اول حاجة وانت بتكتب الرغبات، اكتب الكلية الواحده بكل جامعاتها ورا بعض قبل ما تنقل علي كليه تانية ورتبهم من الاقرب للابعد متحطش عشوائي وخلاص.

يعني مثلا نوضح اكتر لو هتكتب كل كليات الطب قبل ما تبدأ كتابة أسنان وهكذا..

و دا لأن التنسيق بيمشي بالدور فلو جالك كلية بعيده ممكن تقدم طلب تقليل اغتراب وتحول، اما انت لو كتبت مثلا طب القاهرة صيدله القاهرة طب *** وكملت طب، الترتيب بتاعك لو مجاش طب القاهرة هتدخل صيدلة القاهرة، ودى نقطة مهمة جدا لازم تاخد بالك منها.

وتيجي بعد التنسيق تقول جالي صيدلة وصاحبي اقل مني وجاله طب الزقازيق  دي ملهاش حل خلاص عمرك ما هتعرف تحولها حتي لو مجموعك جايبها .. التحويل بيجيبك من بعيد لـ محافظتك بس مش اكتر.

اوعي تغلط ورتب كويس الأقرب ثم الأبعد متكتبش اسوان قبل المنصورة مثلا ولا اسيوط قبل السويس .. ركز في الترتيب علشان تدخل اقرب حاجه ممكنة ومتتعبش.