من سنة نزلت بوست و قلت فيه لطلبة الثانويه اللي مجابوش طب ولا صيدلة ولا أسنان يدخلوا تمريض ..  البوست بقي ترند و ناس كتير جدا وافقتني ف رأيي.
السنة دي بقول لطلبة الثانوي برضه ان الوضع متغيرش و النصيحه هي هي ..
لو انت علمي علوم ؛ و مجموعك مجابش طب بشري أو أسنان أو صيدلة .. ادخل تمريض بدون تردد.
التمريض تقريبا هي المهنة الوحيده اللي تضمن لك تسافر أي دولة في العالم بشكل قانوني انت و أسرتك في أسرع وقت و تشتغل فيها بدخل كويس.
و حتي في مصر دخل التمريض في القطاع الخاص يعتبر كويس و معقول.
لكن اللي عاوز يسافر سواء الخليج أو أوروبا و أمريكا .. ف التمريض هو أسهل و أسرع و أضمن طريق لك لو عاوز تهاجر بشكل قانوني بعد ما تتخرج.
دول زي أمريكا ، انجلترا، أستراليا ، نيوزلاندا، ألمانيا عندهم برامج هجرة مخصصة للعمالة الماهرة اللي تشمل التمريض و سهل جدا تسافر لدولة من دول بعد التخرج.
متسمعش كلام المحبطين و لا تحط ف بالك الناس و المجتمع والكلام  الفاضي ده  .. التمريض منهة لها تقدير كبير جدا في أوروبا و أمريكا.
ربنا يوفق الجميع
د محمد شُكر