في سنة 2013 دخل رجل عجوز نقابة المعلمين و صرخ بأعلى صوته : أيه يا جماعة أنتم نايمين هنا و سيبين قلوسكم بتتسرق و الله حرام عليكم ، الرجل سرق الأرض و هيبنيها أبراج ، و كل الناس مستغربين ... أرض أيه ...؟؟؟
عشان م طولش عليكم ...
أكتشفت النقابة و بالصدفة أن لها قطعة أرض قريبة من ميدان المساحة بالدقي ... ناس بتقول 5000 متر و ناس تانية بتقول 6000 متر و ناس تالتة غير الناس الأولنين و التانيين بيقولوا 9000 متر ...
و لا حد عارف حاجة ، فلوس ملهاش صاحب يسأل عنها ، و بالفعل بعد السؤال عرفوا إن الأرض دي ملك للنقابة و لا حد كان يعرف عنها حاجة لولا الرجل ابن الحلال ده اللي يكرمه كان الرجل التاني ابن الحرام هيبني عليها مجموعة ابراج ، و النقابة قررت تعمل عليها مشروع ضخم يزود موارد النقابة ...
لكن هبط علينا من السما الحارس القضائي و لجنة تسيير الأعمال ( مش عارف الاسم ده بيستفزني ) لا شايفن أعمال و لا شايفين تسيير ...
عموما خلاصة الموضوع إني عايز أعرف الناس إن لكم أرض في ميدان المساحة في الدقي تمنها ميقلش عن ( 250,000,000 جنيه ) ربع مليار جنيه يعني ، عشان محدش ينساها تاني و مش ضمنين الرجل العجوز ده عايش و له لسه ميت ...
- عايزين حصر لأموال و عقارات و أراضي و مباني و نوادي و مستشفيات و عمارات و محلات و فلل و شاليهات و بلاوي النقابة اللي ملهاش آخر ...