مدرس اون لايندخول

اسباب خراب التعليم في مصر وكيفية اصلاحة... دراسة بعد خدمة 35 سنة في التربية والتعليم

18082017
اسباب خراب التعليم في مصر وكيفية اصلاحة... دراسة بعد خدمة 35 سنة في التربية والتعليم

اسباب خراب التعليم في مصر وكيفية اصلاحة... دراسة بعد خدمة 35 سنة في التربية والتعليم 19910
كتب: مجدي رمسيس
عايزين تطوروا التعليم بعد ما خربتوه هاتقولي خرب ازاي اقولك ‏ياباشا :‏
‏1 – كان مدير المدرسة لازم يمر بمرحلة وكيل علي الاقل 4 ‏سنوات 2 ش ع و 2 ش ط وبعدين ناظر متفرغ يشرف علي ‏المدرسة من جميع الجوانب وبعدين مدير له دراية بكيفية الادارة
‏2 – لجنة اختيار القيادات ليس بها شخص واحد مارس قيادة ‏مدرسة بس اللي فالحين فيه الدفاتر والقوانين ‏
‏3 – اللي يقولي الدفاتر مهمة اقوله علي عينيي ولما تبعت الادارة ‏عشان معندكش فلوس تعمل أي حاجة حتي طباعة الامتحانات ‏ويقولك اتصرف دي برضه من ضمن الدفاتر ‏
‏4 – لما يبقي مدرستك من غير عمال علي الاطلاق ولا حتي غفير ‏‏( نوباتجي ) وتخاطب الادارة وتقولك اتصرف وتيجي لجنة متابعة ‏اعضائها فشلوا كمدرسين اصلا مش كقيادة ويحاسبك علي ‏النضافة دي برضه من ضمن الدفاتر
‏5 – لما تبقي مدرستك فيها مدرسين علي القد بالظبط ومش ‏هاقول فيها عجز وواحد يتعب ياخد اجازة مرضي طويلة ومافيش ‏غيره بديل دي من ضمن الدفاتر
‏6 – لما تيجي تستلم مدرسه وتلاقي مافيهاش كرسي لمدرس ولا ‏حجرة ليه ولا مكان لطالب يريح فيه وتتصرف وتعمل المستحيل ‏وتوفر ده وتاخد جزا عشان خشب كسر بقالوا عشر سنين قبلك دا ‏برضه دفاتر
‏7 – لما مايجيلكش نشرة بالمصروفات ولا المطلوب للتقديم ‏لمدرستك ولو ماقبلتش التقديم يتحقق معاك ولو قبلته وخدت ‏فلوس زيادة مثبوتة رسمي لحين ورود النشره يتحقق معاك ‏وتبعت تسأل المسئول المالي في الادارة يقولك معنديش رد دي ‏برضه دفاتر
‏8 – لما تبقي مدرستك في افقر احياء الجمهورية ومعندكش قانون ‏واحد يلزم الطالب بالمصروفات ومعندكش ميزانية ورغم ده ‏معندكش شىء يعطل العمل لانك اتصرفت وعملته وتيجي تتكلم ‏يقولك محدش قالك ادفع من جيبكك ده دفاتر
كلامي رأي شخصي من واقع خدمتي 35 سنة في التربية والتعليم ‏منهم 22 سنة كقيادي من اول وكيل حتي مدير عايزين التعليم ‏يرجع تاني والبلد تنهض عندي كام نقطة صغيرة قد تكون خطأ ‏بس ده رأيي ولاحظوا اني لن اتكلم عن الراتب : -‏
‏1 – عودة نظام القيادات الي النظام القديم بحيث يمر القائد بمرحلة ‏وكيل بجدول ثم متفرغ ثم ناظر ثم مدير وياريت يكون للمدرسة 2 ‏مدير احدهم اداري يختص بالاداريات فقط والآخر تنفيذي مختص ‏بكل ما له علاقة بالطالب وتعليمه
‏2 – تقليل نصاب المعلم ليكون 18 حصة للمبتدىء و 8 لكبير ‏المعلمين
‏3 – وضع قانون للمصاريف المدرسية يلزم الطالب مع عودة ‏نصاب المدرسة الي علي الاقل 70% من المصروفات حتي ‏يمكنها الصرف علي انشطة التعليم المختلفة
‏4 – وضع قانون صارم لاي طالب يخل بالنظام او يعتدي علي ‏معلم يصل للفصل النهائي وعدم الحق في القيد مدي الحياه
‏5 – وضع قانون صارم للتعدي علي المدرسة من قبل أي شخص ‏خارجها ‏
‏6 – اعضاء لجان المتابعة لابد ان يكونوا قد مروا بمراحل القيادة ‏حتي مدير مدرسة حتي يصبح متفهما لمشاكل المدارس ويشارك ‏في حلولها
‏7 – جميع قيادات التعليم حتي الوزير لابد ان يكونوا قد مارسوا ‏العمل بالمدارس حتي رتبة ناظر علي الاقل فالمفهوم الخاطىء ‏لحملة الدكتوراه انهم قادرون علي ادارة الامور غير صحيح من ‏وجهة نظري ولابد ان يشارك في الميدان الاصلي اما حملة ‏الدكتوراه وجميع الالقاب العلمية يساهموا في وضع القوانين ‏واللوائح كل في تخصصه لانهم الاجدر علي اختيار الحلول النظرية ‏وليست العمليه
‏8 – حذف الاجزاء الغير مجدية من المناهج والاكتفاء بما هو ‏حديث منها ويلائم التطور الرهيب الحادث في العالم ‏
‏9 – تخفيض انصبة بعض المواد كاللغة العربية مثلا والتي تحتل ‏المكان الاكبر ب 9 حصص للفصل ليكون 5 فقط تركيزا للتعليم ‏وتوفيرا للمعلمين وللطالب
‏10 – عدم ارتباط المدارس بمواعيد واحدة لان معظمها لا يوجد ‏به فناء فلا يمكن ان تكون الفسحة مثلا 45 دقيقة وهذا علي سبيل ‏المثال لذلك يكون لكل ادارة تعليمية حرية تحديد المواعيد بما ‏يتلائم مع جغرافية المكان
‏11 – فصل التعليم الابتدائي عن الاعدادي تماما وان تصبح ‏الشهادة الابتدائية أساسية وتعود فترة الالزام حتي الصف السادس ‏الابتدائي مع اشتراط وضع اختبار للطلاب عند الالتحاق بالصف ‏الاول الاعدادي لقياس معرفة الوافدين لمبادىء القراءة والكتابة ‏والحساب وبعض كلمات اللغة الاجنبية ومحاسبة المقصر
اعلم اني قد اطلت العرض ولكن هناك الكثير من الاشياء التي يجب ‏عملها مع ملاحظة انني لم اتحدث عن الوضع المالي الفاضح ‏للمعلمين ‏

تعاليق

لا يوجد حالياً أي تعليق
privacy_tip صلاحيات هذا المنتدى:
لاتستطيع الرد على المواضيع في هذا المنتدى