ده مدير مدرسه محترم يساعدفى ترميم مدرسته
شايفين يا وزارة التربيه والتعليم ..... شايف يا وزير التربيه والتعليم ؟ ... والله ما في حد فيكم يرضى يقف يشرف على العمل دا ولو براتب شهر من بتاع الغلابه ....... دا مدير مدرسة محترم بيساعد بنفسه في ترميم مدرسته عشان تستعد للعام الدراسي الجديد .... دا لو مدير اى مصلحة تانى بيكون في التكييف وملوش دعوه بأى حاجة .... فعلا المعلم فوق الجميع ويحتسب الاجر من الله .... يا اصحاب الاجور المتدنيه
دا مش وزير ،، ابسليوتلى ،، ولاحتى مدير بنك من اللى مش مقضياهم مرتباتهم وعايزين يسيبوا مصر ، ولاكمان من اللى بياخدوا بدل مصيف ولا حتى مكتبه فيه تكييف ،،
ده واحد من اللى قضوا حياتهم يستنشقوا هوا مليان طباشير ، وبرضه من الناس اللى شالت الأطفال وودتهم الحمام عشان يعملوا ببى ،، وهو بعينه نفس الشخص اللى عملوله مسرحية ( مدرسة المشاغبين ، وفيلم أستاذ حمام ، ورمضان مبروك ابوالعلمين حمودة )
نفس الشخصية دى هيا بعينها اللى قال عليها رئيس الجمهورية انه عارف إن فى ناس كتير منهم بيروحوا المدرسة بشبشب عشان مستواه الاقتصادى ، وإن لازم الدولة تهتم بيه عشان تنهض ،
لكن الناس اللى عايزة تفشل الرئيس طلعت فى القنوات وقالت إن الأشخاص دى كفاية عليهم اللى بياخدوه ولازم نعملهم ضبطية قضائية ونقضى على الجزء الباقى من كرامتهم
باختصار ياجماعة ده مدير مدرسة نازل فى الرملة والأسمنت وبيساعد فى ترميم مدرسته اللى قضى فيها حياته وفنى شبابه جواها
ياترى إمتى الناس دى تلاقى كلمة طيبة ووعود ولو حتى كدابة إن الدولة هترعاهم وترعى أسرهم بعد ما يطلعوا على المعاش زى الناس اللى من الطبقة الأولى فى المجتمع
بقلم/ عصام معروف
Mr.Riad2015-08-04, 2:31 pm