعة علي حسب القسم في المعهد وأيضا المجموع وسوف نتناول كل هذا بالتفصيل في السطور التالية.

أقسام المعهد

بالنسبة للأقسام الموجودة في المعهد الفني الصناعي تختلف من معهد لآخر وليست ثابتة في المعهد وتكون الاقسام: «قسم أجهزة إليكترونية، قسم تبريد وتكييف، قسم ميكانيكا سيارات، قسم تشغيل وتشكيل المعادن، قسم شبكات وآلات كهربية، قسم تك العمارة، قسم بيولوجي (شبرا)».

اقرأ ايضًا| الكليات والمعاهد المتاحة بتنسيق المرحلة الثالثة 2022 للحاصلين على مجموع من 50% لـ55%



طريقة التحويل من المعهد لكلية الهندسة

"التحويل من المعهد الفني الصناعي لكلية الهندسة" وتنسيقها بالنسبة لخريجى المعهد يتم بعد انتهاء مدة الدراسة في المعهد يسمح للطلاب التحويل لكلية "الهندسة" (حكومية) بما في ذلك كلية هندسة بترول وتعدين السويس إذا حصل الطالب علي مجموعها بشكل مباشر عن طريق التنسيق.

ويتم ذلك عند حصول الطالب على تقدير امتياز أي تقريبا 93% لضمان دخول كلية الهندسة أما بالنسبة لهندسة البترول والتعدين فيكون مجموعها تقريبا 98% ومجموع القبول للكليات  هو نفس مجموع التي تقبل به كلية الهندسة لطلبة دبلوم الصنايع 5 سنوات.

ويمكن بالفعل اذ لم يحصل الطالب على مجموع الكلية الالتحاق بها عن طريق عمل معادلة وهذه المعادلة تعقد سنويا للالتحاق الطلاب غير الحاصلين علي تقديرات عليا لدخول كليات الهندسة أو هندسة بترول وتعدين السويس ايضا التعرف علي تفاصيل وشروط معادلة كلية الهندسة.

مواد معهد فني صناعي قسم كهرباء الترم الأول:

1- رياضيات
2- فيزياء
3- هندسة كهربية
4- لغة انجليزية
5- تك معلومات
6- تك ورش ميكانيكية
7- تك ورش كهربية

مواد معهد فني صناعي قسم كهرباء الترم الثاني:

1- الات كهربية
2- تك مواد كهربية
3- رسم فنى
4- لغة إنجليزية
5- الكترونيات
6- دوائر منطق
7- تك ورش كهربية
العلم والايمان
المعهد الفني الصناعي في مختلف المحافظات من المعاهد الحكومية المعترف بها في مصر، والتابعة للمجلس الأعلى للجامعات، وفي النقاط التالية أهم المعلومات المتعلقة بالمعهد:
  • مدة الدراسة بالمعهد تكون سنتين فقط ويمنح الطلبة شهادة دبلوم فوق متوسط، ويتيح للطلبة التقديم في كليات مختلفة مثل كلية الفنون الجميلة، كلية الزراعة، كلية الهندسة، كلية التربية النوعية، بالإضافة إلى معاهد الهندسة العليا، وذلك على حسب مجال تخصص الطالب في المعهد وتنسيق المجال الذي يرغب في الالتحاق به.
  • يقبل المعهد طلاب الثانوية العامة، والطلاب الحاصلين على الشهادات المعادلة لها سواء كانت شهادات عربية أو أجنبية، كما يقبل طلاب الدبلومات الفنية بنظام الثلاث سنوات ونظام الخمس سنوات.
  • يكتسب الطلاب خبرة كبيرة في المعهد تمكنهم من النجاح في الكليات المختلفة بعد ذلك بكل سهولة على عكس طلاب الثانوية العامة فقط.
  • يوجد المعهد في عدة محافظات مختلفة في جمهورية مصر العربية، ويمكن التقديم في المعهد بسهولة.
  • يتم التقديم على المعهد من خلال بوابة التنسيق التي يتم فتحها بعد نتيجة الثانوية العامة، ومن خلال تنسيق الدبلومات الفنية.
  • المعهد متوفر به عدة تخصصات في مجالات مختلفة.


الكليات المتاحة بعد معهد فني صناعي

  • كليات الهندسة بما فيها هندسة البترول.
  • كليات التعليم الصناعي.
  • كليات التربية (تعليم صناعي).
  • كليات التربية النوعية.
  • كلية الفنون الجميلة (الأقسام المعمارية).
  • معاهد الهندسة العليا الخاصة.

المحافظات الموجود بها المعهد الفني الصناعي

المعهد الفني الصناعي متوافر في عدة محافظات في على مستوى جمهورية مصر العربية ، وذلك حتى يتمكن الطلاب من الالتحاق به بسهولة:
  • المعهد الفني في المطرية.
  • المعهد الفني بالصحافة.
  • المعهد الفني في شبرا.
  • المعهد الفني في أسيوط.
  • المعهد الفني في بنها.
  • المعهد الفني في شمال سيناء في بئر العبد.
  • المعهد الفني في قنا.
  • المعهد الفني في بورسعيد.
  • المعهد الفني في قويسنا.
  • المعهد الفني الزقازيق.
  • المعهد الفني في سوهاج.
  • المعهد الفني في نجع حمادي.

