مدرس اون لايندخول

لطلاب الثانوية العامة .. كل ما تريد معرفته عن كلية حاسبات ومعلومات

05082021
لطلاب الثانوية العامة .. كل ما تريد معرفته عن كلية حاسبات ومعلومات

 لطلاب الثانوية العامة .. كل ما تريد معرفته عن كلية حاسبات ومعلومات 1546
كلية_حاسبات_ومعلومات
◾ دايما لما بتبقى قاعد في البيت وسط عيلتك ماسك التليفون ومش مركز معاهم بيبتدوا يتعصبوا منك ويقولولك سيب الزفت من إيدك
- طب إيه رأيك يبقى ليك مبرر تمسكه ولو حد قالك سيبه من إيدك ترد بكل ثقة وتقول أنا بشتغل
《حاسبات ومعلومات》
◾حاسبات ومعلومات كلية هندسية بتختص أكتر بالفرع الإلكتروني من حياتنا ولازم عشان تدخلها تبقى متأكد 100% إنك بتحب التصميم والبرمجة
◾لازم تبقى مهتم بالمواقع وال platforms المختلفة زي فيس بوك وانستجرام وجوجل مثلا
- طب ليه لازم تبقى مهتم؟
- ببساطة لأنك مستقبلاً أنت ال هتصمم مواقع زي دي فلازم تعرف المواقع دي بتتعمل إزاي وبتُستخدم إزاي
《أنت أملنا ركز وذاكر عشان مارك ميقولش علينا حاجة》
◾كلية بتخدم المجتمع بشكل كبير وبتسهل حياتنا جدا بشكل يومي ومش بس كده دي بتساعدك توصل لمرحلة من الرفاهية زي إنك تبقى قاعد في البيت وعارف أخبار العالم كله مجرد ما تفتح موقع أو أبليكيشن
◾ نيجي بقى لطبيعة الكلية و دراستها،
الكلية أربع سنين ، بتدرس فيها مباديء البرمجة والكمبيوتر و بتتعرف على ال Algorithm أو الخوارزميات وهي طريقة الحل وليه اسمها كده؟
- نسبة للخوارزمي عالم الرياضيات المعروف
◾الكلية مهمة أكيد وبقت من أحدث المجالات يعني
انت لو دخلت على《 جوجل》 وكتبت أفضل شغل في العالم دايما هتلاقي المبرمج مكتسح متعرفش عشان هما كدة فعلا ولا عشان هم الي بيعملو المواقع دي :
◾الكلية زي أي كلية في مصر لو اعتمدت عليها لوحدها مش هتعرف تواجه الحياة العملية بعد كده لازم تجتهد مع نفسك وتسعى إنك تتطور بما يعادل سوق العمل ومتعتمدش على أساسيات الكلية وبس
والمجال ده في كورسات مجانية كتير أشهرهم هيبقوا موجودين على يوديمي وكورسيرا لأنه واسع وممكن تتعلم لغات جديدة وتتقنها زي الjava و الp.h.p و غيره.
◾نبدأ نتكلم عن اقسام الكلية
اولا فى اقسام بتكون موجوده فى كل الجامعات الموجوده فيها الكليه فى مصر زى مثلا :    
《أ 》- اول حاجه قسم Computer Sciences الي معروف ب CS :
القسم ده من اجمل الاقسام في كلية حاسبات و معلومات
و ده لأنك هتاخد فيه لغات برمجة كتير من الموجودة في الكمبيوتر يعني مثلاً زي《 السي و السي بلس و السي بلس بلس و الاسيمبلي و السي شارب وغيره 》
- القسم ده علم الرياضة فيه مهم جدا فلو انت شاطر في الرياضة ادخل من غير تردد واعمل حسابك هتغرق في الأكواد "))
- المواد بتاعته بتختلف من جامعة لجامعة , لكن عموماً المواد  بتعلمك ازاي تترجم لغات البرامج و ازاي تدرس البنية التحتية للبرمجيات , لانك هتبقى مصمم برمجيات
كذلك بتاخد مقتطفات عن برمجة الشبكات ومواقع الانترنت
لكن دراستك في القسم ده بتنصب على برمجة اكتر
وطبعاً لقبك في مصر بيبقى مبرمج او مطور و رسمياً اسمك اخصائي برمجة
بره مصر : مهندس برمجيات
المستقبل في القسم ده مشرق جداً , و بره المجال ده بيبقى له اهتمام اكبر و مجالات شغله اكتر بكتير من مصر ومحتاجة واحد ذكي وقادر يطور نفسه أول بأول
《ب》- تاني قسم هو نظم المعلومات Information Systems Department = IS :
قسم نظم المعلومات قسم كويس جدا وطبعاً نظم المعلومات بتدرس برمجة و شوية من شبكات الانترنت و الاتصالات و شوية من مواد التسويق وادارة الاعمال وده أكيد هيفيدك لو حبيت تشتغل في حاجة بعيداً عن البرمجة شوية
- طبعاً البرمجة هنا نقصد بيها برمجة قواعد البيانات S.Q.L
إلا انه برضه بتاخد شوية لغات من البرمجة مش كلها
بس دراسته بتقوم على قواعد البيانات
- المواد باختصار بتتكلم عن التجارة الالكترونية , وبرمجة قواعد البيانات و هندسة المعلومات , و كمان بتتكلم عن نظم المعلومات الادارية و الجغرافية , و تطوير العمل المكتبي
