مدرس اون لايندخول

لطلاب الثانوية العامة.. تعليمات الاجابة فى البابل شيت وطرق التصحيح و طباعة المواد التى لا تضاف للمجموع

18062021
لطلاب الثانوية العامة.. تعليمات الاجابة فى البابل شيت وطرق التصحيح و طباعة المواد التى لا تضاف للمجموع

لطلاب الثانوية العامة.. تعليمات الاجابة فى البابل شيت وطرق التصحيح و طباعة المواد التى لا تضاف للمجموع 01433
حدد الدكتور طارق شوقى، وزير التربية والتعليم والتعليم الفنى, كيفية تعامل الطالب فى حالة رغبته فى تغيير إجابات البابل شيت،

قائلا: "يتم تظليل الإجابة الصحيحة داخل إطار الدائرة وإذا أرادت تغيير إجابتها تضع علامة x  وتظلل الإجابة الأخرى الأمر بسيط وواضح، والموضوع أبسط من هذا بكثير، وأرجو التركيز فقط على المذاكرة، وهناك امتحان تجريبي أما التصحيح فهذه قضية الوزارة ولا تنشغل بها".
قال: "لقد شرحنا ببساطة كيفية تظليل وتصويب البابل شيت بامتحانات الثانوية العامة، أما طرق التصحيح لم نتحدث عنها وكل ما ينشر عن هذا ليس مسؤولية الوزارة ولا داعى له لأن هناك عشرات الطرق والبرامج والوزارة لا تنصح بهذه البلبلة".

وأضاف وزير التربية والتعليم والتعليم الفنى، أنه مسموح لطالب الثانوية العامة الذى لا يحمل كتاب ورقى أن يكتب ملاحظاته على الكتاب الإلكترونى، موضحا أنه غير مسموح بكتابة الطالب ملاحظاته على تطبيق المذكرات memo  و يدخل به الطالب الامتحان حتى يلتزم الجميع بالمصادر المتاحة لتحقيق التكافؤ وحتى لا يتم تحميل المراقبين فى اللجان بما لا يستطيعون.
وأعلنت وزارة التربية والتعليم عن خطوات الإجابة على البابل شيت لطلاب الثانوية العامة وهي:
قراءة التعليمات الخاصة بالامتحان بعناية، ملء البيانات بشكل صحيح، التفكير في الاسئلة جيدا قبل اختيار الاجابة، تظليل الدائرة بشكل كامل داخل الإطار.
وشدددت الوزارة، في فيديو عبر صفحتها الرسمية علي فيسبوك، علي الطلاب بضرورة التأكد من تطابق رقم السؤال في ورقة الإجابة مع ورقة الإجابة، استخدام قلم جاف أزرق للاجابة، اذا اراد الطالب تغيير الاجابة لا يستخدم مزيل الكتابة ولكن يقوم بالشطب علي الإجابة عن طريق وضع علامة خطأ عليها ثم التظليل علي الاجابة الصحيحة.
أشارت الوزارة إلى أنه لا يصح اختيار أكثر من إجابة واحدة لأن اجابة السؤال لن تحسب، التأكد من تطابق الإجابة علي التابلت مع الورقة، وفي حالة عدم التطابق سيتم احتساب اجابة البابل شيت ولكن في حال ثبوت عدم تطابق جميع الإجابات سيعتبر ذلك تحايلا علي الامتحان.

تصحيح امتحانات الثانوية العامة
قال شوقى خلال تصريحات له على جروب "ادعم طارق شوقي" عبر تطبيق "واتس اب" :  "أما عن طرق تصحيح امتحانات الثانوية العامة ، لم نتحدث عنها نهائيا ، وكل ما ينشر عن هذا ليس مسئولية الوزارة" .

واضاف: "هناك عشرات الطرق والبرامج الخاصة بتصحيح البابل شيت ، والوزارة لا تنصح بهذه البلبلة المثارة حول هذا الأمر ، فالموضوع ابسط من هذا بكثير وارجو التركيز فقط على المذاكرة".

