خليك شاطر !!!
- خليك شاطر و وازان بين انك تستمتع بسنين الكلية وبين مستقبلك اللى منتظرك بعد ماتخلص
- خليك شاطر ! وأسمع لتجارب الناس اللى فى مجالك واطلع بالصح وامشى
علية
- خليك شاطر !! واستغل اللى باقى من سنين الكلية صح حتى والله لو ترم
- خليك شاطر !! وطور فى اللغة واشتغل عليها كويس
- خليك شاطر !! واتعلم وادرب وخد كورسات وطور من نفسك مافيش حاجه
هتضرك
- خليك شاطر !! وعيش فى حياتك بروح الاية دى " أَنْ لَيْسَ لِلْإِنْسَانِ إِلَّا مَا
سَعَىٰ " ومتبصش على النتيجة لانها بتاعه ربنا سبحانة وتعالي
- خليك شاطر !! واطلع من الدائرة اللى أنت فيها دى والكلام اللى بيريح الضمير يعنى اللى اشتغلوا على نفسهم عملوا اى !!! يعنى اللى خد كورسات وصل لفين !!! مش بتاعتك دى كل اللى عليك تسعى وتحاول والرزق دا من عند ربنا
الشطارة مش بس انك تطلع بتقدير عالي " فى غيرك نفس التقدير " الشطارة انك تعرف تشتغل بالشهادة بتاعتك لو جاتلك الفرصة , الشطارة انك تعرف سوق العمل محتاج اية وتشتغل عليه وانت فى الكلية , الشطارة انك تختلط بالحياه المهنية بدري عن طريق التدريب حتى لو هتطلع بمعلومات بس كفاية
حاجة أخيره " وأنت بتعمل كل دا خلى عندك يقين ان ربنا هيكرمك فى النهاية حتى لو كل الظروف عكس غربتك , خلى عندك يقين اللى بيتعب بيلاقى وربنا سبحانة وتعالى مبيظلمش حد " إِنَّ اللَّهَ لَا يَظْلِمُ النَّاسَ شَيْئًا وَلَكِنَّ النَّاسَ أَنْفُسَهُمْ يَظْلِمُونَ "
