إحنا عايزين المعلمين بالمعاش يشتغلوا مستشارين في مؤسسات الدولة المختلفة زي باقي البني آدمين ، لا ناقصين إيد ولا ناقصين رجل ، ده حتى كتير من المستشارين اللي بيلهفوا المليارت معظمهم ما بيعرفوش الألف من كوز الدرة !!!
إنما المعلمين علموا الناس كلها إزاي يكتبوا الألف وإزاي يزرعوا عود الذرة !!! ، وبعدين شغلانة مستشار أو خبير في مصر لا تحتاج عبقرية ولاقدرات معينة !!!!
كل ما في الموضوع إنك تغير الكارت الشخصي وتكتب فيه قبل إسمك : المستشار ، أو الخبير الاستراتيجي أو الخبير الاقتصادي أوالرياضي وتكشر شويه ، وتعمل فيها مسئول !!!
هات لي واحد من الخبراء دول يعرف ثمن البقرة في سوق الخميس بكام ؟!!!
أو يعرف كيفية تزغيط دكر البط ؟!!!
كما قال فيلسوف عصره وزمانه : توفيق عكاشة !!! .
أم أن الخبراء والمستشارين بالمعاش هم من نهبوا البلد قبل المعاش ؟!! .