امتحانات المواد التي لاتضاف للمجموع يطبعها الطالب من موقع الوزارة 
اكد الدكتور طارق  شوقي  وزير التربيةوالتعليم  ان ان  الوزارة  ستتيح  اسئلة  المواد التي لاتضاف للمجموع  علي موقعها  الالكتروني احنا ليطبعها الطالب  يجيب عليها ويسلمها  للمدرسة

اوضح  ان الوزارة سوف تتيح الاسئلة على الموقع ولكن لن تطبعها.

جاء  ذلك  ردا  علي سؤال  احد طلاب  الثانوية العامة  في جروب  الواتس  الخاص بائتلاف معلمي مصر بقيادة ابراهيم  نشأت (طلاب  وطالبات  مصر )

شاهد ايضا: تعليمات وارشادات مهمة لطلاب الثانوية العامة
أولا: أول ما تدخل اللجنة هتستلم كمامة وكيس مطهرات.
ثانيا: هتدخل اللجنة تستلم ورقة أسئلة وورقة بابل شيت.
ثالثا: كل فصل (لجنة) هيكون فيه أربع نماذج امتحانات.. نفس الأسئلة لكن ترتيب الأسئلة متغير بينك وبين زميلك.
رابعا: ترتيب الإجابات هيكون مختلف بينك وبين زميلك.. يعني ترتيب الأسئلة مختلف وترتيب الإجابات برضو مختلف.
خامسا: هتلاقي رقم كود على ورقة الأسئلة اكتبه بالنص في ورقة البابل شيت.
سادسا: لازم تكتب رقم الكود علشان يبقى نموذج الأسئلة اللي معاك مطابق للبابل شيت بتاعك.
سابعا: لازم يكون معاك قلم رصاص وقلم جاف ومسطرة وأستيكة (مساحة) وبراية.
ثامنا: استخدم المسطرة في إنك تمشي براحة في البابل شيت وتحط الإجابة قصاد نفس رقم السؤال لأن عينك ممكن تروح على السؤال اللي بعده وتعلم عليه من غير ما تاخد بالك.. هنا أهمية المسطرة.
تاسعا: هتستخدم القلم الرصاص في تظليل رقم الإجابة اللي انت شاكك فيها، وفي الآخر تبقى ترجع لها علشان تظللها بالقلم الجاف لما تتأكد منها.
عاشرا: القلم الجاف هو الأساس في التظليل.. واتأكد إنك ظللت الدايرة كلها.
حادي عشر: لو ظللت إجابة بالجاف وعايز تغيرها.. اكتب عليها علامة (إكس).. وبعدها اختار الإجابة الصح.
ثاني عشر: لو عملت (إكس) على الإجابة الغلط واخترت إجابة صح غيرها.. متقلقش.. هنا جهاز التصحيح الإلكتروني مش هيقول إنك اخترت إجابتين.. هنا هو مش هيصحح السؤال ده وهيصدر إشارة حمراء إن فيه سؤال لم يتم تصحيحه.. بعدها هيكون تصحيحه بالعين المجردة (تصحيح يدوي يعني)، يعني لا تقلق هتاخد درجة السؤال.
ثالث عشر: السؤال اللي تحس إنك هتاخد وقت فيه ومش عارف توصل لإجابة صحيحة من الاختيارات.. سيبه وروح للي بعده، علشان الوقت، وبعدين ابقى ارجع له تاني لما تخلص إجابة باقي الأسئلة.
ثالث عشر: ورقة البابل شيت هتبقى من صفحة واحدة.. يعني هتبقى عارف انت جاوبت على ايه وسايب إيه مش هتقعد تقلب في ورقة الإجابة.. لأنها ورقة واحدة زي ما قلت لك.
رابع عشر: لو عندك (أنا بقولك لو عندك) وقت سجل إجاباتك اللي كتبتها في البابل شيت على التابلت، لو مش عندك وقت اكتفي بالبابل شيت.
خامس عشر: متقلقش.. البابل شيت لو فيه أي مشكلة وانت مش مجاوب إجابة تانية في التابلت.. هيتراجع تاني وهتاخد حقك كاملا.
سادس عشر: متنساش تكتب اسم ورقم جلوس ولجنتك على ورقة الأسئلة وتكتب اسم ورقم جلوسك ولجنتك ورقم الكود في ورقة البابل شيت.
