مدرس اون لايندخول

ردا علي كل من يتهم المعلمين بانهم لا يهتمون بوضع البلد و"همهم زياده مرتباتهم"

ردا علي كل من يتهم المعلمين بانهم لا يهتمون بوضع البلد و"همهم زياده مرتباتهم" 11892083_1627010274222819_1047359201745581337_n

كتب/ احمد الشافعى
اول مطلب لنا
-الغاء الدروس الخصوصيه بتحويل اي مدرس يعطي للتحقيق وتصل العقوبه للفصل بس الاول نكفيه مرتب يوفر له عيش كريم هو واسرته
-الغاء الضبطيه القضائيه المخوله للجان الوزاره علي المعلم هل معلم مصر هان الي درجه انه يشرح لابنك تحت تهديد الضبطيه القضائيه ومن زميله اللي بالوزاره اللي هي اساسا مهمتها تخدم علي الطالب والمعلم
-عندنا كارثه كبري قانون الخدمه المدنيه الغي قانون 47 ولكنه لن يطبق علي المعلمين لان لنا قانون كادر اسمه قانون 155 طبعا قانون فشنك ولا فيه كادر ولا اي حاجه كله كلام للاستهلاك الاعلامي علشان المعلم لما يطالب بحاجه يقولوا للناس الحقوا دول بياخدوا كادر ومش عاجبهم "سيدي انا بقالي 21 سنه ومرتبي اللي بقبضه وقسما بالله 1850 جنيها" مكافأة الامتحانات اللي فاضحينا بيها السنه دي 4800 ماتجيش مرتب شهر لساعي في البترول او الشهر العقاري او الضرائب او وزاره العدل ساعي مش موظف.. المهم احنا الاساسي بتاعنا علي قانون 47 اللي اتلغي و قانون 155 لم يتعرض للاساسي كيف سيحسب اساسي المعلم وعلاواته علي 47اللي اتلغي
-مافيش معلم من اللي مش راضي يدي دروس نهائي لايعمل عمل اضافي بعد خروجه من المدرسه سواق تاكسي سواق توكتوك مندوب مبيعات من الباطن في اعمال المعمار محاره ..نقاشه .. خرسانه .. عتاله المهم اي عمل لان ال1500 جنيها متوسط المرتبات لاتكفي ان اولاد مدرس مهم جدا شكله وشكل اولاده الاجتماعي يبقي كويس دول اخرهم اكل الاولاد بس طب فين متطلبات الحياه الاخري وانا وكيل مدرسه ومن احدي الفئات اللي ذكرتها لك بادخل بيتي الساعه 12 او2 بالليل واصحي الصبح اروح المدرسه اجي من المدرسه انام ساعتين اروح العمل الاضافي اجي بالليل وهكذا كل المعلمين اللي مابيدوش دروس من حقي اخد مرتب محترم احنا وضعنا الحلول لتوفيره دون تكلفه الموازنه مليم اضافي للتعليم
-عندنا خطه لتطوير التعليم صاغها رجال التربيه والتعليم تخلي التعليم في مصر كالدول المتقدمه لكن مراكز القوي والهليبه اللي في الوزاره اللي اقل مكافأة امتحانات فيها 900 يوم يعني حوالي من20000 الي 30000 مش احنا اعلي مكافاه لاكبر معلم سنا 5000 .. مش هايسمحوا لخطتنا توصل للرئاسه
-الوزاره الوحيده اللي وزيرها مش منهم بالطبع بيقضي فترته ومع السلامه لايهمه معلم او تطوير مؤسسه
-من الاخر احنا كل بنعمله اننا بنلفت نظر الرئيس لنا لاننا كلنا ثقه فيه انة يقدر المعلم والتعليم وفي حواجب كتيره بتبعدنا عن وصولنا له فبنحاول ولكن بطريقه راقيه والله لاننا معلمي مصر طول عمرنا "منتجنا الطالب المتربي الصالح لنفسه ومجتمعه مسئوليتنا ضميريه نحن نصنع رجال يحملوا تقدم الامه كل مانطلبه اننا نعيش محترمين بس والله لاعايزين رصيد في بنوك او تملك عقارات .. في وسط مابيقولوا لنا اصبروا علي البلد شويه تم اعتماد 3000 جنيه للقضاه الشهر الماضي بدل عدوي علي المرتب الذي يصل اقل مرتب وكيل نيابه 6000 واتاكد بنفسك
 انابقا عاوز ال3000 دول مرتب كتير علي معلم مصر
remove_circleمواضيع مماثلة
لا يوجد حالياً أي تعليق
privacy_tip صلاحيات هذا المنتدى:
لاتستطيع الرد على المواضيع في هذا المنتدى