فيما معناه ازاي تتعلم تصمم برامج لإدارة الشركات و البنوك  و ازاي تخزن بيانات الشركة كلها على برنامج واحد او على موقع انترنت واحد
لقبك جوه مصر بيبقي : اخصائي نظم او مطور او مبرمج
بره مصر بقي: مهندس معلومات , او مهندس معلوماتية
◾كل الخريجين من القسم ده بيشتغلوا في البنوك و في الشركات الكبيرة , بل ان بعض كليات الحاسبات بتهتم بالقسم ده اكتر من غيره, لان الشغل هنا بيبقى احسن كمان ومعظم بيانات العملاء في اي شركة القسم ده هو الي بينظمها.
وشغله كله بيانات يعني حاجة كدة زي السجل المدني اعوذ بالله ايه التشبيه السيء ده ما علينا ندخل في اخر قسم :
《ت》- تالت وهو قسم تكنولوجيا المعلومات Information Technology Department = IT :
و هنا بتتعلم ازاي تبرمج شبكات الانترنت و تعرف ايه هو الانترنت اساساً و ليه اتعمل و مين عمله و تتعلم بردو ازاي تبرمج مواقع الانترنت الكبيرة و هتاخد لغات برمجة خاصة بالمجال ده زي《 الفي بي سكريبت و الروبي و البايثون و الجافا طبعاً 》
- دراسته ممتعة جداً
المواد بتتعلم فيها ازاي تبرمج الشبكات وازاي تبرمج مواقع الانترنت الكبيرة , و فيها مواد اتصالات بردو
وبيقي اسمك في مصر : مبرمج او مطور
بره مصر : بيبقي اسمك مهندس شبكات
القسم ده طبعاً موجود في اغلبية كليات الحاسبات و المعلومات بس مش كلها
◾اقسام بقى موجوده فى بعض الكليات زى :
1-قسم نظم الحاسبات
2-قسم الحسابات العلمية
3-قسم العلوم الأساسية
4-قسم نظم المعلومات الحيوية 《 بايو انفورماتيكس》
5-قسم نظم المعلومات الجغرافية
6-قسم هندسة البرمجيات
7-قسم بحوث العمليات ودعم اتخاذ القرار
8_قسم الوسائط المتعددة
◾عايزين نتكلم تحديداً عن قسم نظم المعلومات الحيوية
《بايوانفورماتيكس》:
- القسم ده تحديدا بيقبل من علمي علوم
يعنى ايه Bioinformatics معلوماتية حيوية ؟
*Bioinformatics = life science + computer science  *
يعنى ده مجال بيدمج بين علوم البايولوجى و علم الكمبيوتر
-طب هندرس فيه اى ؟
هتدرس فيه biology و organic chemistry و bio chemistry و molecular biology و احصا و فيزيا و رياضة و مواد computer science زى مقدمة فى علوم الحاسب و برمجة و هياكل بيانات و مواد تانية مش هتفهمها دلوقتى (دى المواد العامة ال هتاخدها فى السنين الاولى) بعد كدا بيتم الدمج .
Medical informatics
المعلوماتية الطبيه
الفرق باختصار هيا نوع الداتا اللى داخله لكل منهم
يعنى Medical informatics خاصة بcases لمرض الانسان يعنى يهمه صحة الانسان يعنى بيتعامل مع داتا تخص المريض و العلاج بتاعه و كدا
لكنbioinformatics بيهتم بالداتا الحيوية DNA او RNA او بروتين و كدا و بتعمل تطبيقات تساعد المجال الطبى بردو و الزراعى و الصناعى و البيئى بردو
و حاجات تانية كتير بس ده الفرق البسيط
◾في النهاية عايزين نقولك شوية حاجات ممكن تساعدك :
1 -اعتمد على نفسك مش على الجامعة
2- شركة مايكروسوفت بتعمل كل سنة مسابقة على مستوى كليات الحاسبات اللي في الجمهورية كلها المسابقة دي عبارة عن انهم بيختاروا افضل مشروع تخرج و اسمها Imagine Cup
الفايز فيها بيضمن شغله في الشركة نفسها
《المسابقة كانت بتتم السنين الفاتت بس منعرفش مؤخراً لسه قائمة ولالا》
3 - في مسابقة عالمية اسمها ACM لو كسبت وطلعت من اول 3 مراكز في المسابقة مع فريقك فأنت وفريقك هتتخطفوا من شركة جوجل لأنهم بيحبوا الناس المتميزة وغالبا هم ال بيكسبو المسابقة دي
《اختار تيمك كويس بقى》
4 - الدراسة في اي كلية حاسبات بتبقي بالإنجليزي ما عدا متطلبات الجامعة 《ال هي حقوق الانسان و جودة وغيرها》
5- ممكن طالب الحاسبات ياخد كورسات هاردوير , بس طبعاً مش بقوة مهندس الحاسبات
6- فقط عليك في الكلية دي انك تجتهد وتبحث عن مصادر لنفسك بنفسك وتدور على كورسات تفيدك في مجالك وده هيساعدك أكتر توصل لأهدافك
7- كل طريق في أوله صعب لذلك متزهقش بسرعة خلي نفسك طويل وشد حيلك وأبدء
بنتمنالكم التوفيق دايما وبنتمنى خلال السنين الجاية نلاقي مواقع بنكهات مصرية أصلية

