شرح موجز وبسيط لأهم الازمنه فاللغه الانجليزيه ١- المضارع البسيط بيتكون من المصدر او الفعل + s وبيعبر عن حقيقه زى ما اقول الشمس بتشرق من الشرق The sun rises in the east ... او لما اقول انا بصحى كل يوم الساعه ٦ I wake up at 6 everyday او جدول المواعيد الثابته زى مواعيد وسائل المواصلات والترفيه(سيما او مسرح) او الامتحانات زى ما اقول The train leaves at 8 ده كده ملخص المضارع البسيط ٢-المضارع المستمر بيتكون من am,is,are,+v-ing وده بستخدمه مع حاجه بتحصل دلوقتى زى ما اقول انا بلعب دلوقتىI'm playing now او مع حاجه انا مرتبلها فالمستقبل زى ما ارتب مع صحبي اننا نسافر اسكندريه سواI'm travelling to Alex with my friend.ده كده المضارع المستمر ٣-المضارع التام وده بيتكون من have/has +p.p وده بيعبر عن حاجه لسه حاصله حالا او من شويه زى ما اقول انا لسه مخلص واجبى I have just finished my H.W او حاجه بدأت من قبل كده ولسه مستمره لحد الوقتى وممكن تستمر فالمستقبل زى زى ما اقول انا بتعلم انجليزى من ٢٠٠٣ أو لمدة ١٦ سنه (ولسه بتعلم لحد الوقتى وقدام كمان) I have learned English since 2003/for 16 years او مع حاجه حصلت ونتيجتها موجوده الوقتىزى ما اضيع مفتاح الشقه ونتيجة كده انى مش عارف افتح الباب I have lost the key,so I can't open the door ده ملخص الزمن ده ٤-المضارع التام المستمر وده بيتكون من have/has been+v-ing وده بيعبر عن حاجه مستمره لمده طويله وبيقابله فالعربى كلمة(عمّال)عمال العب طول النهار،عمال اذاكر طول اليوم I have been studying all day ف ثانويه عامه ومحطوط عليا وكده ٥-الماضى البسيط وده بيتكون الفعل +ed ده لو منتظم زى played,helped أو بحفظه زى ماهو ده لو شاذ زى went,sawوده بيعبر عن حاجه حصلت فالماضى وانتهت زى ما اقول انا شوفت الماتش امبارحI watched the match yesterday. ٦-الماضى المستمر وده بيتكون من was/were+ving وبيعبر عن حاجه استمرت لمده معينه فى الماضى زى ما اقول انا كنت بحل الواجب من ٦ل٧ امبارحI was doing my H.W from 6 to 7 yesterday. وده الزمن ده بايجاز ٧-الماضى التام وده ببتكون من had+p.p وبييجى مع الفعل اللى حصل الاول فى جمله فيها حدثين زى ما اقول بعد ما ذكرت دخلت انامAfter I had studied,Iwent to bed ومثال تانى يوضح اكترلما اروح محطة القطر متأخر والاقى القطر طلع فاقول قبل ما اوصل المحطه القطر كان طلعBefore I reached the station ,the train had left زى ماحنا شايفينالفعل اللى حصل الاول جه فالماضى التام والفعل اللى حصل بعدين جه فالماضى البسيط ٨-الماضى التام المستمر وده بيتكون من had been+v-ing وده بيعبر عن حاجه استمرت لمده طويله فى الماضى وبيقابله فالعربي كلمة(فضِلت أو قعدت) قعدت العبPlayStation طول الليل .أو. قعدت أحل امتحانات سابقه طول اليومI had been answering previous exams all day اتمنى اكون قدرت اوصلكوا الازمنه وفهمتوها ومع التمارين و الحل الكتير هيثبتوا اكتر ان شاء الله
شرح كل الازمنة في اللغة الانجليزية
Professor2020-11-30, 9:29 pm