مدرس اون لايندخول

هام جدا: كيفية المحافظة علي بيانات الفيزا كارد من السرقة

هام جدا: كيفية المحافظة علي بيانات الفيزا كارد من السرقة 11822601_10205904021937670_4652330560593442329_n
يعني ايه ATM Skimming
بالبلدي كده يعني حضرتك عندك حساب ف البنك وعندك طبعا بطاقه السحب وفجاه تروح تلاقي حسابك بقا زيرو تسأل الفلوس راحت فين يقولك حضرتك كنت ف الصين و ماليزيا و االهند الشهر ال فات وصرفتهم هناك وأنت أصلا متحركتش من البيت

طب ايه بقا الموضوع نبدأ من الأول . طبعا كلنا معانا كروت و بنتسخدمها يوميا ف السحب و الشرا الموضوع ده بدأ ينتشر الشرق الأوسط خصوصا بعد عام 2011 وال بيحصل ان مجموعه من الاشخاص بينزلوا مصر ومعاها أجهزة معينه بتتركب ع ATM لفترة قصيرة ممكن الفترة دي تكون ساعه مثالا أو أقل ويدخل ع الماكينة دي اكتر من 200 كارت من بنوك مختلفه ب ارصده مختلفه ف شوف انت كم الخساير ال الناس دي بسببها ليك و للبنك و الاقتصاد القومي .
طب السوال دلوقت انا بتسرق ازاي ؟
انت المطلوب منك انك تتدخل الكارت ف الماكينة وبس

طب و هو ؟
هو بيكون واقف بعيد عنك بس شايفك و مستنيك تخلص و تمشي عشان يأخذ الجهاز ب البيانات المسروقة
طب أعرف ازاي اذا كانت ل ATM دي راكب عليها اجهزه للسرقة ولا لا ازاي ؟
امسك المنطقة ال بتنور ف ATM ب ايدك واتاكد انها ثابته بس ابوس ايدك براحه
‏‎grin‎‏ رمز تعبيري
عشان متكسرش الماكينه الأصلية

عشان ف الغالب بيكون عليها اقساط لسه

واتاكد ان لوحه المفاتيح ثابته برده براحه بلاش عنف
طب افرض لقيت فعلا حاجه ؟
الاول اتصرف طبيعي جدا جدا و يستحسن انك تسحب فلوس كمان وابوس ايدك متحولش فك الأجهزة

وامشي وابعد عن الماكينة واتصل ب خدمه عملاء البنك بتاعك الأول و اوقف البطاقة الخاصة بيك ف الحال بعد كده كلم خدمه عملاء الماكينة ال كنت عندها وبلغ ان الماكينة ف المكان كذا عليها أجهزة لسرقة البيانات ( خدمه عملاء البنوك ف مصر حاليا تعمل 24 ساعه ) و بكرر تاني متحولش فك الأجهزة


طب دلوقتي انا خايف اسحب من اي Atm؟
متقلقش خالص خليك بس حذر ذي ما وضحت واحب اطمنك اكتر ان كل بنوك مصر دلوقت فيها ادارة مراقبة عمليات الاحتيال شغالين ع طول، الناس دي دايما ف سباق لاكتشاف طرق الاحتيال العالميه الجديده لان زي ما وضحت العصابات دي بتيجي من برا و بتراقب المعاملات هدفهم الاول الحفاظ ع فلوس حضرتك
remove_circleمواضيع مماثلة
لا يوجد حالياً أي تعليق
privacy_tip صلاحيات هذا المنتدى:
لاتستطيع الرد على المواضيع في هذا المنتدى