مدرس اون لايندخول

لطلاب الثانوية العامة .. كل ما تريد معرفته عن كلية تجارة انجليش

05082021
لطلاب الثانوية العامة .. كل ما تريد معرفته عن كلية تجارة انجليش

لطلاب الثانوية العامة .. كل ما تريد معرفته عن كلية تجارة انجليش 23087110
لكل من يرغب من طلاب الثانوية العامة في الالتحاق بكلية تجارة انجليش
سلسلة_تعريف_الكليات
كلية_تجارةE
◾كليه تجاره شعبه اللغة الانجليزية
◾الكلية جزء من تجارة بس الدراسة فيها بتكون بالانجليزي
◾طب إيه الفرق بين تجارة وتجارة انجلش؟
《1》- الكتب في أغلب الأحيان مش بتتألف في مصر و بتبقى متألفة في دول تانية زي 《بريطانيا وكندا》                          
《2》- اماكن الدراسة مجهزة بشكل أفضل في تجارة إنجلش عن تجارة كمان الأعداد في تجارة إنجلش بتبقى أقل ودي ميزة 
《3》- الكلية بمصروفات بتختلف من جامعة لجامعة بس المتوسط بيبقى من 9000 ل 15000 وممكن تقل أو تزيد حسب الجامعة 
《4》- عشان تدخل الكلية لازم تبقى جايب درجة معينه في الانجليزي ودي بتختلف من جامعة لجامعة يعني مش حاجة ثابتة 
◾الأقسام 
- أساس الكلية إن فيها 6 أقسام رئيسية بس بيختلف وجودهم من جامعة لجامعة وهما :
1- المحاسبة : أكبر قسم من حيث الأعداد 
2- ادارة الاعمال : من أكتر الأقسام ال عليها إقبال بعد محاسبة
《والقسمين دول موجودين في جميع الجامعات》
3- الاحصاء والتأمين
4- الاقتصاد
5- التجارة الخارجية
6- سياسة
《ودول بيختلف وحودهم من جامعة لجامعة》
 ◾نظام الدراسة :           
 - مدة الكلية 4 سنوات              
- في أول سنتين الدراسة بتبقى عامة بمعنى إنك بتدرس مواد من كل الأقسام وكل التخصصات
- في سنة 3 بتبدء تتخصص في قسم من الأقسام وفي بعض الجامعات بيبقى التخصص من سنة 4 حسب نظام الجامعة
كمان في أقسام معينة ممكن التخصص فيها يكون من سنة 2  زى 《قسم سياسة في جامعة أسيوط》
- التقييم أو الدرجات عموما بتبقي على 3 حاجات هما :
1- اعمال السنة
2- امتحان الميد ترم
3- امتحان نهاية الترم
《وبتختلف من جامعة لجامعة لإن أوقات في جامعات بتقيم على أساس presentations بيعملها الطلبة في مواد معينة》
◾مينفعش أبدا يبقى عندي شركة أو مؤسسة منغير خريج كلية تجارة
طب ليه ؟
- خريج الكلية بيكون على علم واسع محاسبيا او في الجوانب الادارية ب《مبيعات - خدمة عملاء - تسويق - موارد بشرية - استثمار وغيرها من التخصصات المختلفة 》
◾هنتكلم دلوقتي عن فرص العمل للقسمين الأساسيين في الكلية وهما 《 محاسبة و إدارة أعمال 》
- محاسبة :
خريج قسم محاسبة بيبقى ليه فرص كتير في أماكن كتير زي 《البنوك وشركات المحاسبة والضرائب》 هما أكتر الأماكن احتياجا لخريجي القسم
- وأنت كطالب تجارة بتبقى محتاج شهادات تزيد من خبرتك  زي 《CMA , CIA , CFA , CPA - وخريج كلية تجارة وخصوصا قسم محاسبة مش بس بيشتغل في بنوك أو شركات محاسبية ،كمان يقدر يشتغل في 《المستشفيات وشركات الادوية و الشركات الخاصة》 وعموما اي استثمار لازم يبقى فيه جزء الحسابات
◾إدارة أعمال :
- خريج قسم إدارة أعمال بيبقى عنده خبره في كذا مجال منهم 《التسويق - الموارد البشرية - خدمة العملاء - الادارة وغيرهم 》
-  بيبقى متاح لخريج قسم إدارة أعمال الشغل في كل الأماكن ال قولنا عليها لقسم محاسبة من شركات وبنوك ومستشفيات وغيرهم بس في positions مختلفة تتناسب مع طبيعة دراسته
زي مثلا شغله ك HR / PR / Marketeer وغيرهم
-  خريج القسم بيحتاج لشهادات ودراسات تانية عشان يزود معلوماته زي مثلا شهادة MBA
- خريج القسم ده بيبقى مؤهل لإنه يعمل المشروع الخاص بيه ويدرسه من كل الجوانب عشان يطلع بالنتيجة المناسبة في النهاية 
◾الكلية مش سهلة ومش صعبة هي محتاجة استثمار لوقتك فيها و استغلال كل الفرص المتاحة لأنك تتعلم و متكتفيش بدراسة الكلية بس لازم يبقى عندك نظرة أوسع
إبحث ودور واجتهد عشان تتعلم وتواجه سوق العمل
remove_circleمواضيع مماثلة
Professor
مصاريف تجارة انجلش الخاصة والحكومة..
  تستقبل كلية تجارة انجلش عدد هائل من الطلبة من كلا الجنسين بشكل سنوي لذلك تقوم الكلية بوضع العديد من الشروط لإمكانية الالتحاق بها، ومن خلال المقال التالي سوف نسلط الضوء على أهم النقاط التي تخص حلية تجارة انجلش ومصاريف التقديم في الكليات الخاصة والحكومية.
نبذة عن كلية تجارة انجلش

