تم انتدابي لمعهد إبتدائي يومين أسبوعيا..

دخلت الفصل مررت ورقة ع  كل تلميذ يكتب فيها اسمه ويتمني يطلع ايه لما يكبر !

مسكت الورقة .. وسألت بنفسي  كل تلميذ ليه عايز تطلع دكتور أو مهندس أو ظابط وسمعت الرد ودونته قدام الاسم

تاني يوم .. أخدت معايا دستة كراسات مكتوب عليها

اسم كل طالب ومهنته المستقبلية “دكتور… مهندس.. ظابط ..

اعدت  ترتيب مكان جلوس التلاميذ داخل الفصل  فحصتي فقط ..

قعدوا الدكاتره جمب بعض

الظباط جمب بعض وهكذا. .

اتفقت مع كل تلميذ إني هناديه بلقبه ف المستقبل

وقفت ف نص الفصل وسألت

هل فيه دكتور  او مهندس ممكن ما يعملشي الواجب؟

هل فيه ظابط ممكن يعمل مشاكل وفوضى ف الفصل ؟

كل تلميذ أصبح قدام مسئوليته وقدام حلمه

يعني مبقاش فيه سحب عصايه… فيه سحب لقب

والله بقيت ف منتهي الاستمتاع بالحصة