ـــــــــــــــــــــــــــــ
تعتبر كلية الحاسبات والمعلومات واحدة من أهم الكليات ذات الإقبال القوي من قبل الطلاب في الوقت الحالي، فهي من الكليات الرائدة في دراسة الحاسبات والمعلومات في مصر، حيث تتميز بوجود العديد من التخصصات التكنولوجيا الدقيقة بها.

شروط الالتحاق بكليات الحاسبات والمعلومات

من شروط الالتحاق بالكلية أن يكون الطالب حاصلًا على شهادة الثانوية العامة المصرية من شعبة الرياضيات أو ما يعادلها من الشهادات الأجنبية، ولابد أن يكون الطالب حاصلًا على الحد الأدنى من الدرجات التي يحددها مكتب التنسيق بوزارة التعليم العالي للقبول بالكلية في ذات العام الدراسي.

الجامعات التي تتواجد بها كلية الحاسبات والمعلومات

تتواجد كلية الحاسبات والمعلومات بجامعة القاهرة، وعين شمس، وحلوان، والمنصورة، والزقازيق، الفيوم، بجانب جامعة قناة السويس، وأسيوط، وبنها، والمنوفية بالإضافة إلى جامعة بني سويف، والمنيا، وكفر الشيخ.

نظام الدراسة بالكلية

تبلغ مدة الدراسة بالكلية أربع سنوات، وتعمل الكلية بنظام الساعات المعتمدة لنيل درجة البكالوريوس، فلابد أن يجتاز الطالب كحد أدنى وبنجاح 144 ساعة معتمدة أو طبقًا لما يقرره مجلس الكلية.

ويكون التخصص بالكلية في السنة الثالثة أو السنة الرابعة على حسب الجامعة والقسم، كما أن الدراسة باللغة الأجنبية في أغلب المواد، ماعدا بعض المواد الفرعية والمختصة بالمجالات المختلفة مثل علم النفس وخلافه فيتم الدراسة به باللغة العربية.

