مدرس اون لايندخول

لـ الناس الي بتسال اعلم ابني او بنتي ازاي العربي او الانجليزي

لـ الناس الي بتسال اعلم ابني او بنتي ازاي العربي او الانجليزي 12088215_1662743260604336_4518716390838925474_n
يا جماعه اولا لازم تجيبي كتاب اسمه نور البيان من مكتبه.
وتعلمي الطفل اسماء الحروف كلها قبل ما يمسك قلم لانه لو وثق في نفسه انه شاطر وحببتيه في الي هو عارفه بيكون تشجيع وحافز لنفسه ويبقي عايز يمسك قلم
البدايه لازم تكون عربي .وبعدين يتعلم فتح وكسر وضم ويجدهم كويس اوي لو ده حصل
تاكدي ان الانجليزي حيبقي تمام
ليه؟ لانك حتربطي بينه وبين العربي حفهمك ازاي وابقي ادعيلي
اول سطر من جدول اول صوره انطقيه بالشكل ده
سا. سي. سو. يعني فتح وكسر وضم بالانجليزيه
حروف الفولس او المتحركه هي اساس النطق بالانجليزيه
اما. I. بتنطق أي .زي الي بينضرب بيقول أي تبقي si. سأي
U تنطق آآآة
Su تبقي ساااا. زي sun
بصي دي خلاصه 14 سنه تدريس .اخترعت الجدول ده بالصدفه وجبت بيه نتيجه هايله مع الاولاد والدواير الي علي الحروف بتثبت كلامي ان نطقهم صحيح
بس هاتي كتاب والوان عشان يلون
فمهاره ماسكه القلم والاعصاب تشد من غير ما يكتب
لا عربي ومتلخبطيس ومتمسكيش الانجليزي نهائي
لانها ممكن تقولك الفاء اف وهكذا
اكدي حروف عربي كويس وفي حاجه ممكن تساعدك
هاتي حروف من الكتبه الي بتلزق علي التلاجه وطلعي 5 حروف بس كل مره ومشوريها .روحي هاتي الف .روحي هاتي الباء
النشاط في الحركه والسلوك بيثبت المعلومه وبيحرك الزهن والذاكره .وبعد ما يثبتو طلعي 5 تانين وهكذا
بشرط انها متشفش الحروف كلها عشان متملش من العب بيها لازم يكون في تشويق والممنوع مرغوب لما تخلصي مذاكره شيليهم .وهي حتيجي تقولك تعالي نذاكر عشان عايزه تلعب
ومشوريه للتلاجه او الغساله وروح وتعالا وشاطر وبرافو وعرفتها ازاي دي انا قلت حتغلط .ده انت طلعت اروبه وكده السن الصغير ده عايز محايله بذكاء ومعلش استخدمي في الاول الاشاره
اما بالنسبه للهومورك مش لازم كله علي بعضه حبه حبه بس المهم اختيار التوقيت الي بتطلبي منه يعمل الةاجب ميبقاش جعان او تعبان من المدرسه ونقولو اكتب لازم يكون فايق وبيلعب
قوليله يالا نخلص عشان العب معاك وهزري معاه وزي ما وعدتيه اعملي وكل ما يكتب حاجه صح قوليله مش انت الي كتبتها اكيد بابا صح انت بتضحك عليا .طب اكتبها تاني كده وكل ما تحطيه في تحدي حيحب اكتر انه يحاول يكتب صح عشان يثبت انه جدير بالثقه ومجتش معاه بالحظ
ومتعنفهوش لما الخط يبقي وحش حتلاقيه بيسالك حلوه ؟ قولي حلوه بس لو كانت علي السطر حتبقي احلي بس سيبها .حتلاقيه يقولك لا امسحيها .لكن لو قلتي امسحها وحشه حيقولك مش حكتبها تاني.
لازم الام تبقي فطنه في التعامل وتنزل لمستوي الطفل لان الفتره دي بيكون في عند.
ياسمين تامر
لـ الناس الي بتسال اعلم ابني او بنتي ازاي العربي او الانجليزي 12112186_1662743323937663_6281583058505001679_n

لـ الناس الي بتسال اعلم ابني او بنتي ازاي العربي او الانجليزي 12115998_1662743273937668_8266662874665491056_n
remove_circleمواضيع مماثلة
لا يوجد حالياً أي تعليق
privacy_tip صلاحيات هذا المنتدى:
لاتستطيع الرد على المواضيع في هذا المنتدى