عشان كمية الاستفسارات اللي جاتلي والناس اللي مش فاهمه القرار دا معناه إيه .
اول حاجة كدا التكليف متلغاش .
الفترة اللي فاتت دي عدد الصيادلة وأطباء الأسنان والعلاج الطبيعي زاد شويه او شويتين .
ف كان لازم الوزارة تلاقي حل للموضوع دا ، وقد كان وحاولوا انهم يلغوا تكليف صيدله ع الدفعه اللي كانت هتتكلف السنه اللي فاتت ، لكن في قانون بيمنع ان التكليف يتلغى ودا اللي اعتمد عليه الصيادله وع هذا الاساس رجعولهم التكليف .
- بالتالي كان لازم يلاقوا حل للموضوع دا ، نزلوا القرار اللي نزل امبارح دا بإن التكليف هيبقا ع حسب الإحتياج من اول حركة ٢٠٢٥ .
- وشملوا هنا بقا طب بشري واسنان وصيدله وعلاج ، عشان يبقا الموضوع ع كليات القطاع الطبي كله ومحدش يعترض .
- لكن ع ارض الواقع بالنسبه لبشري وتمريض ف هما أصلا فيهم عجز كبير جدا ، ودا واضح من انهم زودوا عدد كليات الطب ف مصر ف اخر كام سنه ، و وقفوا الاستقالات لفترة .
- بالتالي ملخصاً ، القرار يعتبر نازل لصيدله واسنان وعلاج مخصوص ، ان التكليف هيبقا ع حسب الاحتياج ليهم ، لكن بشري وتمريض معاك لحد ٦ او ٧ سنين قدام هيفضل في عجز واحتمال كمان يزيد .
- ف بتوع بشري وتمريض متقلقوش خالص من نقطة التكليف دي ، لكن صيدله واسنان وعلاج ابدأوا فكروا ف أفكار بديله ( تراك سفر ، صيدليات ، مستشفيات خاصه ) .
د أحمد عشماوي
