ازاى تقدر تضمن درجة عالية فى التعبير
اول حاجة التعبير الوظيفى وده لما بيكون برقية او لافتة او رسالة او ملخص او اعلان او كتابة تقرير مثلا اهم حاجة علشان تضمن درجة التعبير الوظيفى كاملة انك تحاول تمشى على الخطوات دى
1- اهم حاجة انك تراعى انك تغطى كل مقومات الموضوع يعنى مثلا الاعلان لازم تقول تعلن شركة .... عن ..... وذلك فى يوم ...... وفى المكان ..... كده يعنى
2- حاول على اد ما تقدر انك تحسن خطك
3- النظام وتحاول تخلى الكلام تحت بعضه لو بتكتب تلخيص مثلا ولو قدرت تعمل برواز يبقى كويس جدا
تانى حاجة التعبير الابداعى وده بالالتزام بنظام الوكليت لا يزيد عن 25 سطر مقسم الى 6 فقرات وكل فقرة لها فكرة عن الموضوع اللى انت اخترته وحاول تمشى على الخطوات دى
1- اهم حاجة انك تحاول تعمل للموضوع عناصر وافكار فى دماغك وتحاول تخلى الموضوع يشملها كلها
2- اهتم جدا كتابة مقدمة تكون فى عمق الموضوع وزى ملخص مفيد لكل اللى تكتبه واهتم برده بكتابة خاتمة كويسة
3- متكررش جملة معينة اكتر من مرة او مرتين
4- حاول على قدر الامكان انك تحسن خطك على اد ما تقدر وتخلى عدد الكلام فى السطر مناسب يعنى ولا تكبر الخط جدا ولا تصغره جدا
5- حاول بقدر الامكان انك تتفادى الاخطاء النحوية والاملائية
بالتوفيق للكل ان شاء الله

تحميل: افضل مذكرة فى التعبير تضمن لك الحصول على الدرجة النهائية من هناا