مدرس اون لايندخول

درس إعراب المثنى (رفعه ونصبه وجره) للصف الخامس الابتدائي

الصف الخامس الابتدائي علامات إعراب المثنى  
للاستاذة فاطمة سيد ام البراء ، مع اطيب التمنيات بالنجاح والتوفيق  
درس إعراب المثنى (رفعه ونصبه وجره) للصف الخامس الابتدائي
درس إعراب المثنى (رفعه ونصبه وجره) للصف الخامس الابتدائي 172
درس إعراب المثنى (رفعه ونصبه وجره) للصف الخامس الابتدائي 270
درس إعراب المثنى (رفعه ونصبه وجره) للصف الخامس الابتدائي 365درس إعراب المثنى (رفعه ونصبه وجره) للصف الخامس الابتدائي 462
درس إعراب المثنى (رفعه ونصبه وجره) للصف الخامس الابتدائي 553

+


اولا:
المثني : هو ما دل علي اثنين او اثنتين .بزيادة الف ونون او ياء ونون علي مفرده
معلم + معلم = معلمان ؛ معلمين
شجرة + شجرة = شجرتان ؛ شجرتين .
هنلاحظ ان الالف والنون و الياء والنون زيادة بمعني انك لو حذفتها هيتبقي المفرد بس .
ثانيا.
هيقابلك كلمات اخرها الف ونون وياء ونون ..اوعي تتسرع وتقول عليها مثني ..استني و تمهل
بدماغك و مخك زي الشاطر كدة هتحذف الالف والنون او الياء والنون . لو لقيت الكلمة بقت مفرد يبقي الكلمة دي مثني صح
( هرمان ) .. احذف الالف والنون  هرم . الهرم ده مفرد وكلمة لها معني ..يبقي هرمان مثني .
( رمضان ) ..احذف الالف والنون  رمض .. الرمض ده ايه ؟ههههه اكيد ملهاش معني . يبقي ده مش مثني .
وخد كلمات تانية ( باكستان . حيوان . رمان . حان . حنان . عُمان . فلسطين . عين . حنين . شيرين . حزين )
كل الكلمات دي مش مثني لان الالف والنون و الياء والنون حروف أصلية وليست حروف زيادة .
ثالثا
ازاي اعرب المثني
اول حاجة لازم تعرف ان المثني يعرب بالحروف( الالف. الياء ) مش بالحركات( الضمة . الفتحة . الكسرة )
وانت في سنة خامسة عليك خمس حاجات بس
ثلاث حاجات مرفوعة وهي ( الفاعل . المبتدأ . الخبر ) و حاجة منصوية ( المفعول به ) وحاجة مجرورة ( الاسم المجرور ) .
الحاجات الخمسة دي اخدناها في سنة رابعة اوعي تكون نسيتهم

القاعدة

#المثني:-
مرفوع وعلامة رفعه الالف اذا كان ( فاعل . مبتدأ . خبر )
منصوب وعلامة نصبه الياء اذا كان ( مفعول به )
مجرور وعلامة جره الياء اذا كان مسبوق بحرف جر .
أمثلة
......
1- فاز اللاعبان بالمباراة
2- الماء و الهواء ضروريان للحياة .
3- العاملان في المصنع
4- رسم حازم لوحتين
5- استمعت الي قصتين
.+++++++++++++++++++++++++++++
الاجابة .
* الجملة الاولي فعلية لانها بدات بفعل يبقي هلاقي فيها مبتدأ وخبر ؟ غلط . المبتدأ والخبر هيكون في الجملة الاسمية . لكن في الفعلية هلاقي فعل و فاعل و مفعول.  الكلمة المثني في الجملة ( اللاعبان ) اخرها الف ونون يبقي مرفوعة يبقي فاعل لانها لو مفعول كان هيبقي اخرها ياء ونون .
ونعرب ( اللاعبان ) فاعل مرفوع وعلامة رفعه الالف لانه مثني .
* الجملة الثانية احدد نوعها . طلعت اسمية . يبقي هلاقي فيها مبتدأ وخبر . المبتدأ بيكون في اول الجملة والخبر بعده بيتمم المعني . كلمة ( ضروريان ) مجتش في الاول و الجملة اسمية و بيتمم المعني . يبقي ده خبر
ونعرب ( ضروريان ) خبر مرفوع وعلامة رفعه الالف لانه مثني
* الجملة الثالثة احدد نوعها .  طلعت اسمية . يبقي هلاقي فيها مبتدأ وخبر . والكلمة جت في أول الجملة تبقي مبتدأ .والمبتدأ دايما مرفوع
نعرب ( العاملان ) مبتدأ مرفوع وعلامة رفعه الالف لانه مثني.
...
لما نلاقي المثني فيه ياء ونون يبقي حاجة من اتنين اما مفعول به . او اسم مجرور .
هروح اشوف قبل المثني ايه ؟
طلع قبلها حرف جر . تبقي مثني مجرور بالياء .
طيب فيها ياء ونون ومفيش قبلها حرف جر . تبقي مفعول به منصوب بالياء .
remove_circleمواضيع مماثلة
لا يوجد حالياً أي تعليق
privacy_tip صلاحيات هذا المنتدى:
لاتستطيع الرد على المواضيع في هذا المنتدى