سابع عشر: بلاش تختار إجابة في التابلت وإجابة في البابل شيت لنفس السؤال وتقول هما ياخدوا الإجابة الصح.. كده هتاخد صفر على السؤال ده.. ده لو رجعوا للتابلت أصلا.. لأن طول ما فيش مشكلة في البابل شيت مش هيرجع للإجابة للي انت كتبتها على التابلت.
ثامن عشر: لازم تسلم ورقة الأسئلة وورقة البابل شيت للمراقبين.. علشان زي ما قلت لك هيطابقوا نموذج الأسئلة بتاعك بالبابل شيت، لأن النماذج مختلفة داخل اللجنة الواحدة.
تاسع عشر: لو رفضت تجاوب في البابل شيت وقررت تجاوب في التابلت فقط.. انت كده هتتعامل معاملة الطالب اللي مرحش الامتحان من الأساس.. وهتسقط في المادة.. البابل شيت هو الأساس.. متقولش هجاوب في التابلت وأقولهم المنصة وقعت ولازم أخد الدرجة.. انت كده  لا هتاخد درجة ولا نص درجة والتعليمات دي وصلت المديريات واتحسمت خلاص.
عشرون: متحاوش تغش ولا تطلب إجابة من الطالب اللي قدامك ولا اللي وراك.. أسئلتهم ترتيبها مختلف عن ترتيب أسئلتك.. وترتيب الاختيارات عندهم مختلف عن ترتيب الإجابات عندك.. ركز في حالك ومضيعش وقت في حاجة هتضرك مش هتفيدك.
واحد وعشرين: أسئلة المواد غير المضافة للمجموع تقدر تطبعها من موقع الوزارة ابتداء من يوم 3 يوليو وتجاوب عليها في البيت وتبقى تسلمها للجنة بتاعتك.
اتنين وعشرين: عايز تقسم السنة على سنتين انت حر.. عايز تدخل نص المواد وتسيب النص التاني للسنة الجاية انت حر.. التقسيم متاح لأي طالب.
تلاتة وعشرين: لو عايز تتظلم على النتيجة انت حر.. التظلم متلغاش ولسه مستمر إن شالله تتظلم في كل المواد.
أربعة وعشرين: الحالات اللي يحق لك دخول الدور التاني في المادة بالدرجة الكاملة.. لو مريض كورونا.. لو اللي معاك في نفس السكن (أبوك أمك أخواتك) عندهم كورونا.. لو أبوك لا قدر الله مات.. والدتك لا قدر الله ماتت.. لو حصل كارثة طبيعية.. حريق.. الطريق اتقطع ومعرفتش توصل للجنة.. حادثة.. وهكذا.. كل ده بتعمل بيه محضر رسمي في الشرطة، وتقدم طلب تقول فيه حصل لي كارثة كذا يوم كذا وكان عندي امتحان كذا.. وعايز أدخل دور تاني في المادة بالدرجة الكاملة.. حقك.
خمسة وعشرين: نسيت أقولك إنك هتدخل امتحان المادة بالكتاب بتاع الوزارة فقط.. كتاب العربي يبقى كتاب العربي بتاع الوزارة، وهكذا.
ستة وعشرين: لو اتمسكت بموبايل حتى لو مقفول، هتتحسب عليك محاولة غش وهتسقط في المادة.. سيب موبايل مع المراقب.
سبعة وعشرين: لو اتمسكت بموبايل مفتوح هتسقط في المادة وباقي المواد وهتبقى متهم بحيازة وسيلة غش وممكن تتحرم من دخول الامتحان لمدة عام.
ثمانية وعشرين: لو صورت ورقة الأسئلة ونشرتها علشان الإجابات توصل لك.. هتسقط في كل المواد ومش هتدخل الامتحان لمدة سنتين.
تسعة وعشرين: عايز تدرب على الامتحان صح (أسئلة وبابل شيت)، اوعي تغيب عن الامتحان التجريبي اللي الوزارة عاملاه يوم 21 يونيو.
ثلاثون: أسئلة الامتحانات تلتها للطالب المعقول وتلتها للطالب المتوسط وجزء لفوق المتوسط وجزء للمتميز.. اطمن واعمل اللي عليك وسيبها على الله.
أ/ أحمد حافظ

تعاليق

لا يوجد حالياً أي تعليق
privacy_tip صلاحيات هذا المنتدى:
لاتستطيع الرد على المواضيع في هذا المنتدى