فية امهات سألتني علي انشطة تعليمية لأطفالهم في عمر سنةواحدة لزيادة قدراتهم وادراكهم الذهنية
هي
افكار بسيطة جدااا واهم حاجة ان الامهات يلتزموا بالصبر مع اولادهم في
تكرار الانشطة دي اكتر من مرة والموقع بينصح بالانشطة دي بيقول ان الاطفال
في المرحلة دي مش هيقدر يعبر للأم بالكلام عن الافعال الا بيقوم بيها بس
المهم انة الام تراقب ابنها كويس جدااا وتشوف ادراكة للانشطة دي ومدي
تفاعلة معاها
النشاط الاول
*********
اكيد كلنا عندنا الحيونات البلاستيك الموجودة في كل محلات اللعب ورخيصة جداا



زي ما انتو شايفين الطفل عمرة اقل من سنة ونص هنطلب منة انة يحط كل حيوان علي الصورة بتاعتة والام تقول اسم الحيوان الا ماسكة
ابنها بصوت واضح



صور الحيونات ممكن نجيبها من المجلات او نطبعها من علي النت



الشاط
دة مفيد جداااااااا وبينمي ذكاء الاطفال جداااا وبيعود الطفل علي التركيز
بين الا بيشوفة بعنية والحاجة الا ماسكها بأيدة انا طبعا بتكلم يمكن كلام
مش علمي علشان انا بحاول اشرح واوصل التدريب دة للامهات بطريقة بسيطة علي
العموم الموقع كاتب ان الاطفال اقل من سنة ونص بينصح بعمل صورتين فقط


النشاط الثاني
***********
انا
حاولت بقدر الامكان اجيب انشطة ماتحتاجش مستلزمات كتيرة لكن تكون موجودة
ومتاحة للجميع واكيد مش غالية طبعا النشاط دة هنعلم اولادنا الالوان ممكن
تقولولي هنعلم ولادنا الالوان من عمر سنة اقولكم كل المواقع الاجنبية من
عمر السنة الام بتبتدي تعلم ابنها كل حاجة وبتتكلم مع ابنها الصغير في كل
حاجة الاطفال بيبقوا في العمر دة في منتهي الذكاء واحنا اتفقنا ان الطفل
بيخزن في الفترة دي المعلومات واكيد مش هينطق ويقولك الالوان بس عقلة هيعرف
يفرق بين الالوان مش يبقي الطفل داخل كي جي 1 وهو مش عارف الالوان كل
مانبتدي بدري هيكون احسسسسسسن بكتتتير


الصورة الاولي زي مانتوا شايفين الطفل واقف قدام مجموعة من الالوان



هنجيب ورق مقوي ل 3 الوان مختلفةوفرخ اسود ومن نفس الالوان هنعمل مخدات صغيرة



هنقص الورق المقوي علي شكل دوائر ونحطها علي الورقة السودا



هنحدد للطفل مكان يقف فية هو طبعا مش هيلتزم في الاول بس نحاول نفهمة يقف في العلامة وتحطيلة المخدات



وتطلبي منة انة يحط او يرمي المخدة علي اللون بتاعها زي ماانتوا شايفين كدا



يا
ريت بس تقتنعوا ان الانشطة دي معمولة للاطفال عمر السنة فيما فوق وزي ما
انتوا شايفين شكل الاطفال وباين ان عمرهم صغير اهم حاجة ان كل ام تكون
عندها ثقة في قدرة ابنها او بنتها ومع التكرار الطفل هيتحسن لو مثلا غلط في
تحديد اللون يعني من الاخر الصبررررررررررررررر
*************************************************************************************


دة
رد كتبتة العضوة (ريتاج المنتقبة) في الكومنت وانا قررت احطة هنا في
الموضوع علشان كلامها مهم جداااااااااااا وهيفيد ناس كتتتتيرة جدااااا
جزاكي الله كل خير يا ريتاج
ودة نص الكومنت بتاعها
==============
الانشطة دي كتييييييير مهمه في مرحلة الطفولة المبكرة .. الانشطة دي بتستخدم في التخاطب وهدفها :
1_
في النشاط الأول تنمية التآزر الحسي بصري بمعنى ان الطفل بيبتدي يميز بين
الصورة ومجسمات الحيوانات وبعدها بيبتدي يحرك ايديه لوضع المجسم على
الصورة المشابهه و ده بيساعد على تنمية الانامل وتحريك الاطراف العليا
وهذا بجانب تنمية ذكاءه وتكوين حصيلة لغوية لدى الطفل يقوم باستخدمها عند
بداية النطق

.. وفعلا نقطة هاااااااااااااااااامة
جدااااااااااااااا يجب نطق اسم الحيوان بصوت واضح كما ذكرتم .

2
_ النشاط الثاني هو مكمل للنشاط الاول ويساعد
على زيادة الحصيلة اللغوية وتخزينها في ذاكرة الطفل .. ويجب اثناء التدريب
نطق اللون .. وعند عمر السنتين يجب الربط بين الاشياء والعالم المحيط
بالطفل مثل : اللون الاخضر ( مكعبات باللون الاخضر أو خضروات خيار خس أو
تي شيرت الطفل مثلا لونه اخضر وليكن مثلا قولي لطفلك الله "اسم الطفل "
محمد لابس تي شيرت لونه اخضر زي اللون اللي في الصورة او زي المكعبات
بتعتك الله جميلة و ده بيحفزه اكتر و هيخليه يستمر في التدريب لازم لازم
التعزيز .. وقولي له فين اللون الاخضر في البيت مثلا وليكن فيه السجادة او
الكرسي أو الباب لونه اخضر أو في الشارع أو الحداثق لون الشجرة اخضر ..
وبنفس الطريقة مع باقي الانشطة .. ولاحظي اني ذكرت اكتر من حاجة ترتبط
باللون الاخضر وهي ( ملابس ، اثاث ، خضروات ، الطبيعة ، ..... ) وكل ما
تزودي العقل بيخزن المعلومات
..

ملاحظة هااااااااااااامة في مرحلة الطفولة المبكرة لا تعتمدي على
اللعب التعليمية فقط بل ولابد من النطق بكل لعبة او اي شيء تستخدميه مع
الطفل وهذا يساعد الطفل على النطق في مرحلة مبكرة والنطق بطريقة سليمة
ويجب عدم السخرية او الضحك من كلمات الطفل خاصة في بداية تعليم الطفل
النطق و رجاء عدم الضحك اثناء تعديل نطقه دي من اكتر المشاكل اللي
بتواجهنا في تعديل سلوك الطفل ونطقه ويجب الصبر ثم الصبر ثم الصبر و لا
تغصبي على الطفل في القيام بعمل ما او النطق بكلمة ما اتركيه على راحته
وإلا هيعند فلا تقومي بإصلاح شيء على حساب شيء آخر

مثل كلمة بنطلون .. الطفل ممكن ينطقها منطلون
بالميم أو طون .. هذا خطأ ويجب
تفريد الكلمة بمعنى تقسيم الكلمة إلى مقاطع ..
مثل : بنطلون ــــ بنـ / طـ / لون ..
ويفضل استخدام الكلمات ذات مقطع
واحد او مقطعين في بداية تعليم الطفل النطق مثل : كلمات ذات مقطع واحد
أب ، أم ، أخ ، .. مثل : كلمات ذات
مقطعين ماما ـــ ما / ما .... بابا ـــ با / با ....
تمساح ــ تمـ / ساح .... أرنب ـــ أر / نب