عايز تقفل الدرجة النهائية نحو سنة خامسة هقلك ازاي 

نبدأ بالاستخراجات

خد بالك أي استخراج ليك هيكون اسم سواء مثني أو جمع مذكر أو جمع مؤنث أو جمع تكسير 

١/ استخرج مثني
دور علي كلمة اخرها ( ان ) أو ( ين ) مثال طالبان او طالبين
وابعد عن الأفعال اللي فيها ( ان ) او (ين ) دي غلط زي تقولان تقولين

الإعراب
الرفع ( الألف )
النصب والجر ( الياء )

٢/ استخرج جمع مذكر سالم

دور علي اسم جمع آخره ( ون ) ( ين ) ويكون عاااقل
مثال مسلمون أو مسلمين

طب علشان تتأكد شيل ( ون _ين )
لو رجعت مفرد تبقي صح مثال مسلمين تبقي مسلم

طب لو ميادين ينفع نشيل ( ين ) ؟ لا تبقي مش جمع مذكر وكمان غير عاقل
ابعد عن الفعل اللي آخره ون زي يقولون ده غلط غلط غلط
ركز وحياة مامتك 

الإعراب
الرفع ( الواو )
النصب والجر ( الياء )

٣/ استخرج جمع مؤنث سالم
كلمة جمع آخرها ( ات ) وينفع نحذفها ونرجعها مفرد مثال معلمات مسلمات
طب بص دي أوقات جمع مؤنث ؟ لا طبعا لأن مينفعش نشيل ( ات )ونرجعها مفرد

الإعراب
الرفع ( الضمة )
النصب الجر ( الكسرة )

٤/ استخرج جمع تكسير

ده بقي أسهل واحد فيهم جمع ومنعرفش نرجعه مفرد من نفس الكلمة
مثال تلاميذ طلاب عمال

الإعراب ( مثل المفرد )
الرفع. . ( الضمة )
النصب ( الفتحة )
الجر. ( الكسرة )

****** مفاتيح الإعراب ******

الإعرابات كلها هتكون ( مبتدأ / خبر / فعل / فاعل / مفعول / اسم مجرور / ظرف مكان أو زمان )

١/ أي ضمير مبتدأ واللي بعده خبر
مثال هو طالب / أنت طالب

٢/ الفعل مينفعش نحطله ( ال )

طب أنواعه إيه
١/ مضارع مرفوع بالضمة مثل يقول
٢/ ماضي مبني مثل قال
٣/ أمر مثل قل

#ملحوظةق

بس يابني بلاش تتعبني الماضي والأمر ديما مبني
المضارع ديما معرب زي مابناكل ونشرب

طب لقيت الجملة أولها فعل أعرف الفاعل ازاي والمفعول

بص دي كرم المعلم الطالب
مين اللي كرم ؟ المعلم تبقي فاعل
كريم إيه ؟ الطالب تبقي مفعول

طب لو لقيت فعل فيه ضمير يبقي بعده فعل مثال

الدرس يفهمه الطلاب تبقي الطلاب فاعل

حروف الجر ( من / إلي / عن / علي / في / ب / ك / ل )
بعدها اسم مجرور

ظرف المكان والزمان ديما منصوب بالفتحة
المكان زي فوق وتحت
الزمان صباحا ومساء

متنساش وأنت بتعرب تاخد بالك من العلامة يغني مرفوع بالضمة ولا الألف ولا الواو
ومتنساش المؤنث السالم منصوب بالكسسرة

بالتوفيق لطلابي للأعزاء

مستر/ محمود أمين