الأقسام الشائعة بكلية الحاسبات والمعلومات

قسم علوم الحاسب

يتميز بأنه يضم معظم لغات البرمجة والحاسب، كما أن المواد الرياضية فيه أقل من باقي الأقسام، والتخصص في هذا القسم من السنة الثالثة في بعض الجامعات مثل جامعة حلوان، ومن السنة الرابعة في جامعات أخرى مثل عين شمس.

هو قسم مناسب لمن يريد العمل كمصمم برمجيات أو مُبرمج، أو مصمم ألعاب، أو تصميم الروبوت والرسوم المتحركة، فيدرس الطلاب في هذا القسم لغات البرمجة، ونظرية الحوسبة، وتاريخ أنظمة التشغيل بالإضافة إلى هندسة البرمجيات، وقواعد البيانات، وشبكات الحاسب

قسم نظم المعلومات

يعتبر قسم نظم المعلومات أحد أكبر الأقسام في كلية الحاسبات والمعلومات، فهو همزة الوصل بين تخصصات علوم الحاسب ومجالات العمل المختلفة، مما يساعد الطلاب على اكتساب المعارف والمهارات، لتحليل وتصميم نظم المعلومات في أي من منظمات ومؤسسات الأعمال الحكومية أو الخاصة.

بالإضافة إلى تدريس برمجة قواعد البيانات مع تحليل وتصميم نظم المعلومات، وبعض من شبكات الإنترنت والاتصالات ومواد التسويق وإدارة الأعمال، بالإضافة إلى برمجة قواعد البيانات وهندسة المعلومات، والتجارة الإلكترونية بشكل عام، فيتخرج الطالب من القسم كأخصائي نظم أو مبرمج أو مهندس معلومات.

أقسام الكلية التي تتواجد في بعض الجامعات

قسم تكنولوجيا المعلومات

فهو قسم يهتم بتدريس كيفية برمجة شبكات الإنترنت ومعرفة ما هو الإنترنت من الأساس، وكيفية برمجة مواقع الإنترنت الضخمة وشبكات الحاسب بأنواعها المختلفة، ودراسة لغات البرمجة الخاصة بهذا المجال، بالإضافة إلى معرفة كيفية تصميم المواقع.

يدرس الطلاب في هذا القسم أساسيات تكنولوجيا المعلومات، وعلوم الحاسبات وهندسة الكمبيوتر، وإدارة قواعد البيانات والشبكات، بجانب الإدارة الإلكترونية والمعلوماتية، بالإضافة إلى مجالات الاتصالات وبرامج الحوسبة، وإدارة الأنظمة المعلوماتية والشبكية.

إلى جانب العديد من المقررات الدراسية التي تؤهل متخصص تكنولوجيا المعلومات بعد تخرجه، ويتواجد هذا القسم بجامعات القاهرة، وحلوان، والمنصورة، والزقازيق والمنوفية، وأسيوط، وبني سويف، والمنيا.

ويعمل خريجي هذا القسم مبرمجين أو مهندسين شبكات، أو مصممي مواقع، وقي تطوير نظم المعلومات بشكل إداري وهندسي، بالإضافة إلى مديري إدارة نظم معلومات، والمديرين التنفيذين لإدارة تكنولوجيا المعلومات.

قسم نظم الحاسبات

يتشابه القسم بدرجة كبيرة مع قسم هندسة الحاسبات بكلية الهندسة، فمجال دراسته مهتم أكثر بالهاردوير، والبرمجة الهيكلية، والمعماريات المتوازية، ويتواجد هذا القسم بجامعة عين شمس وبنها.

ويدرس الطلاب في هذا القسم، مقدمة عن الحاسبات، والتصميم المنطقي، بناء وتنظيم الحاسبات، والنظم المبنية على المعالج الدقيق، ودراسة أساليب أمان الحاسبات وشبكات الحاسب، وكيفية تطوير الشبكات المحلية وصناعة الحاسبات، والنظم متعددة الأوساط.

