الخطوة الثالثة :مدفوعة المحولين بنك

اول خطوة فى تطبيق المنظومة تمت.. وكانت التعاقد وتشغيل منظومة الدفع الالكترونى (التعاقد مع البنك -استلام الاجهزة -استلام التوكن -تدريب مدخل البيانات )
وتانى خطوة كانت (تحميل بيانات الموظفين -اصدار الكروت لجميع العاملين (دائم ومتعاقد ) وتسليمها -عمل امر دفع الضرائب والمعاشات - عمل امر دفع مرتبات ).
وقلنا بعد استكمال الخطوتين السابقتين انت كده بقيت وحدة حسابية مفعلة 100% كده نقولك شكرا انت والزملاء مدخلى البيانات لاننا عارفين اد ايه الموضوع ده صعب وكلة مشاكل ...بس لازم تستعد للخطوة الثالثة اللى هية ايه ؟
الخطوة الثالثة ( انشاء امر دفع موردين - انشاء امر دفع المحولين بنك ) فقط متعملش اى حاجة تانية حتى لو مندوب شركة e-finance قعد يتحايل عليك ..طب نعمل ايه ؟
اول حاجة هنبدأ بيها هى المحولين بنك تعمل الخطوات التالية :
1- تجيب صورة من كشف المرسل الى البنك مع الشيك الشهر السابق ( قصاصة البنك) اللى بتكون مع الاستمارة 132 ع ح وتصورها وتديها لمدخل البيانات .
2-مدخل البيانات يعمل شيت اكسل عليه اسم الموظف الرقم القومى وخانة فاضية يكتب عليها من فوق رقم الحساب وبين قوسين يكتب عدد الارقام للحساب (موجودة لكل بنك على الشرائح المرفوعة )
3-يطبع الملف لكل بنك ولكل فرع بالبنك ويديها لشؤون العاملين /الاستحقاقات للمراجعة وترسل بخطاب الى فرع البنك .
4-البنك اتأخر عادى ابعت تانى استعجال ..ولو البنك طنشك (طبيعى جدا على فكرة ) ابعتلو ا جواب مكتوب فيه التالى ( نظرا لتعليمات رئيس الوزراء رقم 122 لسنة 2015 بضرورة استكمال منظومة المدفوعات الالكترونية سبق ان تم اخطاركم بكتابنا رقم ...ورقم ...بتاريخ ...بارقام حسابات السادة العاملين والمحولين مرتباتهم طرفكم الا انه لم يستجيب الفرع ..وعلية يرجى اخطاركم بان الوحدة الحسابية غير ملزمة باستمرار التحويل للمرتب للبنك للاسماء المرفقة مالم يتم ارسال ارقام الحسابات فى موعد غايتهة اسبوع ...صورة مبلغة للبنك المركزى المصرى . ....وممكن تحبش الجواب بشوية كلام تقيل كده
6-لو البنك متعاون ممكن تبعت الايميل بتاع مدخل البيانات ويبعتلك الملف على شيت اكسل او ممكن عن طريق الموظف يجيبة بس لازم يكون معتمد من البنك .
7-البنك اللى يجيلك تبدأ تسجلة على شيت الاكسل ومش مهم تستنى كل الفروع والبنوك
8- اهم خطوة بقى هى رفع الملف لازم تنسق مع مسؤول الدعم الفنى بالمحافظة لشركة e-finance يكون موجود ويدرب المدخل البيانات على رفع الملف .
9-الملف بعد الرفع بيروح للبنك يراجع الملف ويرجع تانى على السيستم بعد المراجعة وبكدة بتكون مستعد لرفع مرتبات المحولين بنك
10-لرفع المرتبات امشى على الشرايح المرفقة وبرضوا متعملش حاجة الا بوجود مسؤول شركة e-finance
11- البنك الاهلى وبنك ناصر وبنك التنمية لسة مدخلوش فى المنظومة (احسن بردوا ) خليه على جنب دلوقتى ..
متنساش لو طقيت من الجهاز والشبكة ..وتعنت الجهة ..اكتب جواب لرئاسة القطاع اكتب فيه المشكلة تفصيلية .. اللى متحلش ومتسكتش ..
ربنا معاكو هنتكلم على الموردين مرة تانية