مدرس اون لايندخول

لطلاب ثالثة ثانوي.. ازاي تقفل التعبير وتكتب موضوع بسرعة ؟!

لطلاب ثالثة ثانوي.. ازاي تقفل التعبير وتكتب موضوع بسرعة ؟! 9946


ازاي تقفل التعبير وتكتب موضوع بسرعة 
1. الاخطاء الاملائية بلاش منها خالص شوفت انا مش حاطط اي همزة في أخطاء إملائية وده اكبر غلط انت تعمله في موضوع التعبير كمان كلمة شيء بتتكتب زي ما كتبتها انا كده اوعى تكتبها كده شئ الهمزة على السطر يا صديقي 
2. اياك تشطب على حاجة غلط بشكل همجي خليك ذكي حط على الكلمة خط مائل / على الكلمة وبس كده بالقلم الرصاص وخلصت
3. المقدمة ابعد عن من دواعي سروري والعبط ده  اكتب مقدمة تساؤلية وتعتبر افضلهم مثلا يعني الصداقة! وماذا قال الله تعالى عن الصداقة في القرآن؟ وكيف نوجه شباب اليوم إلى اهميتها؟ وكيف وماذا وهتلاقي نفسك كتبت اربع سطور في ثواني
4.علامات الترقيم مهمة اووووووي الفصلات والنقط في اخر كل فقرة و ؟! ودول مهمين جدا متنساش اي حاجة منهم
5. الخط مهم اووي واكتب بسرعة بس حاول متفلطش واوعى تكرر سطور صدقني ما اسهل الصفر وتقليل الدرجات بلاش تكرر الكلام
6. قسم الموضوع لفقرات كل فقرة مثلا حوالي 5 سطور وبعد لما تخلصها تسيب سطر وتبدأ واحد جديد ومتنساش النقطة في اخر كل فقرة بتخلصها
7. الشواهد مهم اوووي انك تكون حافظ كتيرررررررررررر ويا سلام لو تنوع في بداية الفقرات بالشواهد يعني فقرة تبدأها بشاهد فقرة تبدأها بسؤالين وتجاوب عنهم داخل نفس الفقرة كده المصحح بيقرأ الموضوع على فكرة بس بسرعة لو مش حافظ الشاهد كويس بلاش تكتبه يفضل انك تكون كاتب على الاقل 5 شواهد وتنوع بين حديث وشعر وقرآن وحكم خليك ذو ثقافة عامة 
8. الخاتمة  اوعى تشكر المصحح او تستعطفه وبلاش وشكرا ديه انسى كل ده علشان كده بنتقفش بسرعة والمصحح هيزعلك لو عملت العبط ده يفضل انك تنهي بشاهد لكن ابعد عن الشكر وانك تعبت في الموضوع يعني  اوعى تقوله السلام عليكم مش خارج من بيتكم 
9. اوعى تكتب كلام عامي في الموضوع كله فصحى
10. تسيب سطر ولا مستيبش ديه بتاعتك بس اهم حاجة على ما اتذكر انهم كانوا 40 سطر ممكن تسيب ومتسيبش براحتك يعني
11. التنويع في الاساليب مهم اووووي وبيظهر للمصحح مدى امكانيتك في كتابة موضوع مميز يعني اسلوب تعجب بعده استفهام مثلا توكيد افضل نوع وكده ومتنساش علامات الترقيم ها علشان ديه اساليب وهيتبعها علامات ترقيم
12. الافكار او العناصر مش لازم تكتبها لوحدها عادي ممكن تكتبها كلها في المقدمة
13.اوعى تغلط غلط نحوي عيب يا أخي مينفعش تقول كان المصريين  انت كده مش فاهم نحو يعني كأنك مدرستش نحو نهائي يعني
14. انهي المقدمة برأيك وشاهد وكفاية كده
15. راجع الموضوع بسرعة اوووي  لان ممكن يعمل معاكم زي معانا الامتحان سهل بس طويل لازم تكون سريع في الكتابة اووووووووي يعني
16. شيء تكتب كدة مش بتكتب كدة شئ الهمزة على السطر صدقني
بس كده هتقفل بإذن الله  بس متنساش حاجة من دول
وشير لأصحابك كتير بقى متخليش الخير يقف عندك ها اعملهم منشن  يلا انشر علم فرح غيرك 
د.محمد عامر كامل
remove_circleمواضيع مماثلة
لا يوجد حالياً أي تعليق
privacy_tip صلاحيات هذا المنتدى:
لاتستطيع الرد على المواضيع في هذا المنتدى