قسم الحسابات العلمية

يهتم قسم الحسابات العلمية بتنمية معالجات جديدة للبحث العلمي عن طريق التكنولوجيا الحسابية سريعة التطور وعالية الأداء، فالحسابات العلمية تهتم بالتطوير المنهجي لاستخدام الحاسبات وأساليب الحل الحسابية في فهم ونمذجة ومحاكاة الظواهر في العلوم الطبيعية والهندسية.

ومن أهم المقررات الدراسية بهذا القسم؛ هم بحوث العمليات، والنمذجة والمحاكاة، والتحليل الإحصائي وتطبيقاته، ونظرية الحسابات، وأساليب الحسابات العددية، والحسابات عالية الداء، ونظرية المويجات، والبرمجة الرياضية، والحسابات الرمزية، والإحصاء الرياضي، كما يوجد القسم بجامعة عين شمس، وبنها، والمنيا.

ويعمل خريجي القسم بالمراكز والمعامل البحثية بالجامعات والمعاهد وقطاعات البحث العلمي والصناعة والبترول والثروة المعدنية وشئون البيئة.

قسم العلوم الأساسية

يدرس الطلاب في هذا القسم أساسيات العلوم مثل الرياضيات، وأساسيات العلوم وتطبيقاتها المختلفة في مجالات الحاسب الآلي، فيوجد القسم بجامعة عين شمس، والفيوم، وقناة السويس.  

قسم نظم المعلومات الحيوية

يعتبر من الأقسام المختلفة بكلية الحاسبات والمعلومات، فيقبل الطلاب من شعبة العلمي علوم، ولكن لابد من أن يدرس الطالب مادة "رياضة2" في أول سنة بالكلية، كما أنه متاح لطلاب شعبة علمي رياضة ولكنه يتطلب دراسة مادة "الأحياء" خلال سنوات الدراسة كاملة.

والتخصص في القسم يكون في العام الأول، لأن القسم قائم على دراسة برمجة الشرائح الإلكترونية التي تساهم في علاج العديد من الأمراض، لذا فهو قائم على البرمجة الطبية.

يوجد القسم بجامعة عين شمس، ومجالات العمل به في المستشفيات الكبرى.

قسم نظم المعلومات الجغرافية

هو قسم مناسب لمحبي مجال الاتصالات، فهو قائم على دراسة الرادار، وشاشات المراقبة، والأقمار الصناعية، وهو موجود في جامعة القاهرة.

قسم هندسة البرمجيات

القسم عبارة عن خليط من مواد علوم الحاسب على نظم المعلومات، بالإضافة إلى مواد التسويق والتخطيط، والتخصص فيه من العام الأول، فالقسم يختص بدراسة كل لغات البرمجة، ويوجد في جامعتي حلوان وعين شمس.

ومجالات العمل داخل الشركات المتخصصة؛ هي البرمجيات، وتكنولوجيا المعلومات، وأقسام الحاسب الآلي في المؤسسات المختلفة والأجهزة المركزية للإحصاء .

قسم بحوث العمليات ودعم اتخاذ القرار

القسم يكثر به دراسة الرياضة عن البرمجة؛ فهو يقوم بتدريس كيفية اتخاذ  القرار في أي عملية إلكترونية، ويتضمن المجالات العلمية الخاصة بتطبيقات الحاسبات والمحاكاة في الإدارة والاقتصاد والحاسبات الذكية، ويوجد في جامعة القاهرة، والزقازيق، والمنوفية.

ومجالات العمل الخاصة به في مراكز البحوث برئاسة الجمهورية ومجلس الوزراء.
قسم الوسائط المتعددة

يتواجد القسم بكلًا جامعة أسيوط وبني سويف.

تعاليق

Professor
دليل الالتحاق بكلية حاسبات ومعلومات وأقسام كلية حاسبات ومعلومات، المصروفات الدراسية للبرامج المميزة في الجامعات الحكومية.
دليل كلية حاسبات ومعلومات:

– كلية حاسبات ومعلومات في الجامعات الحكومية:

تتواجد كليات الحاسبات والمعلومات بالجامعات الحكومية المصرية فى “جامعة القاهرة، وجامعة وعين شمس وجامعة حلوان، وجامعة المنصورة، وجامعة الزقازيق، وجامعة الفيوم، وجامعة قناة السويس، وجامعة أسيوط، وجامعة وبنها، وجامعة المنوفية، وجامعة بني سويف، وجامعة المنيا، وجامعة كفر الشيخ”..  

