نصيحه من حد ف تالته ثانوي
استغل كل دقيقه ف أولي وتانيه علشان و الله احنا بندفع تمن دا ف تالته
متسمعش كلام صاحبك اللي يقولك يا عم احنا هنذاكر ف تالته فكك دلوقتي
اختار الصحاب اللي تمشي معاهم لإن دول مرايتك
الثانويه عندنا يا صاحبي تراكميه بنسبه 60% يعني لازم تشد ف أولي وتانيه
وخليك عارف ان ربنا مبيخلقش جوا حد حلم إلا وعارف إنه قادر يحققه
خلي علاقتك مع ربنا كويسه وبعدها علاقتك مع باباك ومامتك
محدش هيخاف علي مصلحتك اكتر منك بالله عليك اتعب شويه
اتعب دلوقتي هترتاح باقي العمر و الله
اتعب دلوقتي هيبقي ليك قيمه في وسط مجتمعك
علشان مترجعش تندم وتقول ياريت
عندنا و الله في الثانويه بندفع تمن لعب ودلع البدايات
انت قطعت 9 سنين في مشوارك خلاص كلها سنتين او تلاته
افتكر كل عصايه انضربتها ف درس مكنتش سهله يا صاحبي اتعب دلوقتي
هترتاح بعدين و الله
آسف لو طولت عليكم  .... بالتوفيق