أرجوك معالى الوزير خلينى أحب الدراسة وأبدأ أذاكر من غير هموم...
كتب الطفل ساجد محمد عبد الفتاح قصيدة شعر وجهها إلى الدكتور طارق شوقى وزير التربية والتعليم والتعليم الفنى ، يحثه فيها على تطوير مناهج تعليم المرحلة الابتدائية قائلاً:

بعد بسم الله الرحمن الرحيم وبه تستعين

          عزيزى معالى وزير التعليم

أنا طفل مصرى بيقولوا إنى شاعر، فقررت أنى أكتب وأقولك كده بصراحة اللى نفسى فيه

نفسى يا فندم أحب الدراسة وتكون هى أحسن كده من الإجازة

نفسى فى مناهج تنشط عقولنا، تطور وطنا ترجع قيامنا، ونفسى النشاط يكون له اهتمام والله ولادنا تمام التمام

ونفسى فى جهاز بديل للكتاب يريح عنينا ويسهل علينا ينوبك ثواب

نفسى أحلم كل يوم بطائر فى السما وسمكة بتعوم مخفش أنام أحسن أحلم بمسائل حساب ومنهج علوم

دانا طفل صغير ويدوب عمرى 8 سنين وكام يوم

أرجوك معالى الوزير خلينى أحب الدراسة وأبدأ أذاكر من غير هموم