   تقوم كلية تجارة انجلش بالاعتماد على دراسة مادة الرياضيات بشكل أساسي.
   يتم دراسة المواد في كلية تجارة انجلش باللغة الإنجليزية، ولا تختلف بشكل كبير عن كلية تجارة عربي إلا في اللغة.
   لا يستطيع الطلاب المسجلين في كلية تجارة عربي حضور محاضرات مع طلبة تجارة انجلش والعكس وذلك لأن كل كلية لها المنهج الخاص بها.


مصروفات كلية تجارة انجلش

   مصاريف كلية تجارة انجلش جامعة القاهرة تصل إلى 15 ألف جنيه مصري.
   مصاريف كلية تجارة انجلش جامعة عين شمس تصل إلى 17 ألف جنيه مصري.
   مصاريف كلية تجارة انجلش جامعة حلوان تصل إلى 12 ألف جنيه مصري لطلبة انتساب، 9 آلاف جنيه مصري لطلبة انتظام.
   مصاريف كلية تجارة انجلش جامعة كفرالشيخ تصل إلى 7 آلاف جنيه مصري.
   مصاريف كلية تجارة انجلش جامعة الاسكندرية تصل إلى 12 ألف جنيه مصري.
   مصاريف كلية تجارة انجلش جامعة دمياط تصل إلى 11 ألف جنيه مصري.
   مصاريف كلية تجارة انجلش جامعة عين شمس تصل إلى 17 ألف جنيه مصري.
   مصاريف كلية تجارة انجلش 2021 جامعة أسوان 8 آلاف جنيه.
   مصاريف كلية تجارة انجلش جامعة سوهاج تصل إلى 15 ألف جنيه مصري.

الأقسام الموجودة في كلية تجارة انجلش
هناك أكثر من قسم فى كلية تجارة انجلش، ومن أهم الأقسام التي توجد فيها ما يلي:

   قسم إدارة الأعمال

يحتل هذا القسم المركز الأول في الوظائف في جميع الشركات، ويشمل هذا القسم ما يلي:

   مادة البورصة.
   مادة المحاسبة.
   مادة الاقتصاد.
   مادة الإدارة الدولية.
   مادة البنوك.
   مادة الإحصاء.
   مادة الإنتاج والعمليات.
   مبادئ إدارة الأعمال.
   الأموال والمؤسسات المالية.
   الموارد البشرية.
   مادة التمويل.
   مادة التسويق.
   المشتريات والمخازن.

قسم المحاسبة
من أهم الأقسام الموجودة داخل كلية تجارة انجلش كما أن فرص العمل في هذا القسم كبيرة ومتاحة، ومن أهم المواد الموجودة به، ما يلي:

   المراجعة.
   محاسبة شركات أموال.
   محاسبة تكاليف.
   محاسبة شركات أشخاص.
   مبادئ إدارة الأعمال.
   محاسبة قومية حكومية.
   التمويل والإحصاء.
   محاسبة ضريبية.
   الاقتصاد.
   محاسبة مقاولات.
   محاسبة مالية.
privacy_tip صلاحيات هذا المنتدى:
لاتستطيع الرد على المواضيع في هذا المنتدى