مدرس اون لايندخول

[خبرعاجل] بعض الحلول لمشكلة رواتب ومعاشات المعلمين .....يا حكومة

[خبرعاجل] بعض الحلول لمشكلة رواتب ومعاشات المعلمين .....يا حكومة Images?q=tbn:ANd9GcQM24bLd8LlTjxSO4yiY_qjbFnUPsoA2gQtTjeBfmNpig3iQc5aBw
كتب: مجدي كامل
ياترى عشان نحل مشكلة الدروس الخصوصية نقفل المراكز؟
متهيألي نبقى عاملين زي اللي عالج حنفية بتخر
بانه يشيل الجردل اللي تحتها
الحل في علاج الحنفية مش في الجردل
طيب نعالجها ازاي
نرجع للفصل يعني ( المدرس والطالب )
العلاقة ( مادة علمية بضمير وراحة نفسية وطالب قاعد مبسوط )
طالب مبسوط ازاي (اليوم الدراسي 6 حصص مش 9 وحشو وملل و أنشطة مكروهة
والضمير والراحة النفسية تيجي ازاي ( تهيئة نفسية للمدرس )
ودي تيجي ازاي ( مرتب محترم يكفيه شر السؤال والخوف على العيال )
والمرتب ييجي منين ( من زيادة المصروفات بشكل مناسب )
والمصروفات هيجيبها ولي الأمر منين ( من الفلوس اللي بيدفعها في المراكز )
ولا حلوة للمراكز ووحشة في المدارس
بس الطالب في المركز بيختار المدرس
خلاص نجرب في الشهادات ان الطالب يختار المدرس اللي يدخل يدرس ليه في الفصل مع مراعاة صرف بدل للمدرس المختار عشان الكل يتحمس
عندي 1000مورد يجيبوا مرتبات محترمة
منهم
1- تحويل أسوار بعض المدارس لمحلات إيجار
2- تحويل ما تحت أفنية المدارس لجراجات لحل سيولة المرور وتدفق أموال من استخدامها
3- تأجير غرفة دكتورة المدرسة من 2ل4 ومن 4ل6 ومن 6ل8 لدكاترة يوميا وكده الدكاترة الشباب يلاقوا عيادة يشتغلوا فيها ويدفعوا ايجارات تدخل للمرتبات
أقول كمان ولا البلد دي مش عايزة تشغل مخها ؟ نقول كمان
تأجير معمل المدرسة للمعامل الشهيرة البرج ولا غيره لتلقي عينات التحليل لرعاية المسنين وغير القادرين على الذهاب للمعامل في المواصلات
تأجير كل الأماكن الصالحة داخل المدرسة لوزارة الزراعة لتشجيرها بالأشجار المثمرة وتكليف فرد من وزارة الزراعة بالعمل فيها وحمايتها
تأجير أسطح المدارس لفرد الواح الطاقة الشمسية لتوفير الكهرباء
تسليم كل المصابيح التالفة لشركات الكهرباء لتدوير الزجاج فيها بمقابل
إعادة تدوير قمامة المدارس ...معظمها ورق ..لتصنيع الكرتون بمقابل
نقول كمان
المقترحات اللي انا قلتها دي كانت جزء من اللي كنت عايز اقوله لما ارسلت لسيادة الريس برقية لطلب مقابلته بس البرقية اترمت في الزبالة اللي ياريت يتم تدويرها عشان الزبالة كتير أوي في البلد دي وممكن ننتفع والله بيها جدا
.........................
remove_circleمواضيع مماثلة
لا يوجد حالياً أي تعليق
privacy_tip صلاحيات هذا المنتدى:
لاتستطيع الرد على المواضيع في هذا المنتدى