دشن عدد من المعلمين هاشتاج صرخة المعلم تحت عنوان "المرتب والكافأة علي أساسي 2019" حيث طالب البعض الدكتور طارق شوقي وزير التربية والتعليم بالعمل علي تحقيق العدالة للمعلم.

وقال Mark Gabriel‎‏ : الحكاية إن المعلمين دوناً عن باقي الموظفين في مصر بيقبضوا مرتباتهم علي أساسي 2014 ، ولما بيخصموا منهم ضرائب أو تأمينات أو جزاءات أو أي استقطاعات أخري بياخدوها علي أساسي 2019 - اللي هما مش بياخدوه أصلاً . المعلمين في مصر عاملين حملة للضغط علي الحكومة علشان تخلي مرتباتهم علي أساسي السنة الحالية ، وفيه كلام غير مؤكد بيقول ان استقرار وضع معين لمدة 5 سنوات بيخليه وضع دائم بحكم القانون ، يعني لو الأساسي متغيرش السنة يبقي مش هيتغير مدي الحياة .

وقالت سها أحمد معلمة برياض الأطفال: "المعلم مش بياخد حقه أحنا مع التطوير بس دة خلال قانوني وحقنا لازم ناخده" .

فيما قال محمد خالد معلم ابتدائي : "محتاجين دعم الدكتور طارق شوقي دة حقنا مش بنطلب معونة من حد".

وتابع "احنا مقدرين ظروف البلد بس أحنا كمان من البلد وعاوزين بس نتساوي مع جميع المواظفين مش أكتر وتفعيل القانون".