أقسام المعهد الفني الصناعي

يضم المعهد الفني الصناعي عدة اقسام، وتختلف الأقسام الموجودة من معهد إلى أخر، ولكن الأقسام المتوفرة عامةً هي:
  • قسم أجهزة إلكترونية.
  • قسم ميكانيكا سيارات.
  • قسم بيولوجي.
  • قسم تبريد وتكييف.
  • قسم عمارة.
  • قسم تشغيل وتشكيل المعادن.
  • قسم شبكات وآلات كهربائية.


شروط الالتحاق بالكليات بعد المعهد الفني الصناعي

بعد إنهاء الطلاب فترة دراستهم في المعهد يحق لهم الالتحاق بالكليات التي تقبل من المعهد وفقًا للشروط محددة وهي:
  • كلية الهندسة: تقبل خريجين المعهد الحاصلين على تقدير امتياز في المعهد وهو ما يعادل 93% تقريبًا، وبالنسبة لكلية هندسة بترول وتعدين تقبل الطلاب من مجموع 98% ، وفي حالة عدم حصول الطالب على تقدير امتياز يمكنه عمل معادلة تمكنه من الالتحاق بالكلية بعد ذلك.
  • معاهد الهندسة العليا: تقبل المعاهد الطلاب الحاصلين على مجموع لا يقل عن 88% وتمنح الطلاب شهادة البكالوريوس في الهندسة مثل كافة كليات الهندسة.
  • كلية الفنون الجميلة: تقبل الكلية الطلاب من قسم عمارة فقط، على أن يكون مجموع الطالب لا يقل عن 75% ويتمكن من اجتياز امتحان القدرات الخاص بالكلية مثل طلبة الثانوية العامة.
  • كلية التعليم الصناعي: تقبل الطلاب من مختلف التخصصات بشرط حصول الطلاب على مجموع لا يقل عن 85% وفي بعض الكليات يكون 82% وهذا وفقًا لتنسيق عام التقديم.
  • كلية التربية النوعية: تقبل الطلاب من مختلف التخصصات بشرط حصول الطلاب على مجموع لا يقل عن 83% ليتمكن من الالتحاق بها.
  • كلية التربية(تعليم صناعي): تقبل الطلاب من مختلف التخصصات بشرط حصول الطلاب على مجموع لا يقل عن 93% ليتمكن من الالتحاق بها.
  • كلية الزراعة: تقبل كلية الزراعة الطلاب من قسم بيولوجي فقط وهو موجود في معهد شبرا بشرط ألا يقل المجموع الكلي للطالب عن 75%.



الأسئلة الشائعة

هل يمكن دخول معهد فني صناعي من أدبي؟
لايمكن دخول المعهد الفني الصناعي من أدبي ولكن يمكن دخوله من علمي رياضيات أو علمي علوم فقط
ماهي عدد سنوات الدراسة بالمعهد الفني الصناعي
سنتان
هل المعهد صعب؟
المناهج سهلة والمهندسين متعاونين.

هل يستدعي المعهد أن اقوم بقضاء عامين بعد الثانوية بالمعهد
إذا كان لديك هدف وتود تحقيقة سيكون المعهد بمثابة فرصة كبيرة حيث يمكنك الالتحاق بكلية هندسة أو فنون جميلة أو تربية نوعية أو كلية تعليم صناعي أو تربية تعليم صناعي وكذلك جميع المعاهد العليا الخاصة بالهندسة.
وختامًا يعتبر المعهد الفني الصناعي في مختلف المحافظات في مصر فرصة كبيرة للطلاب الذين يرغبون في استكمال مسيرتهم التعليمية والحصول على درجة البكالوريوس في مجالات تخصصهم والطلبة الذين لم يتمكنوا من تحقيق رغبتهم في الالتحاق بكلية محددة بعد الثانوية العامة.
Professor
  تنسيق معهد فني صناعي لطلاب الدبلومات.
لطلاب الدبلومات الفنية.. تنسيق معهد فني صناعي

تنوع تنسيق معهد فني صناعي 2022 بين المحافظات فيوجد معاهد فني صناعي بالإسكندرية 79%، والمعاهد الفنية الصناعية بسوهاج 77.29%، و بنها 77.14%، و المطرية 77.14%، ونجع حمادى بنين 76.86%، و شبرا 76%، وأما معاهد الفنى الصناعى بالمحلة الكبري 75.57%، والزقازيق 75.14%.

أقسام المعهد الفني الصناعي

وحول الاقسام التى توجد فى ضمن تنسيق معهد فني صناعي  فهى:  الميكانيكا، والأجهزة الكهربائية، التبريد والتكييف، الطباعة، تكنولوجيا المعلومات
privacy_tip صلاحيات هذا المنتدى:
لاتستطيع الرد على المواضيع في هذا المنتدى