يقام امتحان مادة الفيزياء الصف الاول الثانوى العام غدا الثلاثاء فى جميع المدارس على مستوى الجمهورية وقد تداولت عدة صفحات للغش الالكترونى شاومينج صور نسبت الى حل امتحان الفيزياء اولى ثانوى 2019

رأى مدرس فيزياء اول فى أمتحان الغد بأذن الله

لطلبة 1 ثانوي...

أنا بعتذر لكم عن حصة المراجعة النهاردة...
ملغية...
عشان الامتحان اتسرب...
ديه نسخة فاضية من الامتحان
وديه الاجابات من رأيي...
في مدرسين عاملين اجابات مختلفة...
بصراحة الامتحان ممتع و اغلب الاسئلة جميلة تخليك تفكر...
بالرغم اني مش من رأيي يجي الامتحان كله كده لان مش كل الناس عندها القدرة انها تتعامل مع النوعية ديه من الاسئلة...
بس من رأيي امتحان جميل هيخلي حتي المدرسين تختلف مع بعض...
طبعا مش صح انى انزل الاجابات...
لكن كمان مش صح اني ادي حصة وادي فيها اجابات الامتحان...
او ادي حصة ومديش فيها الامتحان المتسرب...
عشان كده كان لازم اول حاجة نلغي الحصة...
ثانيا: عندك نسخة فاضية من الامتحان
حلها في وقت الساعة و نص...
وادي نفسك درجة علي كل سؤال صح...
بالتقريب كده خلي الدرجة من 20 وشوف نفسك تستاهل كام من الاجابات...
اللي ممكن تلاقي اجابات منها مختلفة عن مدرسين تانين...

ناس كتير ممكن تفضل تندب حظها وانها اتساوت مع اللي ماذكرش...
عندك حق...
بس حصل...
نقطة ومن اول السطر...
اشتغل وخليك عملي...
وحل واجهز للترم التاني...

بالمناسبة النظام مستحيل يتلغي...
رغم ان اجابات المدرسين للامتحان مختلفة...
وكل واحد عنده اسبابه المقنعة لاجاباته...
كل سنة وانتم طيبين...
واستمتعوا بالاجازة عشان انتم كنتم تحت ضغط كبير السنة ديه... من كل الناس حتي من نفسكم...

ملحوظة هامة : اولا : الامتحان بأجاباته مش عندى
ثانيا : المقصود من المقال عرض مشكلة هتأثر على مستقبل اولادنا و محاولة إيجاد حل لها لكن غير مقصود على الاطلاق الاستسلام للواقع و نقل الامتحان المسرب و النظر تحت اقدامنا فقط .. ايه الفائدة العائدة عليك و على أبنك لو اعطيته الامتحان المتسرب و دخل و جاب النتيجة النهائية و أجلت المشكلة لأمتحاناته فى الثانوية العامة ( ثانية و ثالثة ) بعد ما تكون ضيعت عليه التجربة فى الامتحانات التجريبية دى و مقدرتش تقيمه او تخليه يقيم نفسه إذا كان هيقدر يكمل بالشكل ده أو لأ ؟! .. و لا حتى ساعدته بأنك ترفع صوتك بسلبيات التجربة لإيصالها للمسئولين فى محاولة لتصحيحها قدر الأمكان!!