"نظام الثانويه الجديد
الموضوع ده عن الفيزياء والكيمياء..

هنبدأ النهارده بالفيزياء
الفيزياء محتاجه منك انك تاخد عند مدرس يفهمك كويس كل مسئله وميسبش مسئله الا وهو حاللها معاك لأنها بقت اصعب ماده بعد الاحياء ف النظام الجديد اما لو انت بتسمع اونلاين ف في واحده زميلتنا هنا قالتلي انها بترشحلكم استاذ محسن الحسيني وقالت انوو كويس جدا وشكراً ليها انها عرفتنا عليه
نيجي لجزء المذاكره لما نيجي نذاكر درس فيزياء نذاكر جزء من الدرس "بفهم" مفيش كلمه تعديها الا وانت فاهمها وهنلاقي تحتيه ف الملخص تدريب نحل التدريب ونروح بعديه ع التمارين ونحل كل الأسئلة ال تخص الجزء ده
نيجي لجزء القوانين كل قانون جديد نشوف الاستاذ استنتجه ازاي ونحاول نستنتجه كذا مره هو ف النظام الجديد مش هيجلناا سؤال يقولنا استنتج القانون لكن في مسائل بتكون محتاجه ف الاجابه مشتقات القوانين دي مش القانون نفسه
وبكده خلصنا الفيزياء

نيجي للكيمياء
الكيمياء ف النظام الجديد مبقتش عباره عن حفظ معادلات و تعريفات وبكده ندخل الامتحان ونقفل لا دا كان ف النظام القديم
لو حد عايز يتأسس كيميا صح يدخل ع قناة استاذ سامح ابراهيم هتلاقو مخصص جزء للاساسيات ع قناته وبجد هتفرق معاكم اووي قبل تالته
بالنسبة للناس ال بتاخد درس كيميا ف انصحكم تاخدوا عند مدرس يكون فاهم الماده كويس وتكون انت بتفهم منه اما عن الناس ال بتسمع اونلاين ف استاذ سامح ابراهيم حقيقي مفيش احسن منووو ف شرح الماده ولولا اني بكسل اسمع فيديوهات اونلاين كنت سمعت فيديوهاته ومخدتش درس برا ومش ببالغ ف كلامي
نيجي لطريقة المذاكره حاجات بسيطه بس هنعملها هتخليناا ممتازين ف الماده ان شاء الله أولا نقرأ الدرس ع السريع كده ف خمس دقايق وكل م نلمح حاجه واحنا بنقرأ نحط اسئله ليها بعدين بنذاكر ونفهم الدرس كويس وكل صفحه نذاكرها نكون بندور ع الاسئله ال حطيناها ف الاول واحنا بنذاكر فيها والمعادلات نفهم من الاستاذ هي جات ازاي بالظبط وياريت قبل تالته نحفظ تكافؤ العناصر لأنها بتلغبط ناس كتير ف المعادلات وكل درس نذاكره نحل عليه كتير مذاكره من غير حل ملهاش لازمه
وبكده نكون خلصنا الكيمياء والفيزياء

بالتوفيق للجميع يارب