دراسات ثالثة اعدادى
ازاي تحفظ قارة استراليا في دقيقتين بس
القارة الجديدة
قارة أستراليا..
خليك معايا وهتعرف ليه دلوقتي
أولا فيها هضبة واحدة بس إنما إيه نينجا ضخمة جدا لدرجة إنها واكلة نص القارة.
جم أهل أستراليا يسموا الهضبة كسلوا بصوا عليها كده لاقوها غرب القارة قالوا بس إحنا هنسميها الهضبة الغربية.
ثانيا فيها سلسة جبال واحدة وقسموها على اتنين وبردوا كسلوا يدوروا على إسم جديد..واحد منهم قال ماتشوفولنا كده قارة أوروبا الجبال فيها إسمها إيه قالوله الألب ياباشا قالهم بس لاقيتها إحنا هنسميها الألب الأسترالية ومحدش هياخد باله..ونبقى نعملها إسم تاني تمويه كده(عشان محدش يقول علينا حاجة)  نسميها جبال الحاجز الكبير بما إنها حاجزة عننا هوا المحيط مضيقة علينا المكان هنا
جم يسموا كل قسم من الجبال كسلوا راح قالهم  هو مش نصها فوق يعني شمال ونصها تحت جنوب يبقى إحنا هنحير نفسنا ليه هيبقى ده القسم الشمالي وده الجنوبي ولا من شاف ومن جري
كده إحنا عرفنا ليه مكسلاتية ..ليه بقى عشاق؟؟
عندهم نهرين من كلمتين ((My darling)) ((يعني معشوقتي أو حبيبتي))
بس حط في نص my حرف ( r ) هوب بقوا مري ودارلينج  
حتى الخليج اليتيم اللي حيلتهم كسلوا يسموه...سموه الخليج الأسترالي الكبير
وبس ياسيدي هي دي قصة حياة أستراليا  ..وبكده يبقى إنت معاك خريطة أستراليا في جيبك.
دمنا مستمرين على مبدأ (كل الخريطة قبل ما تاكلك)
تضاريس_العالم
جغرافيا_تالتة_إعدادي

مس سارة محمود

+  مراجعة الدراسات الاجتماعية ثالث اعدادى ترم اول | 80 سؤال اختياري بالإجابات