اعزائى جميع العاملين بالتربية والتعليم لابد ان تعلم
1- اذا كان محرر المرتبات يقوم بخصم ضريبة تحت الحساب لسنة 2018 وبالطبع تم خصم 10% من فوق الاربع الاف من المكافأة + المخصوم من يناير حتى يونيو وهذا يكفى لسداد الضريبة عن عام 2018 هذا معناه يجب الايتم خصم ضريبه من يوليو حتى ديسمبر وفى حال الخصم يعتبر بالزيادة وطبعا استحالة الفلوس ترجعلك تانى .....خد بالك ان قانون الضريبة بيقول يتم تحصيل تحت الحساب مش فرض ....راجع ضريبتك مع محرر المرتبات علشان متدفعشى زيادة
خد بالك تانى ان الاعفاء زاد يعنى الضريبة هتقل ........متبقاش الحكومة والدولة عملت ليك ميزه وهى تخفيض الضريبه على الموظفين وانت متستفدشى منها وتروح لمصلحة الضرائب من غير ماترجع .........الضريبه الى عليك لو 100 حنبه هتدفع 15 بس لانه فى تخفيض 85 لاغلب الشرائح........متسبش حقك
2- النموذج لحالة موجوده فعلا ( معلم خبير )
صدر تعديل ضريبي العام الماضي بموجب قانون 82 لسنة 2017 ؛ كان المفروض التعديل دوت يطبق علي مكافأة الامتحانات الخاصة بالعام الماضي بس ما لحقناش نطبقه بسبب ان القانون نشر ولم يعمل به لحين نشر اللائحة طبقا لما ورد بالقانون وتم خصم 10% من المكافاة في حين ان المفروض اللي اتخصم 4% فقط .
طب ايه مصير ال 6% اللى اتخصموا بالزيادة ؟
كان المفروض يتم وقف الخصم من اغسطس 2017 بس للاسف دا ما حصلش في بعض الجهات والبعض التزم زى مثلا إدارة المنشأة بسوهاج ومدرسة في محافظة تانية بلاش نقول عليها ، وغالب الادارات خفضت الخصم من 10% الى 2% واكتفت بكدا بحجه ان الضريبه قلت والمدرسيين يحمدوا ربنا واللى اتخصم بالزياده هما ما يعرفهوش اصلا .
طب ايه الحل ف الموضوع واقدر اخد اللى اتخصم ولا لاء خاصه ان نفس الموضوع هيتكرر مع التعديل التانى اللى حصل السنه دى بموجب قانون 97 لسنة 2018 ؟
الحل : طلب تسوية ضريبية زى دى مكتوب فيها اللى اتخصم منى على مدار عام 2017 ؛ ولو حضرتك ركزت على السطر الاخير ف التسوية هتلاقي ان الحاله اللى في المثال لها فلوس عند الضرايب علما بانه ما بيدفعش ضرايب من اغسطس لحد اخر السنه فما بالك انت لك كام وانت بيتخصم منك طول السنه ؟!
طب محرر الماهيات رفض يديك تسوية ؟
من حق حضرتك تلجأ للنيابة الادارية لانه بكدا خالف المادة 15 من قانون رقم 91 لسنه 2005 والنيابة هتجيب حقك .
طب لما اجيب التسوية ويطلع ليه فلوس عن العام الماضي وبالتالي هيكون ليه فلوس برده عن هذا العام هاخدهم ؟
اه هتاخدهم اما نقدا او عن طريق مقاصة ( اى وقف خصم الضرايب من المرتب والضرايب تخصم من الفلوس اللى عندها )
