كلمة ( أبناء) مش ممنوعة من الصرف. بقول الكلام ده عشان بشوفها في قطع كتيرة عشان كدة بحذرك منها
عند استخراج ممنوع من الصرف ( صيغة منتهى الجموع ) مش أي كلمة في وسطها ألف تبقى صيغة منتهى الجموع خد بالك فيه كلمات خداعة
مثلا: متواصل ( الكلمة أساسا مش جمع) وكلمة : مواطن يعني (شخص )
وكلمة ( شباب ) هي جمع بس بعد الألف حرف واحد - وكلمة ( الفاهم ) الكلمة في وسطها
ألف وبعدها حرفين بس للأسف دي كلمة مفرد - وكلمة ( عباقرة) جمع تكسير وفي وسطها ألف بس لاحظ الحرف الأوسط مش ساكن زي كلمة ( مفاتيح )
- من الكلمات المنتشرة في الممنوع من الصرف : الكلمات اللي على وزن ( أفعل ) بس خد بالك يا بطل ممكن تكون الكلمة ( فعل ) - طيب أعرفها إزاي ؟
من خلال معناها في الجملة - مثلا: يا بني ، احرص على النجاح . كلمة ( احرص ) فعل أمر
أما لو قلت ( الطالب المجتهد حرص على النجاح من غيره . كلمة ( أحرص ) صفة على وزن أفعل
كمان حاجة : ممكن الكلمة يأتي قبلها ( ما ) مثل : ما أجمل الربيع كلمة ( أجمل ) هنا مش
ممنوعة من الصرف لأنها فعل ماض فعل التعجب )...