–شروط القبول ب كلية الحاسبات والمعلومات  

أن يكون الطالب المتقدم حاصلا على درجة الثانوية العامة، من شعبة علمي رياضي.

أن يكون المتقدم حاصلا على المجموع المحدد من خلال الكلية، ولا يتجاوز الحد الأدنى.

حصول الطالب المتقدم على شهادة الثانوية العامة هذا العام، أي يحصل الطالب على شهادة الثانوية العامة الحديثة لعام 2021.

–أقسام كلية حاسبات ومعلومات في الجامعات الحكومية :-  

أولًا- قسم تكنولوجيا المعلومات حيث ويتواجد هذا القسم بجامعات “القاهرة، وحلوان، والمنصورة، والزقازيق والمنوفية، وأسيوط، وبني سويف، والمنيا”.

ثانيًا- قسم نظم الحاسبات حيث يتواجد هذا القسم بجامعتي “عين شمس وبنها”.  

ثالثًا- قسم الحسابات العلمية: ويوجد هذا القسم بجامعات “عين شمس، وبنها، والمنيا”.  

رابعًا- قسم العلوم الأساسية ويكون هذا القسم بجامعات “عين شمس، والفيوم، وقناة السويس”.  

خامسًا- قسم نظم المعلومات الحيوية يوجد القسم بجامعة عين شمس، ومجالات العمل به في المستشفيات الكبرى.  

سادسًا- قسم نظم المعلومات الجغرافية ويوجد في جامعة القاهرة.  

سابعًا- قسم هندسة البرمجيات ويكون موجود في جامعتي حلوان وعين شمس.  

ثامنًا- قسم بحوث العمليات ودعم اتخاذ القرار ويوجد هذا القسم في جامعات “القاهرة، والزقازيق، والمنوفية”  

تاسعًا- قسم الوسائط المتعددة ويكون هذا القسم موجود بجامعتي “أسيوط وبني سويف”.  
مصروفات البرامج المميزة ل كلية حاسبات ومعلومات الحكومية في تنسيق الجامعات 2021

   تبدأ قيمة مصاريف البرامج المعتمدة في كلية حاسبات ومعلومات جامعة عين شمس 2021-2022 من 8 آلاف جنيه في العام الدراسي الواحد.
   تبدأ قيمة مصاريف البرامج المعتمدة في كلية حاسبات وذكاء اصطناعي في القاهرة من 8 آلاف جنيه وتزيد حسب كل قسم وعدد الساعات المعتمدة المطلوبة، وذلك مع العلم بأن مصاريف كلية الحاسبات والمعلومات الحكومية العادية في حدود 450 جنيه في العام الدراسي الواحد.
   يوجد برنامج خاص لدراسة هندسة البرمجيات الطبية في كلية حاسبات جامعة المنصورة ب 4 آلاف جنيه في السنة ويتم الحساب على عدد الساعات المعتمدة لكل مادة.

قواعد التحاق طلاب علمي علوم ل كلية حاسبات ومعلومات

من ناحيته قرر المجلس الأعلى للجامعات، قبول طلاب الثانوية العامة شعبة العلوم بكليات الحاسبات والمعلومات والذكاء الاصطناعي وعلوم البيانات بالجامعات الحكومية المصرية وفق القواعد المنظمة للقبول

وأقر المجلس الأعلى للجامعات، قبول طلاب الثانوية العامة شعبة الرياضيات بالأقسام الموجودة أمام شعبة العلوم الطبيعية وأمام شعبة الجيولوجيا وفق القواعد المنظمة للقبول، وقبول طالبات شعبتي العلوم والرياضيات بالثانوية العامة المصرية (بدلا من شعبة العلوم فقط)

ويقوم نظام الدراسة لطلاب الشعبة العلمية علوم الملتحقين بكليات الحاسبات والمعلومات والذكاء الاصطناعي بمختلف الجامعات، سيكون من خلال إضافة مقرر تكميلي “رياضيات الثانوية العامة”، في أول عام دراسي  لهم، لاستكمال الطالب مقرراته الدراسية ليكون مؤهلًا جيدا لاستكمال الدراسة بمختلف الشعب بكليات الحاسبات، وحتى يكون متساويًا مع قدرات زملائه من طلاب الشعبة الرياضية الملتحقين بذات الكلية، ولكن لا يمكن للطالب الانتقال للعام الدراسي التالي دون النجاح واجتياز المقررات التكميلية.
الأوراق المطلوبة للقبول في كلية الحاسبات والمعلومات في تنسيق الجامعات 2021

