وجهت احدى امهات الطلاب على الفيس بوك رسالة نارية للدكتور طارق شوقى وزيرالتربية والتعليم وقد جاء نص الرسالة كالاتي:

⁦# رساله_من_ام_الي_السيد_الوزير
بعد التحيه
ومن غير نظريه العداء بين ولي الامر والوزاره
احب بس نتكلم بهدوء بعد ما انهيت انا كأم جزء من فروضي وواجباتي المنزليه
سيادتك فكرت الصبح و حضرتك راكب عربيتك تقول للشوفير انا مش رايح الوزاره النهارده انا رايح مدرسه في صعيد مصر ...تشوف المدارس عامله ازاي والطلاب قاعدين علي الارض او المسافه بين البيوت والمدرسه لان في مناطق مفهاش مدارس والاهالي بتبعت اولادها قريه تانيه عشان المدرسه فيها !!!
وبعد كده نقول ليه بيحصل تسرب من التعليم
طب بلاش الصعيد ...يمكن المشوار طويل نروح اي منطقه عشوائيه ...
نشوف حال المدارس نشوف حال الطلاب اللي هما اولادنا اللي ٥قاعدين علي ديسك واحد اللي الفصل تتراوح الكثافه فيه من ٨٠الي١٢٠مع العلم ان المدرسه تعمل بنظام الفترتين الولاد يا ولداه بدل ما يتنفسوا الاكسجين بيتنفسوا ثاني اكسيد الكربون ولا كانهم نبات وبيقوموا بالتمثيل الضوئي من كتر ما الفصل مكتوم
نشوف الملاعب طب بلاش الملعب وهو بيمرسوا رياضه طلوع ونزول السلم ...
طب الحمامات ..مهما اطفال ومش هيقدروا يقعدوا طول اليوم من غير ما يدخلوا الحمام
طب انشطه طب مكتبات طب معامل ..طبعا دي حاجات معشش عليها خيط العنكبوت من الركنه لانها لم تعد تصلح للاستخدام الادمي
طب سيادتك تقارير المتابعه بتقول اللي انا حكيته ده!!!
ولا بتترفع مذكره لمعاليك بكله تمام وكويس يا ريس و الفلوس بدل ما تتصرف علي تطوير المدارس بتتصرف علي مكاتب المسؤلين!!
طب سيادتك عايز تعمل منظومه جديده لا وتابلت كمان ...طب عال العال فين بقي المكان اللي يسمح بتنفيذ الكلام ده
طب ما الامهات قالت التطهير قبل التطوير قلت عليهم امهات قاعده ٢٤ساعه علي النت ومش فاضيه تربي ولادها
ما هي قاعده بالتناوب مع امهات تانيه توصلك صوتها و بالصور لحال مدارسنا
قاعده تتابع المنظومه
قاعده مستنيه تعرف ايه المحذوف من المنهج اللي لسه موصلش مع انها يا ما نادت بتطوير المناهج بدل ما تطبع كتب وصفحات وحبر يضيع علي الفاضي
طب ايه المشكله ان الام بتقعد علي النت مهي كمان لما سيادتك تنزل بالتابلت هتساعد ولادها في البحث عن الموضوعات
مش دي التكنولوجيا اللي اكيد متوفره في مكتب حضرتك
احنا مش اعداء
احنا نسيج واحد واعضاء في المنظومه التعليميه
#من_حقنا_نفهم_ونناقش
منقوووووووووول