الشهادة الثانوية

إحضار عدد 6 صور شخصية 4×6

صورة البطاقة الشخصية

إحضار استمارة 2 جند، وذلك من المكان المقيم به الطالب
الرسوم الدراسية ل كلية حاسبات ومعلومات الخاصة في تنسيق الجامعات 2021:

قيمة المصروفات الدراسية لكلية الحاسبات في جامعة 6 أكتوبر الخاصة، 30.000 ألف جنيه في السنة.

تبلغ قيمة الرسوم الدراسية لكلية الحاسبات في جامعة أكتوبر للعلوم والآداب الحديثة ، 38.500 ألف جنيه في السنة.

تبلغ قيمة المصروفات لكلية الحاسبات والمعلومات في الجامعة الحديثة -مودرن اكاديمي- 32,500 ألف جنيه في السنة.

وتبلغ المصروفات الدراسية لكلية الحاسبات في جامعة المستقبل 57.000 ألف جنيه.

تبلغ مصاريف كلية الحاسبات والمعلومات في جامعة النيل 61,800 ألف جنيه في السنة.

وتكون مصاريف كلية نظم المعلومات وعلوم الحاسب في الجامعة البريطانية تبلغ 97.200 ألف جنيه في السنة.

وتبلغ مصاريف كلية الحاسبات في جامعة الأهرام الكندية 40.000 ألف جنيه في السنة.

تبلغ قيمة المصروفات بكلية حاسبات في الجامعة الروسية 2021 تبلغ 21.000 ألف جنيه في الفصل الدراسي الواحد.​​​
–مجالات عمل خريجي كلية حاسبات ومعلومات:

قسم علوم نظم المعلومات:-    

مشرف في مجال التخطيط والإدارة.

مجال اختيار أفضل البرامج الخاصة بالحاسب الآلي

‏ مجال إدارة الشبكات.

مهندس أمن شبكات.

محلل أمني.

مجال تصميم وتطوير المواقع الإلكترونية وصفحات الويب.

مجال الإشراف على أعمال الحاسب الآلي.

قسم تكنولوجيا المعلومات:-  

العمل في مجال هندسة وبرمجة الشبكات.

العمل في مجال تصميم المواقع الإلكترونية المختلفة.

العمل في مجال تطوير نظم المعلومات.

العمل في مجال إدارة مشروعات تكنولوجيا المعلومات.

قسم الحاسبات العلمية  

العمل في المعامل والمراكز البحثية المختلفة.

العمل في مجال قطاعات البحوث العلمية.

العمل في مجال الصناعة والثروة المعدنية والبترول.

العمل في مجال إدارة شئون البيئة.

قسم هندسة البرمجيات:-  

العمل في شركات تكنولوجيا المعلومات والبرمجة

العمل في أقسام الحاسب الآلي في الشركات والمؤسسات المختلفة والمتنوعة.

العمل في مجال الجهاز المركزي للإحصاء.

قسم دعم اتخاذ القرار:  

العمل في مجال البرمجة.

العمل في مجال إدارة المشاريع

العمل في مجال تكنولوجيا المعلومات.

العمل في مراكز البحوث.

العمل في مجال التدريس الأكاديمي

قسم علوم الحاسب :-  

العمل كمهندس برمجة.

العمل كمهندس دعم فني.

العمل في مجال أنظمة التشغيل.

العمل في مجال توثيق البرامج والنظم.

العمل في مجال تخطيط وتحليل النظم والبيانات.

العمل كمطور تكامل قواعد البيانات.

العمل في مجال إنشاء البرامج وتطوير المواقع

الإلكترونية وصفحات الويب.

العمل في مجال الأشراف على أعمال الحاسوب ومراكز المعلومات
privacy_tip صلاحيات هذا المنتدى:
لاتستطيع الرد على المواضيع في هذا المنتدى